للحلال لمعةٌ خاصة

الفصل الأول

قناة المجد للقرءان الكريم قرءان يُتلي آناء الليل وأطراف النهار"
روائح الطعام الشهيه وأصوات الماره بالطريق والبائعون للسلع الغذائية بكل مكان
نهضت بتكاسل وغيظ وهي تنظر إلي أخاها بعدما أيقظها من نومتها المميزه وأردفت وهي تصك علي أسنانها
_ هو إنتَ فيه حد مسلطك عليا؟ قول إعترف متخافش مش هاجي ناحيتك

حرك كتفيه بلامبالاه وهو يردف بإبتسامه صفراء
_بما إن النهارده السبت وأجازه ليكِ من الكليه وعشان الست أختك التانيه مش معبراني قولت مفيش غيرك أختي حبيبتي اللي هتيجي تلعب معايا كوتشينة ولا أنا غلطان؟

أمسكت بمبرد الأظافر الموجود بجانبها علي الكومود وهي تهتف بإبتسامه مصطنعه وتوجه المبرد ناحيته
_عُمَيْر يا حبيبي حد قالك إني باخد أيام أجازتي من الكليه عشان حضرتك؟! أنا ما بصدق يوم الأجازة ييجي عشان أخربها نوم،وإنتَ يا هادم اللذات جيت فوقتني من أحلي نومه..

أمسك بالمبرد من يدها وهو يهتف
_بعد وصلة الكلام دي،قومي بقي صلي الضحي وإلبسي هدومك ولحد ما تعملي كده أدخل أشوف الشعنونه التانيه

ولم ينتظر ردها ليخرج من الغرفه مغلقا الباب ورائه بينما تركها تتمتم بعدة كلمات ليست مفهومه
ثم نهضت من فراشها لتقضي حاجتها وعندما إنتهت إرتدت ملابسها المكونه من فستان فضفاض يتميز باللون الزيتي يعلوه خمار من اللون الأبيض ثم خرجت إلي الشرفه أخذت تطلع إلي عدة إتجاهات حتي وجدت غايتها لتردف بصوت عالٍ والبسمه تعلو وجهها

_أُم عطيه يا أُم عطيه

كانت سيده تظهر الراحه واللين علي معالم وجهها تعلو شفتيها إبتسامه ودوده لتردف بحب

_ترنيم! صباح الخير يا حبيبتي، تعالي يلا عملت ليكِ المحشي اللي بتحبيه، محبيتش أفطر قبل ما تيجي

تزين وجهها بإبتسامه خاليه من التصنع وهي تردف بحماس
_في دقيقه هتلاقيني قدامك يا قمر إنتِ، متاكليش المحشي غير لما آجي

أسرعت تخرج من غرفتها وهي تطوي الدرج بحماس طفله لتقف أمامها والدتها وهي تردف

_صباح الخير يا ترنيم،رايحه فين كده مش هتفطري؟

_صباح النور يا نوجا يا سكر،لا يا حبيبتي إفطروا إنتم أم عطيه عامله حسابي في الفطار

منحتها والدتها إبتسامه قبل أن تتجه نحو المطبخ وتخرج وبيدها طبق به قطع من كعكة الشوكولاته التي تعشقها إبنتها لتردف بحنان

_النهارده يومك في إني أعملك الأكله اللي بتحبيها عملت ليكِ كيكه والمحشي علي العشاء،خودي دول ليكِ إنتِ والحاجه أم عطيه وسلميلي عليها

وضعت قبله علي وجنتها وهي تهتف
_يخواتي علي السكر ،فيه أم قمر كده ؟!

_بس يا بكاشه..!