• ချစ်လူမိုက် ချစ်လို့မိုက်ပါတယ်
In Married Life, EXTRA •
Episode (10)
ရွာတောင်ပိုင်းတွင်ရှိသော သူကြီးအိမ်ဆီ အပြေးအလွှားနဲ့ရောက်လာလေတော့ အိမ်ရှေ့ကွပ်ပျစ်တွင်စကားထိုင်ပြောနေကြသည့် ဆရာလေးနဲ့သူကြီးကိုမြင်လိုက်ရသည်။
" နက္ခပါလား ရေးကြီးသုတ်ပြာနဲ့ဘာဖြစ်လာတာလဲ "
သူကြီးရဲ့စကားကိုပြန်မဖြေသေးဘဲ ဆရာလေးသုတကိုသာ အရင်လှမ်းကြည့်လိုက်လေတော့.. ခပ်အေးအေးကျောင်းဆရာလေးမှာ နက္ခကို အပြုံးလေးဖြင့်လှမ်းကြည့်လို့နေသည်။
" သူကြီးနဲ့တော့ပြောစရာမရှိပါဘူး "
" အဲ့တော့ မင်းကဘယ်သူနဲ့တွေ့ချင်လို့ လာတာတုန်း "
" ဆရာလေးနဲ့စကားပြောစရာကိစ္စတွေရှိလာလို့ ဒီကိုရောက်လာရတာပဲ သူကြီးရေ "
အကြမ်းရည်တစ်ပန်းကန်ကို ခပ်မြန်မြန်ငဲ့သောက်ရင်း ထိုစကားကိုပြောလိုက်လေတော့ ဆရာလေးမှာ အံ့ဩတကြီးဖြင့်..
" ကျုပ်ကိုပြောစရာရှိတယ်ဆိုတော့ ဘာများလဲ "
နက္ခစကားကြောင့်အံ့ဩတကြီးဖြစ်သွားသည်မှာ ဆရာလေးတစ်ယောက်ထဲတော့မဟုတ်။
သူကြီးမှာလည်း နက္ခအား အံ့ဩတကြီးမျက်လုံးလေးများဖြင့် လှမ်းကြည့်နေ၏။
" ကျုပ်က နှစ်ယောက်ထဲစကားပြောချင်တာ ဖြစ်နိုင်ရင် ကျောင်းပြန်ရင်း ပြောကြရအောင် "
" ကောင်းပြီလေ ဒါဆို အခုပဲသွားကြရအောင်.. သူကြီးကိုကျွန်တော်ပြောထားတဲ့ကိစ္စလေးစဉ်းစားပေးထားပါအုံးနော် "
" စိတ်ချ ဆရာလေး "
သူကြီးမှာ ဆရာလေးသုတကို ခေါင်းတညိမ့်ညိမ့်ဖြင့်ပြန်ဖြေသည်။
ရွာလမ်းမကြီးအတိုင်း နှစ်ယောက်သားလျှောက်လာခဲ့လိုက်ကြတာ သူကြီးအိမ်နှင့် တော်တော်လေးဝေးလာခဲ့လေပြီ။
" ကျုပ်ကိုပြောမယ်ဆိုတာက ဘာများပါလဲ "
ဆရာလေးဘက်က အရင်စကားစလိုက်လေမှ..
" ကျုပ်က အပြောမတတ်ဘူးဆရာလေး အဲ့တော့အခုပြောမဲ့စကားဟာ ဆရာလေးကိုစွပ်စွဲသလိုဖြစ်ကောင်းဖြစ်နေမယ်လို့ထင်တယ် ဒါပေမယ့် ဒီကိစ္စက ကျုပ်သိကိုသိရမှဖြစ်မှာမို့လို့ပါ "
YOU ARE READING
ချစ်လူမိုက် ချစ်လို့မိုက်ပါတယ် (𝐎𝐧𝐠𝐨𝐢𝐧𝐠)
Romanceသောင်းလှိုင်အိမ်ရဲ့အော်ကြောလန်သားအငယ်ဆုံးလေး နဲ့ မြို့ပေါ်ကနေ ရွာကိုတာဝန်ကျလာသော ဆရာမလေးတို့နှစ်ယောက်ရဲ့ မနဲ့မောင် အချစ်ဇာတ်လမ်းလေး💗 Available for Unicode & Zawgyi ❗
