✍🏻: 𝐇𝐀𝐍𝐀𝐄 𝐌𝐄𝐂𝐄𝐋𝐀 الفصــل الأول•🔥 بيـــن النـــار و الجـــليـــد 🔥
عيطات جويرية على عمتها اللي كانت جالسة فالحديقة كتقرا رواية وكترشف من كاسها ديال القهوة بحيث كان هادا هو الوقت ديالها ، فور ما سمعتها كتناديها دخلات من باب المطبخ اللي كان ملاصق مع الحديقة ...
ملاك ( بحماس وهي هازة الصاشيات ديال داكشي لي شراو من المول ) : كاين حفل فالليل تبغي تمشي معانا ؟ غايكون الجو زوين بزاف ...
زهراء ( طبطبات ليها على كتفها بلطف ) : لا منقدرش ، سيرو ستمتعوا بوقتكم وردو البال لراسكم ...
أومأت ليها ملاك براسها وتبعو جويرية طالعين لبيتها باش يوجدو راسهم للحفل اللي كان باقي ليه فقط ساعتين ونصف وبحكم من القصر للحفل ساعة ، كان وقتهم ضيق ...
فور ما دخلو طلقو أغنية من اغاني شيرين كيدندنو معاها وكيحلو الصاشيات حطو كولشي قدامهم وكل وحدة عرفات اش غاتلبس ...
داز الوقت وكانت ملاك لبسات الكسوة اللي لونها احمر نبيذي كانت مغرية لحد الهلاك لبسات طالون فالاسود ، كان كلشي فيها جذاب بالرغم من انها دارت مايكاب خفيف كانو ملامحها الجذابة بارزين جمالها الفاتن ...
اما البنات لآخرين فنفس الشيئ جويرية لبسات غوب وردية مع مايكاب سامبل فيه ايلاينر و ليب ستيك ، ماريا بدورها لي ختارت كسوة لاصقة على خصرها المنحوث كانت سوداء اللون سامبل مع ڤيست دارتها فوق كتافها ومايكاب خفيف بارز عيونها الزرقاء ، ياسمين لبسات حتى هي كسيوة فالابيض سميطات بعد ما سالاو كلهم وتغزلو بريوسهم شدو طريق ولكن هاد المرة كانت ماريا لي كتسوق...
بعد ساعة تقريبا وصلو للمكان المعلوم ، عطاو للگارد اللي واقف قدام الباب الامامي سمياتهم حتى تأكد بلي كاينين فلاليست لي عندو عاد سمح ليهم بالدخول بعد اعتذار صغير على اخده من وقتهم ...
الاجواء كانت صاخبة الحفل ، موسيقى حماسية كيشطحو عليها الحاضرين بطريقة جنونية ....
خداو انظار الحاضرين بلبسهم الأنيق والمتألق ، كل وحدة خدات ليها عصير عادي بإستثناء ملاك اللي كانت كل مرة كاتطلب نوع من انواع الكحول بشكل كبير ، لدرجة جميع الناس اللي كانو واقفين قدام البار الصغير اللي كان فوسط الحفل كيناضروها بغرابة خصوصا الرجال اللي فالحفل ولكن بمجرد كيعرفوها بنت الكاسترو كيتراجعو الف خطوة للوراء ....
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
