✍🏻: 𝐇𝐀𝐍𝐀𝐄 𝐌𝐄𝐂𝐄𝐋𝐀 الفصــل الأول•🔥 بيـــن النـــار و الجـــليـــد 🔥
فــي بلاصــة أخــرى ...
قيسات القفطان الاول كان فاللون الأحمر ماعجبهاش ، كانت باغا شي حاجة خفيفة وفنفس الوقت أنيقة وفخمة تقدر تحضر بيها للعـقد ديالها وتكون فأبهى حلى قدام عائلة عصام ...
بقات كاتقلب بين القفاطن وكتشرح للمسؤولة على كفاش بغاتو ، قتارحات عليها عدة ألوان منهم الأخضر و الازرق السماوي ولكن جدب عينيها قفطان كان فالبيج كيبان انيق كيف بغاتو تماما ومرصع بحجيرات ...
دخلات كتلبس فيه ، في حين البنات ياسمين و ماريا كانو كيقلبو بدورهم على قفاطن باش يكونو معاها ويحضرو ليها يكونو ليها السند فبلاصة عائلتها لي ما قالت ليهم والو ..
ختارو قفاطن واحد فالبني هادئ و الآخـر فالأخضر ، و منساوش ملاك لي ختارو ليها بدورها قفطان احمر نبيذي ، مكانتش حاضرة معاهم بسبب غيابها على الجامعة كان خاصها ضاروري تحضر اليوم او غايجيها انذار ديال كثرة الغياب ...
جلسو فالفوطوي لي كان فالمحل كيتسناو جويرية تسالي وتخرج عندهم باش يعطيوها رأيهم كيف جاها ، ثواني وكانت قدامهم خارجة كتتمايل عاجبها القفطان بكل تفاصيل ، زادت بخطاويها ليهم ...
ياسمين ( شدات يد جويرية ودوراتها باش تشوف القفطان كامل ) : جاك كيغاااوت الحب ...
داز الوقت ، وكانو وسط الصالون كيقادو شعرهم مع المايكاب مدازش بزاف ديال الوقت وكانو سالاو ، لبسو قفاطنهم فنفس البلاصة عاد رجعو للقاعة اللي كان فيها عصام مع عائلتو ..
كانت جويرية يالاه داخلة للقاعة ديال العقد لابسة قفطان خفيف بيج مرصع بحجيرات بالدرجة الثانية من نفس اللون ، مع مايكاب خفيف ملائم للاجواء لي غاتكون مكهربة اصلا ، كانت كتبان فاتنة بالرغم انها مدارتش شي مجهود كبير فاظهار ملامحها ولا جمالها ...
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
