بين انياب الزاجر

البارت الرابع والعشرون

كعدت الصبح فتحت عيوني اتذكر شصار امس
لميت راسي بحضني ابجي بسكوت

ماهو وين وله بعد احسن كون ميرجع
اتذكر وازيد نحيب وبجي

شلون سويتي هيج شلون غبيه مطيه
شنو مدد مطي براسج

تندمت بكد شعر راسي صحيح ماتقربلي
بس سلمته نفسي برضاتي.....

اهمداج يا نعال وأشكال المسبات على نفسي
كلما اتذكر شصار اريد اتقيا

الله يلعنك زاجر كون الله ياخذك يخلصني منك
رحت غسلت وجهي اجدد نشاطي

اصفن المرايه وشهكت هذا الحيوان شمسوي بيه
ركبتي مزوركه خرب حضك زاجر

رحت جبت المكياج واخفي بيهن
بقه أثر واضحات لبست شالي اغطي الركبه
بأكبر قدر ممكن...

طلعت برة شفت البنات يتريكون
سلمت وكعدت اتريك وياهن

اتفاجئن ليش لابسه شالي مسويته عدل اني بالعاده
مالبسه اصلا بالبيت

سئلني وكتلهن عجبني البسه
شفتهن يتغامزن ويضحكون...

يبو متت خرب حضك زاجر شسويت امداك
خلصت بسرعه مستحيه غاطه بهدومي

كمت اغسل بالملابس واشر بيهن بالي مشوش
يعني راح يطلكني هاهي خلص

دمعن عيوني كمت اعاتب بنفسي
ليش تبجين مو ماتحبين وتكرهي كافي ذليتي نفسج كلش هواي
مسحت دموعي اشجع بنفسي خيولي ومايستاهلني
واكيد استاهل الأحسن منه

قاطع تفكيري صوت سندس تصيحني
نشفت اديه ورحت ركض...

كتلهه ها فرادايس محتاجه شي
احب ادلعهه هيج

كالت تسلمين حبيبي بس ردت اسئلج ترحين ويانه
للسوك نسوك للعرس

كتلهه بفرح وصفكت اي طبعا جا شلون غير نشتري ملابس للعرس
كالت جا خوش حضري نفسج ساعه ونطلع

رحت ركض للغرفه اطلعلي لبسه
رحت بدلت عالسريع ولبست بشت فوك ملابسي
وسويت شالي

طلعت مكمله تجهيز نفسي
كعدت بالصاله...

طب زاجر يخابر باوعتله كارهته من كل كلبي
خايس معفن ادبسز كلبت وجهي

دايرة وجهي عنه
شفته يخابر واجه كعد يمي

سمعته يكول اي هاهي اريد كلشي جاهز اليوم بليل
ماريد شي ناقص

ﻻ ﻻ ﻻ مااريد اي تأخير وتاجيل
ضروري ينتهي كلشي اليوم بالسرعه الممكنه
لزمت شهكتي لا تطلع يعني هاهي يطلكني صدك