في جُحر الأفعى

الحلقه ما قبل الأخيࢪه

#في جحر الافعى
#بقلم شمس العراقيه

مساء الخيرات ياروحييي الحلقه ما قبل الاخيره قربنا نوصل الختام  .

نمارق

ـ مصدومة بإفعال أهلي وياهن بعد كل اللي صار وعادي كأنما ولا صاير شيء واللي يذبحني معاملة بابا وياي ونظراته وكلامه يقهرر وهاجر هي السبب بكل الي حصل والمفروض هم تتعاقب وتتسمع كلام مو اني اعرف خطأت وخطأي جبير مو حلوة من بابا هيج يعاملني كأنمت غريبه مو بنته ردت اعيط واصرخ بيهم كلهم واحجيلهم عن معاناتي اللي مريت بيها .

" بس جان سكوتي ضعف وخوف وخاصه من بعد ما حناش اخذ اطفالي مني صرت مثل الريشه وما عندي طاقه احجي او ادافع عن نفسي واحجي معاناتي سلب روحي واعز ما املك خلاني جسد بلة روح ما تمر ثانيه اذا ما افكر بيهم روحي مذبوحه ذبح على فراقهم

ومستعده ارجع اعاني واتعذب من جديد بس في سبيل انجمع بيهم والمهم بحضني واشم ريحتهم اويلي يا يمه سوده بوجهي تموت امكم تموووت واخلص من هالحياة ما نصفتني ولا نصفت ابوكم ولا نصفتكم بقيتوا لوحدكم بوسط اهلكم مثل الغرباء  .

"  استحلن الغرفه ونجوى جابت الهن ملابس سبحن وعادي الامر واني باقيه بس اباوع على هذا وهذاك ومصدومه بالكل وتصرفاتهم واطباعهم البشر صاير ما ينحزر ولا ينعرف بالاخص الأهل تنصدم بيهم اشد الصدمه  .

" تمددت بغرفة امي حتى بدون غده وكبالي ملابسهم ودخلت ماما بيدها صينية الاكل ليش تعبتي نفسج ما جوعانه

ليلى ـ جبت الغدا لعندج لن حابه اكعد وياج ونسولف ام وبنتها حبيبتي ما عليج منهن منا للعصر تنحل سالفتهن واني حجيت ويه ابوج يحاول يقنع رجلها بلكي الله يهدي ويرجعها وياه وين نوب نحير بيها وراها بنتها وهاي امها ما تريد ترجع لاهلها ولا تعوف بنتها وتكول رجلي على رجل بنتي ما اروح اذا ما اضمن راحتها والامان الها محد يأذيها والصراحه مو مال اجرعهن اثنينهن يوجعني كلبي من اتذكر اللي سونه بيج مو مال تقدير واحترام بس شنسوي احنه مو مثلهن

ـ كيفكم ماما شيء راجع الكم

ـ يعني ما ضجتي

ـ طبعاً اضوج وشابعه قهر هم يعني عليج الله بدال ما حاير بهاجر وسوالفها ورجلها وشلون ترجع لبيتها وشايل همها ما يكدر يرجعلي جهالي لحضني مو يشوفني شلون متلوعه وراهم والله كلبي مثل النار يمة اني امهم فدوة لكلبج حاجي خل يقنع حناش ويحاول وياه ترى جهالي من حقي مو من حق احد وبعدين ما اعرف شنو يعانون اهناك ومنو يهتم بيهم حسسسوا بيه يمه اني بنتكم

ـ حناش قافل وما يتحاجى والله ابوج ما جايز منهم صحيح عصب عليج وكالج انسيهم بس جاي يقنع بي يرجعهم الج وأنتِ هم صبري ما نكدر نضغط عليه ويقسى اكثر واحد شرانيي وما يخاف الله شنتوقع منه