السلام عليكم ورحمة الله وبركاته
___________________
_اللي فهمناه إن محمود الدسوقي مش ناوي علي خير، ده غير الاخبار اللي وصلتوها إنه السبب في الحريق اللي حصل في بيت الست اللي عندكم، وده غير أعماله القذره اللي بدأت تزيد! وهنا أقدر أقول إن الباقي عليكم يا رجاله
كمان إسبوعين في ثفقة أسلحه وأعضاء مهمه هيكسب محمود من وراها ملايين ويمكن دولارات
صمت اللواء قبل أن يُلقي بالملف علي طاولة الإجتماعات ليسترسل حديثه مكملا
_الملف ده فيه شرايط عن كل جرايم محمود الدسوقي ومش بس كده فيه سديهات بصور أطفال مخطوفه عشان يبيع أعضائها وبالإضافه إلي صور ضحايا هو مخطط إن الدور اللي جاي عليهم!!
صمت قليلا يري علامات الإستفهام علي معالم وجوههم ليردف بتريث
_اللي أدركناه من الصور دي إنهم بنات وما هم إلا، ترنيم، بدور، روميساء، حور، وفاطمه
اللي أدركنا إنه...
نظر لسفيان قبل أن يُردف
_اللي أدركنا إن أختك يا بيه بتعمل اللي في دماغها باردو وبتنشر في الجريده ضد محمود الدسوقي وده خلاه يحطها في دماغه
صمت يستشف ردات فعلهم ليردف تيم بهدوء
_كدا نقدر ننفذ الخطط اللي إحنا وضعناها؟
_ومش بس كده لازم ننقل كلنا الڤيلا المُشتركه ونزود الحراسه علي بداية الحاره وعلي الڤيلا كمان
أكمل عُمَيْر بتلك الكلمات ليكمل اللواء
_والبنات لازم أي مشوار يكون معاهم الحراسه وأجهزة تعقب علي الأقل لإن حياتهم مُعرضه للخطر في أي لحظه
أردف سفيان بتساءل
_بس يا والدي فاطمه إزاي هنقنعها إنها تنزل القاهره، وهي حابه إنها تفضل عند خالي تكمل شغل هناك
_هتيجي، وأنا اللي هتصل بيها أخليها تنزل، ومتأكد إن اللي هقوله ليها هيخليها تنزل...
دلوقتي تقدروا ترجعوا وتجهزوا نفسكم للمهمه بتاعة بكره
تساءل تيم بإستغراب
_واللي هي؟
_هتروحوا تطلعوا الأطفال اللي محمود خطفهم بس ده محتاج تفكير، لإنه ممكن يلاحظ إختفائهم في أي لحظه وده هيسبب مشكله كبيره لإنه محتاجهم في الشُّحنه!
عمّ الصمت لدقائق قبل أن يُردف تيم ببرود خبيث
_بس أنا عندي اللي هيخليه ميلاحظش..
___________________
_هنعمل إيه دلوقتي، ندخل علي حسابه من حساب واحده فينا ونشوف آخر مخططاته ولا نعمل إيه؟
أردفت بدور بتلك الكلمات بتوتر لتردف ترنيم وهي تنقل بصرها إلي حور
_حور، تعرفي تدخلي علي الحساب من حساب تاني بس يكون مش موجود!
طالعوها بإستغراب لتستكمل حديثها مُفسره
_يعني تعملي حساب مش موجود أصلا بكلمة سر جديده وكل حاجه تكون جديده، وتعملي نظام حمايه عليه بحيث إن مفيش حد يقدر يخترقه أو يوصل لصاحب الحساب!
أنت تقرأ
للحلال لمعةٌ خاصة
Misteri / Thrillerالحب جميل... جميلٌ بصفاته..! لكن ف كما أن الحب جميل؛ له حدود يتوجب الإلتزام بها .. فالحب ليس بحرام ! لكن يتصف الحب بالحرام إذا تشاركه الشخصان دون وجود علاقه شرعيه أي إن الإرتباط دون وجود علاقه تحلله فهو حرام.. أي حب في معصية الله ! دعونا نتوغل بأح...
