"بسم الله الرحمن الرحيم"
رِوايتنة الجَميلة: مُرسال لـارس
بـ قَلمي أنا: روح
نرج المكان بأكمليتة على أثر الإنفجار الي صار وگفت أسند بنفسي أدور على أخوتي صيحت بأسم فاقد ادور علي
عيوني تفتر على المكان إنتبهت لأيسر الي نفزع يركض لـ وهج يشيل راسها من الگاع يمسح بالدم الي على وجهة دورت بعيوني على فاقد لمحتة من بعيد مشيت إلة بسرعة إحنة ما متأذين لأن چنة بعيدين عن البيت
الي تأذت هيَ وهج حطيت ايدي على كتاف فاقد دار وجهة عليَ يأشر على البيت ويصيح
-البناااات حسنن البناااااات
تذكرت البنات دخلن للبيت هد إيدي فاقد يريد يدخل للبيت كضيت إيدة اصيح بي البيت صار رماد والنار مشتعلة بي دفع ايدي بقوة
-للك سمارةة جوااا
رفع اللثام على وجهة دخل للبيت صيحت علي أريدة يرجع دخلت ورا ما نگدر نفوت المكان يلفح نار
كضيت إيدة هز راسة الدموع بعينة ركضنة سوا للغرفة الرابعة النار مستوطنة المكان أشرتلة نطلع
-وين تلگاااها لللك فااااقدد إإمشششي
سحبتة بقوة أطلعة
طلعنة من المكان جريت نفس انزل اللثام عاف ايدي فاقد يلتفت بلمكان يدورها بس ماكو البنية إحتمال صارت رماد درت وجهي على
صياح أيسر شايل وهج يصيح بالجنود يريد السيارة إجوي فرقة الأنقاذ نص الضباط هم متأذين نزلو يطفون بالنار درت وجهي ادور فاقد الي إختفة
ركضت أدور علي كل ظني رجع دخل
طلع فاقد من ورا البيت شايل بنية تقدمت علي صاح بلأسعاف يجيبون سدية جابوها حط البنية عليها
صعدوها بالسيارة ينقلون المصابين للمستشفى دورت على أيسر مالة أثر ومُقتدى هم إختفى درت وجهي على صوت شرطي
هزيتلة راسي بشنو
-سيدي أكو جثة طلعوها بس مشوهة
-وينهااا
-هناك سيدي
مشيت وياة وصلت للجثة وسريع درت وجهي من المنظر گلتلهم يغطوها ذبو عليها الغطة رجعت درت وجهي عليها نزلت لمستوى الجثة
أتأكد إذا هيَ أو لا بس وجهة مشوه مينشاف تذكرت السوار رفعت الغطة أكثر أدور على سوار هيَ
بيدها لمحت بيدها اليمنة لمعة لشذرات
گلبتها وشفت السوار هزيت راسي بأسف رجعت غطيتها
وگفت أشرتلهم ياخذوها المكان هوسة أصوات صافرات الشرطة وصافرات الاسعاف يدوي بالمكان والمنطقة مهجورة ذبيت نفس مشيت لاحگهم للمستشفى صعدت بالسيارة
إنطلقت للمستشفى وصلت بعد نص ساعة نزلت من السيارة دخلت للمستشفى
هوسة والضباط والرتب متكومة دخلت بينهم ادور على خواني شفتة گاعد على الكرسي وإيدة على راسة وفاقد واگف بباب الطوارئ يفتر تقربت عليهم اسئل ايسر
-شلونهاا وهج أيسر
هز راسة
-متأذية كلش وعلى أثر الضربة الصايرة براسها صاير عدها نزيف گدرو يوقفو وما محدد
شوكت تصحى
ضربت على كتفة ضربات خفيفة أصبرة
رفع راسة عليَ
-حسن
-ها خوية
- البنات ماتن مو
أنت تقرأ
مُـرسـال لـارس
Actionفتاة بريئة إنخلقت بَينَ عائلة لاتعرف الرحمة كانت لاتؤمن بالعـوض صغيرة. تبكي خوفـاً منهُم خَضعت لَـهم فـ قَتـلو برائتها.
