للحلال لمعةٌ خاصة

الفصل التاسع

السلام عليكم ورحمة الله وبركاته

"يا ليتَ قلبي لم يُحب ولم يَهِمْ
بل ليتني ما كانَ لي أحبابُ".

- الرافعيّ.
_______________
قاطع حديثهم صوت طرقات على بابِ المكتب، وصوت الخادمة وهي تُردف:
-" تيم بيه، فيه واحده بره إسمها بسمة عايزه تقابل حضرتك "

نظروا إلى بعضهم البعض قبل أن يومئ لهم تيم بهدوء ثم أردف ببرود لازم نبرته:
-"روحي شوفي شغلك، وأنا دلوقتي جاي"

-"هتعمل إيه يا تيم؟ "

كان صوت سُفيان المُتساءل ليردف تيم بخبث:
-"هعمل كل خير، نخلص موضوع بسمة وأبوها ونفضى لمحمود الدسوقي عشان ده حسابه تقيل"

صمت قليلًا قبل أن يُكمل حديثه:
-"عُمَيْر، هاتلي الملف من الخزانه وهات السديهات وتعالى معايا "

أماء له بهدوء ثم إتجه الآخر خارج الغرفه ببرود شديد لا يُلائم الموقف، وما إن رآها حتى أردف:
-"خير يا بسمة؟ "

نهضت الأخرى من على مقعدها مُهرولة وهي تهتف بلهفة مُصطنعة:
-"الأخبار اللي أنا سمعتها دي حقيقة يا تيم؟ "

-"أخبار إيه دي بقا اللي سمعتيها؟! "

قامت بإمساك يده في حين دلوف الفتيات من باب الڤيلا وكانت تتقدمهم ترنيم لتُردف تلك المُمسكة بيد تيم دون أن تُلاحظ الأخرى الواقفه:
-"صحيح إنك إتجوزت اللي إسمها ترنيم دي؟ "

نقل تيم أنظاره بخبث بين يدي بسمة المُمسكة بيده وبين ترنيم الواقفه تُطالع ما يحدث بتوجس وغضب، سُرعان ما زفر ببرود وأردف:
-"ويهمك في إيه إن كان حصل ولا محصلش؟ "

"يهمني في إيه إزاي؟، تيم أنا خطيبتك، يعني دي إسمها خيانة"

رفع يده أمام وجهها وهو يُردف ببرود صاعقي:
-"بس أنا مش شايف أي دبلة في إيدي تقول إنك خطيبتي! ولا إنتِ بنيتي أوهام وعلى الأوهام دي بنيتي حياتك!! "

تركت يده بصدمة وهي تُردف:
-"يعني إيه؟ أنت خطيبي أنا فاهم يا تيم ومستحيل اللي إسمها ترنيم دي تاخدك مني"

-"يعني لعبتك إنتِ وأبوكي إتكشفت يا آنسه، ومش تيم اللي يتلعب عليه من ضهره ويفضل نايم على ودانه "

صمت يستشف ملامح الصدمة على وجهها ثم أكمل بعدما أعطاه عُمَيْر الأوراق:
-"كنت فاكرك ذكية أكتر من كده، بس مش مهم خليني أقولك إنتِ كنتي عايزه إيه؟ "

إستطرد بقية حديثه وهو يُردف:
-"والدك المُحترم لما إحتاج يضحك على أي شركه ناجحه وياخد اللي وراها واللي قدامها ويلهف الفلوس لنفسه، ملقاش قدامه غير شركة تيم المالكي، وعشان يقدر يضحك عليا دخلي بموضوع ثفقة كبيرة وناجحة، ومش بس كده وقعك في طريقي لما طمعه زاد وحب يكتب الشركه وكل حاجه فيها بإسمه بحيث إن الموضوع يكون سهل ولما تاخدوا كل حاجه تلفقولي تُهمة بحيث مقدرش أرجع منكم أملاكي تاني ومش بس كده! "