"بسم الله الرحمن الرحيم"
رِوايتنة الجَـميلة: مُرسال لـارس
بـِ قَلمي أنا: روح
في أُحدا مَـناطق النَاصرية
السَاعة الثامنة لَيلاً.
-مامااا
-هاا يمة
-جنة حرارتها مرتفعة!
دخلت للغرفة تحط إيدها على راس جنة تقيس حرارتها
- حطي شال على راسچ و روحي لبيت عمچ سليم أبوچ يمهم صيحي وتعالي بسرعة
-تمام
-يلااا يمة ركض
لبست شالي وطلعت من البيت دخلت لبيت عمي گبل للديوانية صحت
-باباااا جنة حرارتها مرتفعة من البارحة وبس نايمة
باوعلي وصاح
-روحي بوية جاي انا وراچ
هزيت راسي وطلعت راجعة لبيتنا لاگاني أحمد بالحديقة نزلت راسي درت وجهي أمشي بسرعة وهوَ يصيح
-إيڤ أووگفييي إيڤاان
دگيت رجلي بالگاع بعصبية درت وجهي علي
-خيررر
-الي يصيبچ عيني شلونچ
-زينة بخير وأهلي زينين وعمتك زينة وهذا عمك يمك وإسئلة شلونة لتسئلني وباي أريد أروح عندي دراسة
طلعت بدون ما اسمع جوابة دخلت لبيتنة دخلت للمطبخ لاگتني أمي
-ها يوم
-گال جاي وراچ
هزت راسها رحت للغرفة كومت كتبي بالگاع گعدت أقرة
رفعت راسي على صوت امي
-إيڤاان
-هاا ماما
-تعالي جيبيلي خمرة من أبو قاسم
سديت الكتاب وگمت لبست شال وأخذت الفلوس سئلتها على جنة گالت أبوچ اخذها للعيادة طلعت من البيت امشي الدنيا ليل لميت إيدية الصدري الشارع فارغ طلعت منة دخلت بغير بفرع مينشاف منة ضلمة
وصلت للمحل دخلت إشتريت خمرة ورجعت أمشي الفرع فارغ وضلمة
إبتسمت على الي راح اسوي حطيت الخمرة بجيبي وطگيتها ركضة بقوة أركض وأسحب نفس دخلت الفرعنة سرعت بالركضة
بـ لحضة وحدة صوت سيارة إنارة عالية ضربت عيوني صوت الهورن يرن بأذاني وگعت بالگاع على أثر ضربة بالسيارة غوشت عيوني غمضتهم رحت بالظلام الدامس....
واگفة بنهاية الغرفة أباوع علي يباوعلي بحيرة دموعي تنزل حطيت إيدية ورا ضهري أضمهم
-تعالي بوية
هزيت راسي خايفة
-سماري؟
حطيت إيدية على عيوني أشهگ الكلمة گوات تطلع من حلگي
-م ماريدها أخاف
-متوجع أبوية إنتِ
وخرت إيدية من عيوني أباوع لازم الأبرة بيدة شافني أباوع عليها حطها على الميز وتقدم عليَ
إبتعدت أحصر روحي بزاوية الغرفة تقرب عليَ أكثر سحبني من إيدي لازمها حيل
-تعالي خلي تولي الأبرة منضربها تعالي نامي
مشيت ويا سحب الأبرة من الميز درت وجهي علي بخوف
-منضربها بس خلي أذبها خربت
هزيت راسي گعدني على الچرباية
وطلع شوية ودخل باوع لإيدية مابيهن غمضت عيوني براحة إجة گعد يمي
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
