في منزل بسيط يستيقظ بطلنا أدهم بأنزعاج علي صوت خناق و نري في غرفه المعيشه ياسمين و يوسف
ياسمين: والله يا يوسف ما هسيبك
يوسف:انتي عبيطه يبت كل ده عشان شامبو بخمسه جنيه
ياسمين بصدمه:خمسه جنيه انت عارف الغسول الي خلصته ده بكام يا معفن انت
يوسف:انا معفن اهه منا مش سي محمود كنتي هتجبيلو غيرو يخلصه عادي
أدهم بزعيق: خلاص بقا انت و هيا مش بتزهقو
والدهم:سيبهم يا أدهم خليهم ياكلو ف بعض زي الحيوانات و تعالي كل يابني
يوسف و ياسمين بصدمه: حيوانات
أدهم بضحك:يلا يا حيوان منك ليها عشان تفطرو
الكل ضحك عليهم و قعدو يفطرو في جو ملئ بالحب و الهزار
و في منزل أخر نري بطلتنا وعد تجهز الفطار و اختها ملك تجهز الطربيزه و مامتهم تنظر لهم بحب
ملك:يلا بقا يا دودو انا ريحه الأكل جوعتني
وعد بضحك:خلصت اهو تعالي ودي معايا
ملك بهزار:لا يختي انا جهزت الطربيزه جيبي انتي الأكل
مامتهم بضحك:يلا يا جزم انا جعانه
جابو الأكل و قعدو يفطرو
ملك: استأذن انا بقا عشان متأخرش علي المدرسة
وعد:خلي بالك من نفسك يملوكه
مامتهم: محتاجه حاجه قبل ما تنزلي
ملك: لا يحابيبي يخليكو ليا يلا مع السلامة
وعد و مامتها:مع السلامة يالوكه
بعد ما ملك نزلت بصت أمل لوعد
وعد: انا عارفه انتي هتقولي و الأحسن يا ماما تقفلي الموضوع ده
أمل والدتها:لي يا حبيبتي وافقي يا وعد احمد شاب كويس
وعد: يا أمي كويس و محترم بس لأ انا مش عايزه و الأحسن تقفلي الموضوع ده
أمل: عمك كل شويه يكلمني و زهق من المصاريف و عايزك تتجوزي انتي واختك عشان المصاريف كترت عليه
وعد بسخرية: مصاريف اي هو بيسمي ألاف جنيه الي بيديهلنا كل شهر دول مصاريف و بعدين ده حقنا و حق ابويا الي سرقه بعد ما مات
أمل بحزن علي حالها و حال بناتها: قومي يا وعد روحي شغلك
وعد بحزن: حاضر يا أمي
بتلبس وعد و تنزل و بتلاقي الصدمه
أنت تقرأ
حـب فـ حـي شـعـبـي ❤🍃
Genel Kurguأحياناً نكتشف ان اختيارا لشخص ما كان خاطئ ولكن حين يعوض الله بالرجل المناسب نعلم ان حكمه الله بأن نتعلم الاختيار كانت جيده
