#1
🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱
✍🏻: 𝐇𝐀𝐍𝐀𝐄 𝐌𝐄𝐂𝐄𝐋𝐀
الفصــل الأول•🔥 بيـــن النـــار و الجـــليـــد🔥
"واقف فالغرفة المخصصة ليه ، كان الجناح كامل محجوز ليه بوحدو ، خدا أكبر غرفة فالأوطيل كامل غير باش يبقا بعيد على الأنظار ، كاينثر من الگارو وكايطل من الشرفة ديال الغرفة على أساس تبان ليه ويروي عطشو من جيهتها " ...
دقايق وكانت وصلات قدام الأوطيل طلعات ديريكت عندو دقات الباب وحل ليها وهو مبتاسم ماقاداه فرحة أخيرا بعدما غابت على عيونو لمدة شهراين لدرجة أنه ندم علاش كلفها بديك المهمة وخلاها توجد ليها لهاد المدة كاملة ..
حيدات المونطو اللي كانت لابسة حطاتو حداها وجلست فوق الفوطوي دارت رجل على رجل مخلية جيوفاني غير حال فمو فيها ...
جيوفاني ( بإفتخار ) : فكل مرة كنختارك لشي مهمة كنتأكد اللقب اللي عطيتو ليك خديتيه عن جدارة واستحقاق خاصنا نحتافلو بهاد الخطوة المهمة اللي حققتي ، ولكن الخطوة الأهم هي اللي غاتحققي غدا وتكملي تهـ ــريب الأسلـ حة اللي خدامين عليها كثر من شهرين ونصف ...
ديڤـا : ( ضحكات على هاد الهضرة اللي ولات كتسمعها منو فكل مرة كتكلف بشي مهمة فردية لدرجة ولات حافضاها ، خدات الكاس ديال النبيذ الأحمر كتجغم منو وبقات كاتسمع لمدحو ليها ) : المهمة ديال غدا مانبغي تاحد يتدخل فيها غانختار 4 اللي غايكونو معايا و 4 اخرين للحماية وغانبقاو مترقبين الشحن ...
جيوفاني: الأمر بين يديك نتي المكلفة بهاد المهمة ، انا كنعرف المهمة تنجح وتكمل العملية ...
ديڤـا : عتابرهم فحالا وصلو موسيو جيوفاني...
خدات آخر رشفة من كاسها وحطاتو مخلية جيوفاني كيتأملها شايفها كيف الفريــ ـسة ليه لي ممكن ينقض عليها فأي لحظة ولكن عارفها ماشي ساهلة وداكشي لي كيفكر فيه مستحيل تعطيه ليه ...
ناضت قدام المراية لبسات مونطوها وقادات شعرها ودعاتو وغادرات الأوطيل ...
فــي جــيهة أخــرى ...
مع أخر كلمة تقالت كلشي بدا كيصفق فرحانين حيت تعبهم ومخاطرتهم ممشاتش غير هكاك ...
رئيس الفريق : دابا عرفنا علاياش ناوين "ديــڤا" هي لي غاتنفذ المهمة غدا فالتهــريب ..
لقا نظرة عليهم كاملين وتوجه للبلاصة فين معلقين صور الأسـ لحة لي مهربين بيريتا 93 آر و بيريتا 92 ، هز ستيلو وبدا كيشرح لكل واحد المهـمة ديالو وفحالــة منجحاتش الخطة ديالهم الأولى دارو الخطـــة البديلة "بـــاء"
رئيس الفريق : تافقنا ؟ علي ويعقوب غانمشيو فالطوموبيل الأولى ، نورة غاتكوني مترأسة الفريق الثاني غانحتاجوهم الا دخلنا فإشتباك ، هز راسه فـ سكينة ونطق بتساؤل : وجدتي السترات الواقية ضد الرصـاص ؟ أومات ليه براسها بلي كولشي مزيان ورجع شاف فيهم كاملين ونطق رجالنا غايكونو فالمنطقة اللي غادي نحاصروهم فيها ، مفهوووم؟
أنت تقرأ
🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱
Mystery / Thrillerقـــالت♡إنِــي عٓاشـــقة لــلمــحرمـات وأنــٓت أَوَلُهْن ، قَلْــــبٌ تــائه يــبحث عن مـــالكه ، ووســط الجــحود لا أرى إلا ســـواك ..." •••"ستــؤمن بــي وَتلْحَد بهِن ، أنــا تــوبتـك وهُــــن الـــذُنُــوب...." قــــال♡•••"بــــيـ...
