- تعالوا نسولف عن الأمام المهدي عجل اللّٰه فرجهَ الشريف ✔️🤎.
-شنو أسمه الحَقيقي ؟
أسمه محَمّد بن الحَسن
هوَ الأبن الوحَيـد للحَسن العَسكري
المدفون بسَامراء
عِنده عدة إلقاب ..
أبو القاسم، أبو جعفر، أبو صالح. بقية الله، الحجة، القائم، المهدي، قائم آل محمد، الخلف الصالح، الشريد، الغريم، المنتظر، صاحب الأمر، صاحب العصر والزمان، المأمول ، المنصور ،
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
-ليش سموا بَـ القائم مهدياً ؟
لأنه رح يهدي إلى أمر قَد ضلّوا عنه !
زين ليش سموا بالقائم ؟
- لقيامَـة بالحَق .
والرسول ( ص ) گال : لأنَّه يقوم بعد موت ذكره، وارتداد أكثر القائلين بإمامته".
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
-وليش سموا بالحِجه ؟
لأن هو حجة الله في الأرض .
الامام المهدي هوَ إللي رح ينقذنه
هوَ إللي رح يتحَكم بالعَالم كله حَرفياً !
هوَ إللي رح يخرجنه مِن الظَلام للنور !
تُملأ الأرض قبل خلافته ظلما وجورًا فيملؤها بعد خلافته قِسطاً وعدلاً، وذلك في آخر الزمان.
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
-وقَبل لا تولده أمه چانوا يگولون إلها
" أن اللّٰـه تعالى سيُهب لكِ غُلامًا في ليلتكِ هَذهِ ويصبحُ سيدًا في الدُنيا والأخرىٰ "
وأيضاً بالروايات يكولون أول ما نولد
نطَق الشهَادة وگال : أشهد إن لا إله إلا الله مُحَمّد رسول الله ،
- عُمر الأمام المهدي خمس سَنوات ومات أبو نتيجة سَم خلوله واستشهد الحَسن العَسكري بسبب العصر العَباسي .. وراها اختفى المهدي عن الانظار وغاب مرتين !
روايات تكول ٦٩ وشي تكول ٧٤ !
والغيبه الثانيه إللي هيه هاي بقت لحد هذا يومنه هو مخفي
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
هو مخفي وهذا الشي مِن رب العالمين
يكولون عُمره حالياً فوك إلف وميه وسَبعه وسَبعين يكولون رَب العالمين مَدد عُمره وهالشي مو بعيد لأن الله قادر عَلى كُلشِي ،
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
رَح يبقى مخفي إلى إن يسَمح إله رب العالمين بالظهور
وأكو هواي عَلامات تدل ع ظهور المهدي
مثلاً:
١- كثرة الموت
٢- كثرة الأمطار
٣- كثرة الزلازل
٤- كثرة الحروب والقَتل والظُلم
٥- الخسوف والكسوف الغير مؤقت
وهواي عَلامات تدل على ظهور مولانا
- وأهم شي من يظهر رجال اسمه الدجال هذا واحد أعور ومن اعداء الامام المهدي فَ من رح يظهر الدجال ويكول الناس " انا ربكُم "
فَ هنا رح يظهر الامام المهدي ويقتله
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
ومره سألوا الامام علي عليه السلام
گلولة مَتى يخرج الدجال؟
گاللهم "يخرج إذا امات الناس الصلاة واضاعوا الامانة واستحاذوا الكذب واكلوا الربا واخذوا الرشا وشيدوا البنيان وباعوا الدين بالدنيا واستعملوا السفهاء وشاوروا النساء وقطعوا الارحام واتبعوا الهواء واستخفوا بالدِماء وكان الحُلم ضعفًا والظلم فخرًا وكانت الامراء فجره والوزراء ظلمَه والعرفاء خونة والقراء فسقة وظهرت شهادة الزور ،
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
الامام المهدي اول ماراح يظهر يظهر بمكه
ويعلن للناس ظهوره بعدين يجي للكوفة"النجف" ويستقر بيها حَ تكون عاصمة للدولة مالته ومن راح يظهر للناس اللّٰـه حَـينزل وياه ملكين واحَد أسمه جبرائيل وواحد ميكائيل فَـ هذولة ينصروا بالدنيا
وحَ يظهرون ويا أصحاب الكهف
ويظهر النبي عيسى ابن مريم
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
-وأيضاً يگولون من يظهر الامام المهدي رح يكون لابس درع النَبي مُحَمّد
ولابس خاتم سُليمان وشايل بأيده سيف الامام عَلي..
