• ချစ်လူမိုက် ချစ်လို့မိုက်ပါတယ်
In Married Life, EXTRA •
Episode (6)
" နွေးကို မောင်တိုးတိုးလေး မေးမလို့ "
အမောင်နက္ခမှာ ထူးထူးခြားခြား တိုးတိုးလေး မေးမလို့တဲ့လေ။
" ဘာမေးမလို့လဲ မေးလေ "
အရွက်သင်နေသည့် နွေးဘေးကို ကပ်ထိုင်လာပြီး ဘေးတွင် ဟင်းချက်ဖို့အတွက် အဆင်သင့်လှီးဖြတ်ထားလေသော ကြက်သွန်ဖြူ၊နီ တွေကို ငရုတ်ဆုံလေးထဲထည့်ကာ ကူထောင်းပေးနေသည်။
" နွေး အစ်ကိုက အေးမာကို ကြိုက်နေတာလား "
" ဟင် ဟုတ်လို့လား "
" ဟုတ်မဟုတ်တော့မသိဘူး သူတို့နှစ်ယောက်ကိုကြည့်ရတာ တပူးပူး တတွဲတွဲနဲ့ဆိုတော့ မောင်က အဲ့လိုထင်တာလေ "
အရွက်သင်နေရင်း နွေးမှာလည်း မျက်လုံးကလေးကလယ်ကလယ်နဲ့ စဉ်းစားမိပြန်သည်။
" သူများအကြောင်းမပြောတော့ဘူး မောင်တို့အကြောင်းပဲပြောကြရအောင် နွေး မောင့်ကို ဘယ်တော့ ကလေးမွေးပေးမှာလဲ "
" မောင်က ကလေးတော်တော်လိုချင်နေတာလား "
" အင်းလေ မောင်တော်တော်ဖြစ်နေတာကို အခုမှသိတာလားလို့ "
" တကယ်တော့လေ နွေး ကလေးမွေးရမှာ ကြောက်နေလို့ စိတ်ထဲမှာလည်း အဆင်သိပ်မပြေသေးလို့လေ ဒါပေမယ့် မောင့်အတွက် တစ်ယောက်လောက်တော့ မွေးပေးမှာပါ ခဏတော့ စောင့်ပေးလေ နော် "
" ဟင် နွေးကလည်း ကလေးမွေးတာ ဘာများခက်လို့လဲ မောင်တို့ရွာက အရီးတင့် တောင်မှ အားတိုင်းကလေးတွေ တရစပ် မွေးနေတာ အေးဆေးပဲ ကြောက်စရာမရှိဘူး "
နက္ခသောင်းလှိုင်မှာ သူမမွေးရတိုင်း အလွယ်လေးထင်နေသည့် ခပ်ပေါ့ပေါ့ ကောင်ဆိုးလေးပင်။
" နောက် နှစ်နှစ်လောက်ဆို မွေးပေးမယ်လေ ဟုတ်ပြီလား "
" မဟုတ်ပြီဘူးနော် သဘောမတူဘူး မောင်က အခုလိုချင်နေတာလေ ချက်ချင်းမွေးပေးပါဆို "
" ကျစ်! စိတ်ညစ်လာပြီ မောင်ရယ် သွားတော့ အပြင်မှာ သွားနေ အထဲဝင်မလာခဲ့နဲ့ "
YOU ARE READING
ချစ်လူမိုက် ချစ်လို့မိုက်ပါတယ် (𝐎𝐧𝐠𝐨𝐢𝐧𝐠)
Romanceသောင်းလှိုင်အိမ်ရဲ့အော်ကြောလန်သားအငယ်ဆုံးလေး နဲ့ မြို့ပေါ်ကနေ ရွာကိုတာဝန်ကျလာသော ဆရာမလေးတို့နှစ်ယောက်ရဲ့ မနဲ့မောင် အချစ်ဇာတ်လမ်းလေး💗 Available for Unicode & Zawgyi ❗
