في جُحر الأفعى

الحلقه ١٣

#في جحر الأفعى
#بقلم شمس العراقيه

مساء الخيرات عيوني هذا بارت تعويض عن التأخير 🤍

نمارق

ـ ما رد عليه وضل ساكت التفت عليه مو احاجيك شو منطيني الاذن الطرشه اظن سمعتني كلش زين

أشهاب ـ اطلكچ اطلگچ بس اصطبري عليه شوفي يا كواد يبقيچ يمه

ـ أي صلولات ﻋلى محمد شوكت اسمعها منك بس كون توفي بكلمتك وتأخذني لاهلي وهاا بنتك ما اخذها وياي
باوعلي بنظره حقد وهز رأسه ورجع كمل سياقته لحد ما وصلنا الجو مشحون واحس بي بركان ثاكب مو طبيعي والمفروض اشوف فرحه على وجهه بولادة بنته بس ما شفت غير الغضب تارس وجهه ومخربط ملامحه البارده الى قاسيه

" فتح الباب بقوة ورجع ركعه الا غمضت عيوني من شدة الصوت نزل وصاح سعاد اجت ساعدتني ذبيت عليها الطفله ودخلت الغرفه هسه اطلكني وتأخذني لاهلي لعد صايره دايره اولد واني بثوبي سابحه بدمي وبنتك ملفوفه بشالي ونسوان الغرب يتحسسن عليه بربطه اغطي بيها شعري واسترك شرفك كلت كلامي دفع سعاد من كدامي وهجم عليه صم حلكي ودفع الباب دفعني بالكاع تمالكت نفسي وكفت بغضب بوجهه

اشهاب ـ راح تخبليني يا بنت الاوادم ونبي محمد عقل ما بقيتي برأسي صررررررتي أم اجني عقل لخاطرها اكعدي على عقلج وبعدين لكل سالفه الف حلال صوتج واصل سابع جار شاهرتني بين العرب حرمة اشهاب عرمه من الله لا يبارك بعمرج بلوني بيج بلوة وطركاعه طحتي على رأسيييييي

ـ طلكنييييي واخلص مني

ـ أطلكج بس خل تكبر هالطفله لن تموت وراج ما ناقص خطايا فوك خطيتج كافي عليه مسويتني جحيم ومحترك بنارها

ـ طلع وعافني ما اعرف شنو حجه ويه سعاد طبطبت على اكتافه رجع باوعلي عيونه حمر دم وعاصر كف ايده بكل غضب صديت وجهي عنه واجت سعاد قفلت الباب خلتها بفراش ابوها وكالت

سعاد ـ اخليها بفراش ابوها علمود تطلع عاقله وحكيمه وخوش بنيه مثل ابوها مو مثل امها العرمه الثوله ما تعرفين تتصرفين ولج نوب منين طلعتي بهاي السالفه تردين تطلكين يعني الزلمه ناقص هم فوك همومه ليش تمرررينا وياج مو حرام عليج

نمارق ـ دخيلچ شكد مهتم لامرنا وشايل همنا هو ولا ابالي وعادي عنده لعد عليج الله هذا وضع وضع طفله هسه صايره شوفي ملابسنا شوفي حالتي وهو يباوعلي وهو الممنون واحد عديم مسؤوليه ما يفكر جفرنا بهالغرفه وياكل وينام يمعوده شتحجين لخاطر الله

ـ متكوليلي أنتِ منو يعجبج اذا أشهاب الرزن الثكيل العاقل ما يعجبج منو يعجبج هو منو بيهم طالع بيت لوحده شوفة عينج احنه اربع نسوان مخلينه بوسط العيال وجهالنا بطولنا

ـ على اقل حناش محترمتجن ومخليجن قدر وقيمه

ـ قيمه برأسج يا احترام تحجين عنه شو مكدنا بنعال ومكومنا بنعال ليكون عاجبج حناش وجهه تكول جوب قطرة رحمه ما بي لا صلاة لا صوم القبله ما يعرفها وين