ورح يسوي ثورة ع الظالمين
ورح يحچي وي الناس ورح يدليهم عَ الطريق الصحيح
ويحَرر كُلشِي حَتى القُدس ورح ينهي كُل الظالمِين بكل انحاء العالم حتى الدول الأوربيه !
تخيلوا شلون رَح يوحَد العَالم كِله !
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
زين الدول الأوربيه مارح يحاربوا !؟؟؟
إي مارح يحاربوا شكد عدهم ادوات للقتال ضخمه وقويه وأسلحه وغيرها لكن مارح يحَاربوا
هنا حتجي وظيفة النبي عيسى
سُبحان الله شوفوا كلشي بي حِكمه ؟
فَ بما أنو اكثريتهُم الأوربين مسيحين
فَ مِنَ يشوفون نبيهُم عيسى يصلي وره الامام المهدي ومقتدي بي رَح يصيرون مِثله ..
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
والامام الصادق يگول
"فلا يبقى يهودي ولا نصراني الا وصدَق به "
تخيلوا ! حَتى اليهود رَح يتبعوا ويصدقوا
بعض الروايات أيضًا تكول: أنو الأسلحه كُلها مارح يكدرون يستخدومها ورح تتوقف
بالنسبه للمُلحدين والهند ومدري منو ذول الي يعبدون البَقر من يشوفون الناس كلها مشت وره الامام المهدي هَم رح يتبعوا يعني حرفياً العَالم كِله رح يصير دين واحد !! 🦋.
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
الامام المهدي ويانه بكل مكان ترا !
حتى من تصير الزياره مُمكن تلكوا وياكُم بَس متعرفوا هوَ حَتى يسمع داخلكم شنو يكول !
جربتوا فد يوم طلعتوا لمكان وصعدتوا السياره وكلتوا سَلام عليكُم يا مهدي ؟ والله يسمعكم والله يشوفكم هذا امامكم بكِل خطوة وياكم
لو طلبتوا المُساعده مِنه مُستحيل يردكُم
بَس انتو حرفياً متناسييي حَتى بصَلاتكُم متذكروا ! ولا تعرفون شي عنه غافلين عن كُلشِي يخص امامكُم !
لو تعوفكم الدنيا كُلها !
هو وياكم ميعوفكم رح تحسون بوجوده رح تكونون مطمنين هواي ومتخافون مِن شِي لو تقربتوا إله والله حيكون وياكُم بكُلشِي
𓂃 ࣪˖ ִֶ˖ ִֶָ ˖𓂃 ࣪ ࣪˖ ִֶָ
رح تصير الآخرة رح تصيره حياتنه الجديده حلوه رح نشوف ناسنه واهلنه واجدادنه واحبابنه رح نلتقي بالجنه كلنه احنه هناك حياتنه يم رب العالمين وأمامنه ونبينه
هناك تشوفون كُل الشُهداء الماتوا
هناك كُلشي رَح يرجع حلو
يعني مَثلاً مِن رَجع زُليخه لجمالها ولشبابها بعد مصَارت عَجوز
الخدوش والجروح والتجَاعيد والإلم والأمراض كُلها رَح تختفي
هناك مارح نبچي ابدًا
هناك حياة لا تنتهي 🦋.
دُمتم في حفظِ الرحمٰن
