للحلال لمعةٌ خاصة

الفصل الثالث

_مليح الوجه!

تأوه عفوي خرج من بين شفتيه وهو يعود بظهره بحركه مفاجئة ليصطدم بالحائط لتردف هي بتذمر

_آه ياني علي شبابي اللي ضاع بسببك يا شيخ!

سرعان ما أنزلها وهو يهتف بحُنق
_ما هو إنتِ اللي غلطانه،هو فيه حد يعمل كده؟

_تصدق عندك حق! أنا غلطانه إني كنت عايزه أفاجئك!
المفروض كنت نطيت في وشك علي سهوه عشان تطب ميت ..

أردفت بها وهي تدلك ظهرها بألم وتطالعه بغيظ،ليطالعه ببرود ثم إتجه ناحية الفراش لِ يُلقي عليه الملابس التي أخرجها دون أن يعيرها إهتمام لتنفخ خديها بضجر وهي تتجه ناحيته وتهتف ببلاهه

_قلبك أبيض بقي،وبعدين أنا جيت أهو ..
وأصلا إنتَ اللي غلطان! مش إنتَ يومها اللي زعقت فيا!

إستدار لها بحركه مفاجئه أدت لتراجعها إلي الخلف بخفة بينما هتف بتهكم
_ومين أساس المشكله من الأول، أنا باردو؟!

عقدت يديها فوق معدتها وهي تردف
_كان ممكن تتكلم معايا بهدوء! لكن لا أول ما إتكلمت لقيتك بتزعق فيا
وبعدين أنا إيه ذنبي إني بغير عليك؟ ولا كنت عايزني أشوفها جايبه صينية البطاطس
وتقولك أنا عرفت إنك بتحب البطاطس باللحمه ف عملتها بنفس مفتوحه
وبالنسبه لِ الأرجوز اللي واقفه جانبك إيه؟!

ختمت آخر كلماتها وهي تحاول وقف دموعها فغيرتها تصل أحيانا للبكاء
بينما رق قلبه لرؤية دموعها ليجذبها لأحضانه وهو يقوم بإسناد رأسه علي رأسها وهو يهتف بحنان

_حقك عليا أنا غلطان وعايز ضرب الجزم،بس كان ممكن تفضلي لما أروق وتعاتبيني، عارفه أنا حسيت ب إيه لما قالولي إنك سافرتي تقعدي مع خالتي يومين! طب فكرتي كنت بعرف أنام من غير ما انام في حضنك إزاي؟

ظلت صامته ليستكمل هو بحب
_هان عليكِ تقسي علي مليح الوجه للدرجه دي يا جنيتي؟

رفعت وجها لتقابل وجهه وهي تردف بأسف
_حقك عليا يا مليح الوجه، إحنا الإتنين غلطنا وإعترفنا بالغلط متزعلش بقي

لَثَمَ وجنتها بحنان وهو يهتف
_وأنا مش زعلان يا ستي،وبالمناسبة دي بعد ما نتعشي عايز أشرب عصير فراوله من إيدك الجميله دي

_أفهم من كده إنك راضي عنا يا سيادة الرائد ؟

_أنا طول عمري راضي عنك يا عُمر سيادة الرائد .!

إبتسمت له بحنان وهي تُدثر نفسها بين أحضانه وهي تهتف

_أنا بحبك أوي يا عُمَيْر !

_وعُمَيْر بيموت فيكِ يا قلب عُمَيْر
______________________________

_السلام عليكم، إزيك يا أمي

_وعليكم السلام ورحمة الله وبركاته، الحمد لله يا حبيبي،إتبسطوا يا تيم؟

_أيوه الحمد لله، أومال فين بدور؟!