في جُحر الأفعى

الحلقه الأخيࢪه رقم ١

"في حجر الأفعى
" بقلم شمس العراقيه

صباح الخيرات اعرف تأخرت بالنهايه بس كلفتني وقت وصارت كلش مطوله لهذا قسمتها قسمين هذا القسم الاول وبعد القسم الثاني والاخير 

نمارق

ـ منو جابهم ماما كلت هالكلمه ودخل إسماعيل وراه بابا يتشكر منه وهو منزل رأسه كال

إسماعيل ـ انه جبتهم عمي إشهاب عرف وما رضى كالي تروح تجيبهم وترجعهم لامهم هو جان ما عنده علم ولو يدري من زمان يردهم الج وانه بلغته وكام يحجي ما رضى والله كال حناش من كيفه يتصرف ومنع احد ياخذهم منج

صائب ـ معدل وأصيل اشهاب يلة اتفضل ابني

اسماعيل ـ لا عمي مشكور

ـ لا ما يصير جاي من طريق بعيد اتفضل ابني اتفضل

نمارق ـ بقيت ساكته او بالاحرى ما عندي جواب اخذتهم ودخلنا وفرحانه بيهم مخليتهم بحضني وابوس بيهم وهاجر جابت محمد يبجي اخذته منها بحضني وهما يباعون هذا اخوكم الصغير اسمه محمد ابتسموا ويتلمسون بشرته وهو عرم بس يصرخ وجهه صار احمر من وكاحته امي جابت الهم ماعون فواكهه واني ارضعه ويباوعلي وياكلون عيوني انتوا امسح على شعر غلا واطرافه كله محترك اخذت روحي

" امي جابت ملابسهم مخليهن بكونيه مالت طحين فتحتها لامانه ملابسهم نظيفه وجديدات بس كلهن دشاديش هما هيج لبس جهالهم

ليلى ـ هذول وين عايشين هما اطفال من كل عقلهم هيج بلبسونهم يتعثرون بيهم خطيه

نمارق ـ هما هيج لبسهم ماما

ليلى ـ اروح السوك واجيبلهم ملابس حلوه،  عود من يكونون يمهم يلبسون هيج لبس بس يمج غيري ولبسيهم لبس من عمرهم خطيه هما اطفال والا اكولج جيبيهن ملابسج من بعدج صغيره موجوات خل غلا تلبس منهن

هاجر ـ صدك عمه لحد الان محتفظه بيهن

ليلى ـ اي والله هي ونجوى لحد الان ضامتهن من عمج طلكني اخذتهن وياي ضميتهم يم امي ومن رجعت جبتهن وياي هسه اطلعهن وخل يلبسون منهن بين ما اروح واجيبلهم ملابس حلوة وتلوك الهم ششو جيبيهن

نمارق ـ اخذتهن مني وهما يباعون ماما لاتذبيهن كدامهم لن نبيهين ويركزون هزت راسها ومشت وشوي واخذتهم الحمام سبحتهم وماما طلعت الملابس وغلا كلش فرحت بيهم وميثم سوده عليه ما زعل بس حسيت بي وماما طلعت اله ملابس يعني توالمه لبسهن وقنع فدوة لعمركم

" فرحانه بيهم وهما كذلك وبابا وماما ما قصروا وياهم ملابس وألعاب وكلشي يحتاجونه وفروا الهم بابا حبيبي حنين عليهم بشكل ويحبهم هواي وطول اوقاتهم يقضونها وياه بس علاقتنا اني وياه بعدها متوتره وعلى كد السؤال والجواب بعده ماخذ على خاطره من عندي واتمنى ترجع علاقتنا مثل الأول اب وبنته بس صار اللي صار وزعلنا مضى على سنين طويله وضل نفس ماهو   .