"بسم الله الرحمن الرحيم"
رِاويتنة الجَـميلة: مُـرسال لـارس
بـِ قَـلمي أنا: روح
گعدت على وجع راسي ونغزات بگلبي فتحت عيوني على كيف ورجعت غمضتهم ما اشوف عدل عيوني مغوشه إيدية خدرانة نزلت دموعي بتعب اريد أگوم
ما أگدر باوعت للمكان اني بالغرفة منو صعدني! درت وجهي شفت البنات نايمات حاولت شوية شوية أحرك أيدي
حاولت هواية بس ماگدرت تعبت. زفرت نفس بقلة حيلة ودموعي تنزل عاجزة أتحرك
-ياعلي
-ياسند لمن لا سند لهُ
-يا ابا اليتامة
-نادي علياً مضهر العجائب
-تلقاهُ عوناً لك فل نوائب
-ياعلي
رفعت إيدي بصعوبة ورجعت رفعت الثانية تچيت روحي على الگاع بخفة ثنيت رجلية وگقت مختل توازني رجلية خدرانات
رجعت وگعت ماأگدر أوگف عليهن حطيت إيدية على عيوني وبچيت بصوت عالي حسيت بأيد على كتافي مسحت دموعي بسرعة درت وجهي أباوعلها سمارة هزيتلها راسي بـ شنو
حچت بصوت هادئ
-محتاجة شي
هزيت راسي الها بـ لا
سحبت إيدي وخلتها بيدها
-أستندي عليَ أوديچ للحمام غسلي رجليچ بماي دافي تتحسنين
إستندت عليها لزمتني بقوة كل شوية أطيح ما أگدر أمشي
-ساعدي روحچ وهج يلاا
سحبت نفس ورجعت كومتني لحد موصلنة للحمام تكسرت من الطيحات
فتحت الماي وسندتني على الحايط لازمتني حطت رجلية جوا الماي الدافي تچيت راسي على الحايط شوية گدرت أوگف عليهم
بس بعد بيهم خدر هزيتلها راسي بـ كافي سدت الماي ورجعت سندتني رجعتني على الفراش وطلعت بدون كلام شوية وإجتي بيدها لفة حطتها بيدي
-إكلي مماكلة شي إنتِ
مگلت لا لأن جوعانة أكلت اللفة شفتها راحت للجرار فتحته وطلعت العلاگة مال العلاج مالتي جابت ماي وحطت العلاج بيدي
-اشربي
شربت العلاج وسئلتها بأستغراب
-منين عرفتي علاجي
-أنطانيا الولد من جابچ
-يا ولد ولچ
-ما أعرفة بس أسمراني وعندة غمازات ثنين
عرفتها تقصد ذو الفقار أخوي
-وهوَ صعدني
-إي.
-ليا وين
-هذيچ
أشرتلي على چربايتي نايمة هيَ وفاطمة
-أختچ بچت هواي خايفه عليچ
وگفت بصعوبة مشيت للچرباية بست خدها وعيونها فزت بسرعة. باوعتلي وحضنتني
-خفت عليچ
-هاي اني ياعمري مابيَ شي
-لا بس جابچ ذو الفقار مغمي عليچ وخفت
-لا تخافين شوفيني يمچ
بست راسها حطت راسها على صدري تضم روحها بحضني
-هم ضربتچ زمرد؟!
-لا ما تقربتلي أبد
بست راسها وضليت أمسح على راسها لحد مرجعت غفت نومتها مكانها درت وجهي لـِ سمارة
-بيش الساعة
-بـ5 الفجر
-اففف عَجل شگد صارلي نايمة
-من البارحة
بعدنه نحچي وسمعت دگات على الباب
تقربت فتحتة طلع بوجهي الغثة خزرتة وصحت بوجهة
-خيرر
-جدي يگول گعد البنات حتى نتوكل بس إنتن گاعدات
-هسةة؟
-إي هسة
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
