• ချစ်လူမိုက် ချစ်လို့မိုက်ပါတယ်
In Married Life, EXTRA •
Episode (1)
နက္ခသောင်းလှိုင်တစ်ယောက် သူခိုးကြီးညမှာ ခိုးယူသွားသည်က ပစ္စည်းမဟုတ်ဘဲ လူဖြစ်နေတာကြာင့် မိဘများမှာ စီစဉ်စရာရှိတာ စီစဉ်ရတော့သည်။
" ရွာထဲက အပျိုတွေတော့ ငိုနေတော့မှာပဲ နက္ခရာ "
ဇနီးလောင်းလေးသောက်ဖို့ အုန်းရည်ခံနေရင်း တောင်စိမ်းရဲ့စကားကို မဲ့ကာရွဲ့ကာဖြင့်..
" သူတို့ကိုတော့ အားနာပေမယ့် မတတ်နိုင်ဘူး ငါက နွေးမှနွေး တစ်နွေးထဲနွေးနေတာ နွေရာသီ ပူပူကြီးမှာတောင် နွေးချင်နေတာ "
စကားပြောဟန်ကိုက မြောက်ကြွ၊မြောက်ကြွနဲ့ တော်တော်ဖြစ်နေသည့် နက္ခကိုကြည့်ကာ တောင်စိမ်းမှာလည်း မချိုမချဉ်။
" ဟေ့ကောင်တောင်စိမ်း လစ်တော့ကွာ ငါက မိန်းမရသွားပြီဆိုတော့ မင်းတို့နဲ့အချိန်မဖြုန်းပေးနိုင်တော့ဘူး အချိန်ရှိခိုက် နို့ကိုနှိုက် အဲ.. လုံ့လစိုက်ဖို့ မိန်းမနား ပူးကပ်နေတော့မှာ ဂေါ်မစွံတွေက လစ်တော့ "
အိမ်ဘေးကို ခပ်ကုတ်ကုတ်လာနေသည့် တောင်မှိုင်းကိုပါ မြင်လိုက်သည်မို့ တစ်ပါတည်း စကားထည့်လိုက်ကာ အုန်းရည်ဆက်သဖို့ အိမ်ထဲအပြေးတစ်ပိုင်းနဲ့ ဝင်ချလာခဲ့လိုက်သည်။
" နွေးအတွက် အမောပြေအုန်းရည် "
စကားထိုင်ပြောနေကြသည့် အမိုးတို့၊အဘတို့ ယောက္ခမနဲ့ ရွာသူကြီးတွေကိုကျော်ကာ တစ်ခွက်ထဲယူလာခဲ့သော အုန်းရည်လေးကြောင့် မျက်လုံးပေါင်းသောင်းခြောက်ထောင်ဟာ နက္ခထံ တစ်ပြိုင်နက် ကျရောက်လာ၏။
" လူကြီးတွေက အခုလိုရာသီမျိုးနဲ့ အကြမ်းရည်လေးပဲသောက်သင့်တယ်ထင်လို့ပါ နွေးက လူငယ်ဆိုတော့ အား!! "
ဗိုက်ခေါက်ကြောလိမ်ဆွဲခံလိုက်ရသည်မို့ အသံထွက်မိပြီး နွေးရဲ့မျက်နှာရိပ်၊မျက်နှာကဲကြောင့် နာကျင်သမျှကို ဂလု ဆိုပြီး မျိုချပစ်လိုက်ကာ အပြုံးလေးဖြင့် နွေးရဲ့ဘေးနား တိုးကပ်ထိုင်လိုက်သည်။
YOU ARE READING
ချစ်လူမိုက် ချစ်လို့မိုက်ပါတယ် (𝐎𝐧𝐠𝐨𝐢𝐧𝐠)
Romanceသောင်းလှိုင်အိမ်ရဲ့အော်ကြောလန်သားအငယ်ဆုံးလေး နဲ့ မြို့ပေါ်ကနေ ရွာကိုတာဝန်ကျလာသော ဆရာမလေးတို့နှစ်ယောက်ရဲ့ မနဲ့မောင် အချစ်ဇာတ်လမ်းလေး💗 Available for Unicode & Zawgyi ❗
