"بسم الله الرحمن الرحيم"
رِاويتنة الجَـميلة: مُـرسال لـارس
بـِ قَـلمي أنا: روح
ضجيج عالي وشمس قوية صوت وضحك البنات الي يلعبن حاطة راسي عالجنطة وأتأملهن بـ كل هدوء
فزيت على صوت خطوات جاية باإتجاهي
رفعت راسي أشوف غدير تباوعلي بحقد
بكل هدوء وخوف ضميت مصرفي حچت بعصبية
-وين الفلووس؟
-ماعندي مو شفتي بابا انطاچن مصرف واني لا
صاحت بصوت عالي
-لاااتچذبين
صفنت بوجهة واني أتذكر
أمي تمشط بشعر أخواتي وتشاقيهن واني شعري متناثر وطويل ومامشطتة إلي
اخذت جنطتي وطلعت أمشي وحدي للمدرسة
شفت خالي من بعيد حسيت الفرحة دخلت گلبي ركضتلة وهوَ حضني حيل ويبوس بيَ ويحچي
-بوية وهيجة بنيتي يروحلچ فدوة خالچ شلونچ؟
حچيت واني اباوع بوجهة ببرائة
-مو زينة اني. امي مامشطت شعري باوع باوع شلون كفشة شعري
رد بحنية
-لاتبچين ياروح خالچ مو مشكلة اني هسة أمشطة الچ تعالي
گادني لبيتنة دخلنة طلع المشط من الجرارة ومشطلي شعري وعدل ملابسي يبوس بيَ ويشاقيني
سئل باأبتسامة
-وهوجة بوية عندچ مصرف؟
دنگت استحيت اگولة بابا انطة لأخواتي ومانطاني
-لاتنزلين راسچ وهجة ارفعي راسچ
رفعت عيوني المدمعة
سحب محفظتة وطلع منها فلوس حطهن باإيدي
باسني وضحك
-خليهن يمچ وإذا احتاجيتي گوليلي
ضحكت بفرح
-خالو وعلي اني أحبك هوااي
ودعتة وطلعت للمدرسة
فزيت على صوت غدير وهيَ تضرب عالرحلة وجرتني من شعري
-يلاا فضيهة
حچيت بضعف وخوف
-اي اي بس عوفي ضفيرتي خالو سوالياهة
فتحت جنطتي طلعت الفلوس خليتهن باإيديهة بهضمة حچيت
-أخذيهن الله لايوفقچ إن شاءلله
ضحكت وطلعت من الصف
رجعت لنفس گعدتي واني ابچب واشهگ بقهر
دگ الجرس للصف وأجتي المدرسة
بلگوات خلصن الدروس
بوكت الحلة طلعن خواتي للخط واني كل عادة أرجع مشي بالحر والشمس
حسيت بحرگة بوجهي عرفت رجع التحسس لأن وجهي يتحسس من الشمس
أخترعت من صوت الچلاب وراي ركضت بكل قوتي
إنداريت واني اركض اشوفهن بعدهن وراية متت من الخوف والرهبة بس كملت ركض
وصلت لفرعنة ووگعت من التعب بس گمت وهل مرة امشي بتعب
وصلت للبيت واني مختنگة وأخذ نفس بقوة هلكانة
اتلگتني أمي حچت عصبية تعت بيَ
-ويامن چنتي تطينين راسنة
فتحت عيوني بكل وسعها حچيت
-ماما ترا عمري تسع سنوات بعدني بالثاني شنو هل حچي
وخرت إيدها عني ومشيت اريد ادخل للبيت
رجعت دفعتني لمكاني وضربتني راشدي حيل نزلت دموعي من قوتة
جرتني من شعري تعت بي وتحچي
-الحگگ مهندد شوف بنتك ويامن چانت
فتحت حلگي بصدمة حسيت گلبي راح يوگف من الخوف وهيَ بعدهي مكملة تزيد بالكلام أجة بابا بسرعة ورا جدي واعمامي وأخوالي الضاهر كلها متجمعة
اتقدم عليَ بابا جر شعري ويحچي بعصبية
-وين چنتي بنت الچ*** احچي
باوعت لأمي تضحك بشماتة وحقد أحس سؤال واحد براسي هاي أمي لو لا؟
ضليت أحلف وأتقسم علمود يصدگني
-بابا بـ بابا والله ماچنت ويا أحد حـ حتى ركضت وراي الچلاب والعباس الچلاب ركضت وراي
إنتبهت لخالي أحمد طلع من شافة شلون لازمني
ركض وصاح بي يعوفني أخذني من إيدي
وخلاني بضهرة
امي لزمت إيد بابا وهيَ تردد
-لاتحرگ گلبك علمود وحدة ساقـ**
چلبت بضهر خالو احضن بي احچي واناشغ
-خـ خالي وحق علي ماچنت ويا واحد ركضت وراي الچلاب
أنت تقرأ
مُـرسـال لـارس
Aksiفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
