في صباح اليوم التالي تحديدا منزل "مريم" كانت تجهز نفسها في غرفتها، بينما "ندى" ووالدتها يجلسان في الصالة.
قالت "والدة مريم" وهي تبتسم لصديقه ابنتها: ندى، أول يوم في الجامعة أكيد كان فيه حاجات مثيرة للاهتمام.
ابتسمت "ندى" وبدأت في التحدث بحماس: آه طبعًا، كانت تجربة جديدة تمامًا. المحاضرات كانت مثيرة جدًا، والدكاترة شرحهم كان جميل. وكمان اتعرفت على ناس كتير من مختلف الكليات، واكتشفت انشطه جديدة ممكن أشارك فيها. المشكله بس إن بهدلة المواصلات دي حاجة فظيعة.
ابتسمت "والدة مريم" وبادلتها الحديث: مبسوطة أنك قدمتي تجربة جميلة. خدو بالكم علي نفسكم وانتو مع بعض.
في تلك اللحظة، بدأت "مريم" في الخروج من غرفتها، مستعدة للخروج. قالت لها "ندى": يلا يا مريم، اتأخرنا. هنلحق أول محاضرة بصعوبة.
بعد قليل بينما كانت "ندي" و"مريم" يسيران نحو الجامعه نظرت "مريم" "لندي" وقالت:ندي.. كانت صعبة جدًا المحادثة الأخيرة مع فادي.
قالت لها "ندي" بأهتمام: إنتي اتكلمتي مع فادي تاني؟ اي اللي حصل؟.
ردت عليها "مريم" بتأسي وألم: الموضوع مش سهل. هو زعلان مني وحاسه أني بجد مش قادرة أوصله. حاولت أشرحله لكن دايمًا فاهمني غلط.
احتضنتها "ندى" بحنية وقالت: مريم، إنتي لازم تدي لنفسك ولعلاقتكم وقت. الأمور دي ما بتتحلش بيوم وليلة.
خلي تركيزك النهاردة على المحاضرات، وحاولي تنبسطي. المشاكل بتتحل، مفيش حاجة تستحق إنك تزعلي نفسك كده.
بعد عناق ودعم من "ندى"، اتجهوا إلى الجامعه، بعد قليل كانت المحاضرة ممتلئة بالطلاب. وكانت "مريم" و"ندى" يجلسان وينتظران بداية المحاضرة. بينما دخلت "الدكتور" ونظر إلي الطلاب وقال: صباح الخير، النهاردة هنتكلم عن مبادئ الاقتصاد. الاقتصاد هو العلم اللي بيدرس كيفية توظيف الموارد المحدودة لتحقيق أقصى إشباع ممكن للاحتياجات والرغبات البشرية. هنتكلم كمان عن تأثير الحكومة والسياسات المالية على الاقتصاد...
_______________________________________________
في شركة، كان "فادي" يجلس على مكتبه يراجع بعض الملفات على الكمبيوتر، بينما اقترب منه "يوسف" مدير قسم المبيعات وقال: فادي، عامل إيه؟ إزاي الأمور؟.
ابتسم "فادي" وقال: الحمد لله، كل شيء تمام. بتعلم كتير من الشغل هنا.
نظر له"يوسف" تقدير وقال: كويس. محتاج مساعدتك في تحليل بعض البيانات لمشروع السوق الجديد. ممكن تستلم الملف وتبدأ الشغل؟.
ابتسم "فادي" وقال وهو يأخذ الملف: أكيد.
قال "يوسف" : تمام، لو احتجت أي حاجة كلمني.
____
«فادي كمال»، شاب يبلغ من العمر 25 عامًا، خريج معهد عالي في الهرم، حيث تخصص في نظم المعلومات. أصله من قنا، ويتسم بمتوسط الطول ولون بشرته الحنيطي.
أنت تقرأ
ذكريات وقرارات
Любовные романыالبطلة تحمل ذكريات جميلة عن حبها القديم للبطل والذي انتهى بشكل غير مرضي لها. بعد خمس سنوات، تتخرج وتبدأ البحث عن وظيفة. البطلة تتفاجأ عندما تجد وظيفتها الجديدة في نفس الشركة التي يعمل بها البطل وبعد عدة مواجهات محرجة، يزداد التوتر بينهما. يظهر (صديق...
