في جُحر الأفعى

الحلقه ٢٠

ـ في جحر الافعى
#بقلم شمس العراقيه

" صباح الخيرات

نمارق

ـ حناش يمنا ماما فدوه قنعي بابا خل يحجي وياه ويرجع اطفالي بيبي فدوة رحتلج انتِ هم احجي وياه بلكي يقنعه

ليلى ـ ماشي حبيبتي خل نوصل وتدللي بس بالأول خل نعرف ليش هو جايي علينا وياه أخوانه وما وراهم بس المصايب

نمارق ـ كلبي وجعني خفت من جيته وياه اخوانه الظاهر العلاقة متطوره هما وبابا ومن زمان علـــــى تواصل مع الاسف يا بابا ما توقعتها منك أبداً تمنيتك تكون سندي مو ضدي هذا الجان خايف منه اشهاب وعنده علم بي ودائماً يحذرني ويمنعني اروحلهم ياريت سمعت كلمتك وما وصلت لهل النقطه ولوحدي بنص الطريق لأ أنت ولا أطفالنا و وحيده من دونكم ضيعت نفسي بنفسي ما أكدر أسامح نفسي على كل أذيه قدمتها إلك أنت الوحيد النظيف بينهم أشرفهم واطهرهم الوحيد الما أذيتني بس اني اذيتك هواي أذيتك

" وصلنا البيت وامي ساندتني وشفت سيارتهم طابكه يم بابنا دخلنا امي راحت تغيير ملابسها تجي تسويلهم عشه واني وكفت من باب الداخلي مال الاستقبال أستمع الهم أطفالي رجعهم لحضنييييي ليش اخذتهم مني ليششش

صائب ـ يعني الحكم يتخفف عليه لو ينحكم موبد

حناش ـ بيش طالبه موبد وبعدين اني وين رحت اخلي مؤبد لا ما توصل للموبد ان شاءالله وهسه القضية الاولى مالت الحجي صباح وابننا لازم تسقط وبوكفتكم ويانا

وتضل بس قضية ابوي واكو شهود والكل يشهد بالحق ورجليه فوك رأسه ونشوف شنو يترتب علينا وشنو يطلب منا القانون احنه جاهزين والمحامي راح اغيره اجيبله محامي شاطر وشغله مضبوط ويطلع بعون الله

" وابوي الله يرحمه قبل لا يموت وصانا بي ومنع احد يشتكي عليه وقبل وصيه ابوي يضل أخونا ودمنا واحد بس ما راحت الا على غمان  .

صائب ـ والنعم منك ما تقصر والاخ يضل أخ وصاحب وكفات ويه اخوه وإشهاب خوش رجال يستاهل الواحد يتعبله والله يرده سالم

انس ـ بس لاتنسون يضل الحق العام أقل شيء ينسجن  خمس سنوات الى سبع سنوات حتى لو تنازلتوا عن الحق الخاص يبقى الحق العام نفسه

حناش ـ فال الله ولا فالك يالمصركع وشمعرفك انت بالقانون والحق العام  ،  القانون هو يعرف شغله واحنه جاهزين  انت خليك بنفسك ولا تتدخل خوش

انس ـ اني دارس وهاي معلومات كل واحد يعرفها

ـ لا ربحنااا لعد شفنا الدارسين شسوا لعبوا لعب والله لو مربين نسوانكم عدل ما وصلنا لهل المواصيل

ـ احجي عدل واعرف نفسك وين كاعد ترى يصير ما يعجبك اوزن كلامك

ـ لك منو أنتَ تعلمني احجي عدل متعلم حجايتين وجاي كاعد بالديوان ومكابلني وبعدين اللي كلته صدك ليش أنفعلت لو الحقيقه توجع