بين انياب الزاجر

البارت الواحد والعشرون

اقترب من اذني يحجي بهمس٠٠٠٠٠٠
كال موافق بشرط

التفتتله بفضول  اي وشنو هو بله
استاذ حمزة
ابتسم ومسح لحيته٠٠٠

كال انتي تعرفين احنه بقريه ريفيه
وبنيه تشتغل عندي

وماكو اي صله قرابه بيننه اكيد يفصلون
ويلبسون على كيفهم

فلضمان الحلوك تنسد
أعقد عليج حتى نجنب هالمشكله
ومانطيح بحرج من الناس٠٠٠٠

ارتبكت بخوف امسح بديه وافرك بيهن حيل
حسيت حرارة طلعت من جسمي
معرف شكول وشحجي...

كتله أرفض طبعا والشغل مااريده
ومشكور عالتعبك وياي

وعفته ومشيت
سمعته صوته يصيح بيه
ماهتميت كملت طريقي حايرة وين اروح
ضروري الكه شغل

سمعت اكو احد بالقريه محتاج عامله
كلت اجرب حضي ليش لا

وصلت لهذا الشخص كتلهة عمو سمعت بيك
عندك شغل شنو هاذة الشغل
باوعلي من فوك ليجوة وكال
ما اعتقد راح يفيدج هاذة الشغل

استغربت من كال هيج وكتله عمو هوة شنو الشغل
كال عندي أسطبل مالت خيل والشخص الي جان يشتغل وياي
عافني لان تعب من هاي الشغلة....

وتوقعت رجال هوة الي راح يجي حتة
يداري الخيل العندي...

كتلهة عمو لا تخاف اني راح إداري الخيل مالتك
لان أعرف بلخيل

هو باوعلي صفح ما عجبه حجيي كتله عمو
راح اشتغل عندك اسبوع وشوف اذا عجبك شغلي
اكمل وياك واذا ما عجبك اطردني...

هو وافق على اقتراحي  كال من باجر ابلش شغل بلسطبل
رجعت للبيت بفرح واخيرا حصلت شغل
رجعت للبيت تعبانه مابيه احرك ايد ولا رجل
تلكتني الجده بالباب واصله روحهه ليفوك..

بعدني ما حجيت اجاني الراجدي احس خدي
خدر من قوتة وكفت مصدومه من فعلتهة بعدني ما
حجيت حسيت شعري تهلس من كد ما جر بي

بقيت ابجي واصيح بحس مخنوكما ما اعرف شنو السالفة
حسيته رفستني ببطني...

كمشهه متألمه ورجعت رفعتني من شعري
كالت وين جنتي ****

تفرين بالبيوت خزيتيني كل اليجي
يضل يحجي بعرضي

وستري بناتج وضبيهن وين موليه من الصبح
ولسه تخورين تردين تجيبلنه العار...

كتلهه ترة ماسويت شي جده والله هديني اوجعتيني
صفكتني بواحد ثاني..

وجهي صار احمر وخدر
هدتني طحت بالكاع اشاهك وابجي

حجت بتوعد
والله اذا شفتج طالعه عتبه الباب
نهايتج عالايدي
وعشه ماكو مثل الجلب تموتين جوع وعطش...