السلام عليكم ورحمة الله وبركاته
__________________
بترت كلماتها وهي تحاول التحلي بالشجاعه بينما داخلها يهتز وهي تراه يُطالعها بحاجبان مرفوعان لتردف بتلعثم
_ طبعا لو حلفتلك بأيمانات الله كلها دلوقتي إنه مش إنتَ مش هتصدقني صح؟
_ كدابه يا أبيه، قصدها عليك واللهِ
هتفت بها حور وهي ترتشف من كوب الشاي بيدها لتردف الواقفه بغيظ وقد تناست كل شئ
_ طب والله يا حور الكلب إنتِ لينا أوضه تجمعنا!
إبتلعت لُعابها بتوجس وهي تردف بحذر
_ مش بنام معاكِ في الأوضه أصلا
_ ليه متعرفيش يا روحي إن فيه سهرة بنات عندي في الأوضه النهارده، وروميساء كمان جايه؟
أنهت كلماتها لتردف والدتها بحنان
_يلا يا ولاد عشان الأكل ميبردش وإبقوا إتناقشوا في الموضوع ده بعدين..
أنهت كلامها ليتجه الجميع ناحية طاولة الطعام وشرعوا في الحديث بمواضيع مختلفه لتُفاجئهم ترنيم بحديثها عندما رددت بخفوت
_أنا عايزه ألبس النقاب..!
ساد الصمت الاجواء بضع ثواني حتي قطع ذلك الصمت صوت والدتها وهي تردف بهدوء
_مُقتنعه بقرارك يا ترنيم؟
_أيوه يا أمي، أنا أصلا بفكر في الموضوع ده من فتره وكنت متردده شويه بس بعدين إقتنعت وحبيت أفتح معاكم الموضوع لأني بصراحه كده جبته إنبارح من المحل!
أردفت آخر كلماتها بغباء لتردف بدور ببلاهه
_هو مش المفروض إنتِ تفتحي معانا الموضوع وبعدين تشتري ولا إنتِ ماشيه بعنصر المفاجأه؟
تعالت ضحكات حور لتردف ترنيم بحنق
_ما هو أنا لما بفكر في حاجه وبقتنع بيها بتحمس وببقي عايزه أعملها
أنهت كلماتها ولم تلاحظ أي منهم نظرات عُمَيْر الغامضه تجاه تيم ليومئ له تيم بهدوء ليردف عُمَيْر بهدوء وإبتسامه
_خطوه جميله يا رينو، وزوجات الرسول صلي الله عليه وسلم كانوا مُرتديين النقاب، وده شئ جميل لما تقتدي بيهم.. بس زي ما دي خطوه جميله لازم تلتزمي بشروطه واللي هي الچوانتي، يعني إيدك متظهرش ولو عيونك مُلفته بلاش تظهريها عشان مش تكون فتنه!
وعموما شوفي هتلبسيه إمته وأنا معاكِ
ختم كلماته بحماس لتردف ترنيم بإبتسامه
_هلبسه النهارده بليل إن شاء الله، عشان روميساء هتكون معانا
هتفت والدتها بغيظ
_الكلبه دي مش بتسأل ليه؟
اومال لو مش كنت أنا اللي رضعتها معاكم، البت دي عايزه تتربي!
قطع حديثهم أصوات من الهرج والمرج وأصوات الناس تتعالي تلاها صوت طرقات علي باب المنزل لتفتح بدور الباب وتتفاجئ بالصغير عطيه أمامها وهو يردف والدموع تملأ وجهه
_إلحقي يا أبله بدور، أمي في البيت والبيت بيولع ومفيش حد عارف يدخل يلحقها..
أنت تقرأ
للحلال لمعةٌ خاصة
Mystère / Thrillerالحب جميل... جميلٌ بصفاته..! لكن ف كما أن الحب جميل؛ له حدود يتوجب الإلتزام بها .. فالحب ليس بحرام ! لكن يتصف الحب بالحرام إذا تشاركه الشخصان دون وجود علاقه شرعيه أي إن الإرتباط دون وجود علاقه تحلله فهو حرام.. أي حب في معصية الله ! دعونا نتوغل بأح...
