🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱

PART♡19

#19

🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱

✍🏻: 𝐇𝐀𝐍𝐀𝐄 𝐌𝐄𝐂𝐄𝐋𝐀
الفصــل الثـــــاني • 🩸 طُــــــغـــيـان الــــجــــبـــروت : " إنـــتفاضــــة د♡مــــوية " 🩸

صدمة، ذُهول ،دهشة كلهم كانو كيعبرو على مشاعر فتون فهاد اللحظة من الكلام لي سمعات من البوص، الآن هي تحت الخطر بعد ما ربطات الأحداث وعرفت بلي نهار سولها كان عارف الجواب من الأساس و لكن مع ذلك سكت حتى خلاها ترجع ليه الفلوس لي تسرقو بعد ما دار ليهم ديموس غسل الأموال..حتى أنه استغلها في المــقـ ـتل ديالو وبهاد الطريقة تخلص من عدو كان ملاحقه وحاقد عليه على حسابها هي،وعلى قبل هاد اللحظة هي كانت عندها ورشة خاصة بيها من قبل حيت عارفة بلي هاد اللحظة غاتجي عاجلا آم آجلا..

بقا حاط الفردي على جبهتها وهو كيهددها ،في حين هي كانت كتناظرو ببرود مدايرة حتى شي ردة فعل للحظة وقف عليهم كريم لي كان راسم على ثغره إبتسامة إنتصار ساحق ليه فكل مرة كيتواجه مع البوص و لا فتون كيأكد ليهم انه هاد الحـ ـرب غاتسالي بمـ ـوتهم أو غاتبقى مستمرة إلى اشعار اخر غير هاد زوج احتمالات مكاينش ...

حط يدو على السلاح ديال البوص وهبطو ليه من على جبهة فتون ببطئ لاعب ليهم على الأعصاب، هاد الأخيرة لي بقدر ما كان صدمها المرة الأولى فاش شافت د مو وسط المستودع وبنفسه حضر لحفلها و د مرو تدمير ،ماتصدماتش الآن وديجا علمات البوص بلي يقدر يفضل يقـ ـتل نفسه و لا يساعد أعداء بلادو قبل ما يكونو أعداء ليه ...

كريم ( حط يدو على كتف البوص وضحك بتهكم فاش شاف الديڤا غبرات من قدامهم بزوج بغا يتبعها دولانتوس ولكن كريم كان حاكمه) : باغي تقـ ـتلها ؟ الوحيد لي عندو هاد الحق هو أنا غانقبض روحك وروحها فالزمن والوقت لي غانبغي انا ...

لا رد من البوص، مزال متسرطاتش ليه انه تشمت زوج مرات الأولى وهي كريم كان كيشوف فيه وسط الأوطو فاش فجر القنبلة و الثانية هي انه فتون هربات ليه من تحت قبضة يديه بطريقة غير متوقعة وبسبب من، كريم لي ما خلا ما دار فيها من تعذ يب نفسي و جسدي واحد الآن مزال كيقسم على انو هو لي غايقبض روحها، تصرفات كلها متناقضة لا غير ...

" قبـــــل دقــــــــائق قلـيلـــــــة "

كان غادي مستأنس بالأوطو وهو بطريقه للسيارة السوداء لي وصف ليه البوص حتى شاف الرجل لي كان كيغسل رجليه بالماء وكيتسناه القدام، ولكن من ملابسه واضح انه هدفه يشوفو كريم كشخص عادي ويبقا متعقبه ...

ميبنش بلي عاق بيه أبدا، خلا حتى قرب ليه وتغطى بالغصن ديال الشجرة لي كان حاجب الرؤية وهبط من الأوطو بلا ما يوقف الأوطو كأنه غايبلاصيها قرب للشخص لي زاد تأكد انه البوص صيفطو من الوشم لي كان عندو فرقبتو نفسو لي كانو عند الرجال لي تكلفو بخطـ ـف ملاك ،مزادش معاه الهضرة بما أنه وقته ضيق خاصو قبل 10 الثواني يكون كمل الخطة لي وضعها فراسو فديك اللحظة ...