"بسم الله الرحمن الرحيم"
رِاويتنة الجَـميلة: مُـرسال لـارس
بـِ قَـلمي أنا: روح
دخل ابوي
مشيت ورا وهوَ يسئل
- شگد عمرچ صار؟
رديت أتصنع القوة
-مادخلك
- شگد عمرچ بدون حچي زايد
-ماريد اگول روح انتَ احسب
جرني من شعري صحت بي
- وخررر ايدك مني سحبني اكثر وگال
- خليني زين وياچ لا تطاولين بعدين شنو هلسان منيلچ بس تانيني ارجع اربيچ من جديد
ضحكت بإستهزاء
-ميهمني اضرب عادي بعد ضرباتكم متوجعني
عاف شعري وهوَ يستغفر
صحت
- اي اي إستغفر بعد عسى ولعل الله يقلل ذنوبك
كمل مشي ابوية واحسة يريد يرجع عليَ يموتني مشيت ورا صعد بالسيارة وصاح بـ نتر
- اصعدي
صعدت ليورة صاح وهوَ يفور عصبية
-انزلي بت الكلب سايق الخلفوچ اني انزلي!
نزلت واني اضحك صعدت وحچيت باإبتسامة
- ليش تغلط على روحك وبعدين سايق الخلفوي غير انتَ خلفتني مشة وهوَ يسب ويرجع يستغفر درت وجهي اباوع على الناس الدنيا عصر
تحسرت واني اشوف البنات الي بعمري يمشن ويا اهلهن واني بنص الظلم وصلنة بعد ساعة
للبيت المشئوم الي ماعرف شنو قصة العائلة الي بداخلة
فتحت الباب نزل ابوية فتح باب البيت صاح
- ادخلي فضيني
رديت بـ برود
- دخلت لا تصيح يولو
دخلت أمشي ورا ابوية دخل ابويه للديوان
-وهج هناا تعالي ياغضب الله
-والله ماگتلك خلفني
دخلت للديون وشفت جدي وبصفه عمامي والگدام خوالي مسوين اجتماع ماشاءالله حچة جدي
- هنا يم خواتچ اگعدي
التفتت باأخير الديوان بنات تلاثه معرفتهن بس ميزت غدير كبرانة وامي گاعدة گدامهن وشكلها عصبية مشيت بـ عدم اهتمام واني اگعد بصف غدير حچيت باإستهزاء
-ها الحية شلونچ
- لاهلا ولا مرحبا بجيتچ
ضحكت
- والله صدگ لا هلا لأن محضرة مفاجأة الچ تسوة عمرج وداعت هلعيون الأكرهن صاح جدي
- كافي اگعدي
گعدت واباوع بين أخوالي وأعمامي
ماكو خالو احمد باوعت لغدير حچيت
- خالي احمد وين؟
- ماعرف وين
.
سكتت من حچة جدي موجه كلامه لأخوالي
- اريد حزمة الأسلحة الي وصلت بغداد تعبر السيطرة بأسرع وقت وترجع امركم مكشوف ولازم ترجع اما الكرس*** لازم ينباع خلال يومين الگة كلشي جاهز
صاحو خوالي
- حاضر تأمر أمر حجي
رجع دار على ابوية وحچه يأشر عليَ
- أما بنتك الحليوة هذيچ فـ أريدها بعد شوي تفهمها واذا لگيتها رافضة اموتك واموتها
دار على اخواتي وحچة بغرور وتكبر
- غدير انتِ واخواتچ اريدچن هل شهر مكملات المخطط وبنات عمچ كامل وياچ فتهمتي؟
صاحت غدير.
-حاضر جدي
. هزيت راسي لأبوية بعلامة إستفهام اريد اسئل شصاير باوعلي جدي وحچة
-شگد عمرچ وهج
رديت بعدم اهتمام
-وليش يهمك
راد يگوم ابوية لزمةجدي وحچة
-اگعد ولا تدخل اني وحفيدتي
رجع كرر سؤاله جدي حچيت بقهر
-من ذبيتوني بذاك المخزن شگد صارلي
-يامخزن يبا
اشرت على عمي كامل وابوية وخالي رمزي اسئل
-جاوب يامخزن
دار جدي وجهة على ابوية بخزرة
حچة ابويه بلعثمة وخوف
- بوية مو غلطت غلط وچانت لازم تتعاقب
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
