ဒီကိုယ်လုပ်တော်ကအလုပ်များနေပါတယ် ဝမ်ရယ်/ဒီကိုယ္လုပ္ေတာ္ကအလုပ္မ်ားေနပါတယ္ ဝမ္ရယ္

Chapter 22

Unicode

ဒီကိုယ်လုပ်တော်ကအလုပ်များနေပါတယ် ဝမ်ရယ်:
Chapter 22

ရွှေ့ရှူဖေးကို ကြင်ယာတော်သဲ့က နန်းတော်ထဲဆင့်ခေါ်ပြီး နှစ်ရက်အကြာမှာ လန်ရှူဖေးကိုလည်းသူမဖခင်ဘက်ကအဒေါ်ဖြစ်တဲ့ ကြင်ယာတော်သဲ့ကဆင့်ခေါ်ခဲ့သည်။

ရှူဖေးနှစ်ယောက်လုံးကနန်းတော်ကိုဝင်ရောက်သွားကြပြီး ပြန်ထွက်လာကြတဲ့အခါမှာလည်း ကြင်ယာတော်သဲ့ချီးမြှင့်တဲ့ဆုလက်ဆောင်တွေသယ်ဆောင်လာကြသည်။ကြည့်ရတာတော့ ကြင်ယာတော်သဲ့က ရှူဖေးနှစ်ယောက်လုံးကိုညီတူညီမျှချစ်ပုံရပြီး သူတို့ထဲကဘယ်သူ့ကိုမှ ပိုပြီးမျက်နှာသာမပေးပုံရသည်။

ဒါပေမယ့် ထူးဆန်းတာတစ်ခုဖြစ်သွားသည်။လန်ရှူဖေးက တော်ဝင်စံအိမ်တော်ကိုပြန်ရောက်လာပြီးရက်အနည်းငယ်ကြာအောင် သူမနေမကောင်းဘူးဆိုတဲ့အကြောင်းပြချက်နဲ့ ဧည့်သည်များကိုငြင်းလွှတ်သည်။အချိန်ခဏလောက် နာမကျန်းဖြစ်ပြီးတဲ့နောက်မှာတော့ သူမက သူမကျန်းမာရေးကိုပြန်လည်ဂရုစိုက်ဖို့လိုတာကြောင့် အတွင်းဆောင်ကိုမစီမံနိုင်တော့ကြောင်းပြောလာခဲ့သည်။အားအင်မရှိကြောင်းပြပြီး ဝမ်ရယ်ကိုခွင့်လွှတ်ပေးဖို့တောင်းပန်ခဲ့သည်။

ဝမ်ရယ်က လန်ရှူဖေးရဲ့ ကြိုးစားအားထုတ်မှုကို စာနာနားလည်ပြီး သူမ ခြေကုန်လက်ပန်းကျသွားမှာကိုစိုးရိမ်တာကြောင့် အတွင်းဆောင်ရဲ့စီမံမှုကို ရွှေ့ရှူဖေးကိုပေးအပ်ခဲ့သည်။

ဟုတ်တာပေါ့ ဒါက အပြင်ကလူတွေကိုပြတဲ့ပုံစံဖြစ်ပြီး လန်ရှူဖေးကိုမျက်နှာသာပေးလိုက်တာဖြစ်သည်။တကယ့်အမှန်တရားကတော့ လန်ရှူဖေးက သူမရဲ့ဖခင်ဘက်ကအဒေါ်ဖြစ်တဲ့ကြင်ယာတော်သဲ့ကိုတွေ့ဖို့ ပျော်ရွှင်စွာသွားခဲ့သည်။သူမ နန်းတော်ကထွက်လာတဲ့အချိန်မှာ သူမမျက်နှာကဖြူဖျော့နေပြီး သူမဝိညာဉ်လွှင့်သွားတာနဲ့တူသည်။တော်ဝင်စံအိမ်တော်ကိုပြန်လာပြီးတဲ့နောက်မှာတော့ သူမက ဟွမ်းချွေအဆောင်ထဲမှာပုန်းနေခဲ့ပြီး အသည်းအထန်ငိုကြွေးနေခဲ့သည်။သူမကအဆောင်ထဲကအရာအားလုံးကိုဖျက်ဆီးပစ်ခဲ့သည်။ဘာကြောင့်လဲဆိုတော့ သူမရဲ့အဒေါ်က သူမကိုနန်းတော်ထဲကိုဆင့်ခေါ်ပြီး အနောက်ဆောင်ကိုထိန်းချုပ်ထားတာကနေ အနားယူဖို့ပြောခဲ့သည်။