"بسم الله الرحمن الرحيم"
رِوايتنة الجَـميلة: مُرسال لـارس
بـ قَلمي أنا: روح
باوعت علي بصدمة وصحت
-حَـسن!!!؟؟
أشرلي أنزل الجامة نزلتها صاح بوجهي
-وووهججججججج!
سديت اذاني من صوتة العالي غميتة بأيدية رجعلي الغمة وصاح
-شلونچ يمصگوووعة
-شجابك؟
-يول الناس تگول بخير بنص الخير شمالچ يوجه الفگر؟
-إنچب
-إنزلي إنزلي أعلمچ منو ينچب
-لا بربك جاي أرجف
-إنزززززلللي
-مرض
-بگلب عدواني
نزلت من السيارة وقفلتها ضربني على راسي
-وچ شني هااااي كبرراانة
-عجل شعبالك؟
-لا تگولين عجل گولي چا شوفيهة شحلاها چااا
-خوش، مگتلي شجابك؟
-انة عايش هنا
-چذااابب
-مچذب عليچ شني شو ما تستحين
-اهووو شتريد هسةةة
-نتسامر انة وياچ مرت أخي مُستقبلاً
فتحت عيوني وصحت
-شنوووو
-لا يعني أقصد شسمة يبووو تعالي أسولفلچ سالفة
-أسمعك.
-وهج السالفة مو مال وگفة يرادلها كعدة
-نگعد بالحديقة
-تمام
تمشينة للحديقة وگعدتة تحمحم وكال
-وهج تذكرين يوم الخطفناج وخدرناج حتى تحچين معلومات
-اي الله لا يوفقكم بعدني مراضية عليكم
-دسمعييي،بوكتها گلتي جدي يشتغل تاجر اسلحة
شبگت إيدي ببعض وحطيتهن على راسي
-اي والمطلوب
-بس بالمعلومات الي جبناهن جدچ صاحب محلات بفروع هواي وعدكم معرض سيارات بـ بغداد مو صح؟
-صح
- وضحيلي هوَ شلون تاجر أسلحة؟
-مو تاجر اسلحة
-بس إنتِ گلتي!
-هذا الشي چان مو بأرادتي وماعرف شحچي
وگف وحط ايدة على راسة
-راح أحاول أخفي الموضوع وأچذبة بس صدگي إنُ أيسر مراح يعوفة وراح يضل ورا ورا
-شنو الي يسوي خلي يسوي عادي
-خوش،يلا وهيجة گووود بااااااي
-باي
راح يمشي ضليت اباوع ورا لحد مختفة من گدامي غمضت عيوني رجعت راسي ليورا سحبت نفس و وگفت بسرعة مشيت للسيارة
صعدت ورجعت أفتر ما اعرف وين أروح إنتبهت على سيارة سودة مضللة تلحگ
بسيارتي سقت أغير الأتجاه الي أريد اروح بي دخلت بفرع دخلت وراية سرعت بالسياقة وهيَ وراية أباوع عليها عين على الطريق وعين
على السيارة طلعت إيد من الجامة مالتها بيها سلاح لفت بسرعة عرفت لهيب دازهم
ضربت الستيرن بقوة سحبت السلاح
خففت السرعة وسحبت اقسام بسرعة
رجعت اسوق بسرعة صار صوت الطلق وراية دخلت بفرع فارغ امشي والسيارة وراية طلعت ايدي من الجامة موجهة السلاح عليهم
ركزت ونزلت ايدي ضربت طلقتين على التاير الگدام سقت بسرعة صوت الطلق رج الفرع رج
رجعت ضربت على التاير الثاني
وسرعت أضيعهم طلعت
من الفرع متوجهة لبيت لارسن ضيعتهم أكثر بعدني على نفس السرعة أحس شوية
وأنگلب خففت السرعة أنعل بـ لهيب وگفت على جهة طلعت الحب أخذت وحدة
وشربت ماي راسي يوجعني رجعت أسوق مرت نص ساعة وصلت لبيت التدريب
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
