مُـرسـال لـارس

مُـرسال 11

"بسم الله الرحمن الرحيم"

رِاويتنة الجَـميلة: مُـرسال لـارس

بـِ قَـلمي أنا: روح

طلعت من الديوان وعيوني مدمعة
نزلت راسي ودخلت من المطبخ للدرج بسرعة صعدت ‏دخلت للغرفة تقربت على فاطمة بست راسها ودموعي تنزل
-لو يطلبون روحي أنطيها بالمقابل تبقين يمي ومتعيشين الأذية إلي عشتها بذاك المخزن.
ضليت گاعدة يمها أفكر
خالي احمد مستحيل يقبل أعرفة دخلت للحمام غسلت وجهي وطلعت أريد اشوف خالي احمد وين دخلت لغرفتة ما موجود نزلت جوا دخلت الغرفة جدتي سئلتها وحسيت كل أمالي إتحطمت من گالت سافر مشيت للصالى بسرعه دخلت وصحت
-خااااالي أحمد وووويين؟؟؟

جاوبني جدي ببرود الأرض وهوَ بيدة الريموت وعيونة عالتلفزيون
-مسافر
-ليشش ما گالي!!!؟
-راد يگعدچ الصبح بس انة مقبلت
-اها يعني انتَ مخطط الكل شي مو
عاف الريموت وباوعلي وإبتسم همس.
-يعجبني ذكائچ جدي
زفرت نفس بعصبية
-إي؟ شي أكيد راح يرجع ميبقة هناك
حچة وحاصرتة الضحكة
-لا جدي إنطيتة شغل هناك وراح يضل
-ونن سافر وين
-تركيا

ضربت الباب بيدي وطلعت مخطط الكل شي يعرف بخالي مستحيل يوافق فـ مسفرة واني عبالي عندة شغل من الصبح ما موجود غميت روحي ودخلت لغرفه جدتي
-هلا يمه تعالي يجدة تعالي
تقربت كعدت يمها حطت ايدها على راسي
-شبلاچ يمة إستهدي بالرحمـٰن موزين على گليبچ
زفرت نفس ونزلت دموعي
-يعني راح يجبروني اشتغل وياهم جدة شلون
-انة شبيدي عليچ يجدة كلما حچيت وهددوني بوليدي شعمل يجدة

بست ايدها وراسها طلعت منها افتر بالبيت وين اروح شراح يصير گعدت بالمطبخ إيدية على راسي وصافنه فززتني ملاك بت عمي كامل
-خيررر
-جدو يريدچ
-رادته جهنم أن شاءلله
عفتها ومشيت للصالة دخلت اباوع بس جدي وجاية سماره واختها ليا اخذت مكان بصف ليا وصحت
-خيررر أسمعك
اشر للبنات يوكفن وگفن رجع باوعلي
-البسي شي برجلچ ولحگينة للگراج
-وين ماخذنة
-بدون حچي يلاا وهج يلاا بوية

طلعت من الصالة أخذت الحذاء مالتي لبستها وفتحت الضفيرة رفعت شعري ذيل حصان عالي طلعت للگىاج شفتهم واكفين أشرلنة اني والبنات على السيارة
-إصعدن هسة أجي
صعدت سمارة واني يمها وليا بصفي باوعتلهن
-بربچن عاجبچن الشغل؟؟
جاوبتني سماره بنرفز
-منوو گال عاجبنة منوو گاال
-لعد شلون وافقتن
نزلت راسها سمارة باوعت لِـ ليا عيونها مدمعة هزيتلها راسي بـ شنو
-هددنه بأخواني الصغار اذا ماشتغلنة يكتلهم واحد واحد