#11
🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱
✍🏻: 𝐇𝐀𝐍𝐀𝐄 𝐌𝐄𝐂𝐄𝐋𝐀
الفصــل الأول•🔥 بيـــن النـــار و الجـــليـــد 🔥
وســط المستــودع ، كانو عاد وصلو ليه هبطو ملاك من الأوطو ودخلوها فاقدة للوعي وعلى راسها قماش كحل مخبين ليها وجهها ... دخلوها الرجال لي خطـ ـفوها و ربطوها مع واحد الكرسي ، جالسين قدامها كيتسناوها تفيق ماباغينش يقيسوها او يأذيوها بأمر من كبيرهم " دولانتوس " ...
داز الوقت ، بدات كتحل عينيها تدريجيا وكتتفكر اش وقاع ليها وهي فين بغات ترجع يديها لعندها لقاتهم رابطينهم ليها مع الكرسي ، بهاد الحركة لي دارو كانت كاتحس براسها مشللة وعاجزة عن الحركة ... كانت كتشوف غير الظلام وسط داك القماش ، في حين هما فاش حسو بيها فاقت حيدوه ليها ...
قرب ليها الرئيس ديال الرجال حتى لحدا وذنيها عاد نطق بنبرة كيتحداها فيها : " ديري عقلك ابنت الكاسترو تا ناخدو اش بغينا ، خليني مزيان معاك وبلا ما نوريك الدوبل فاص "
ملاك كانت غا كتشوف فتعابير وجهو ، كانت لحيتو كثيفة وبنيتو الجسمانية ضخمة حتى نبرة صوتو كانت مبحوحة دليل على ادمانه ... كان كيتسنى ردة فعل من عندها حط وجهو قريب لوجهها كيقرا عيونها ، في حين هي شاف فيهم كلهم وشمة مشتركة وسط عنقهم و البعض عندو فيديه ...
كانت الوشمة عبارة على ثعبان ملتف حوله سيف ورموز اخرى مقدراتش تعرف شنو هما وتحتهم حرف " D " ، استكشفات المكان بعينيها عاد شافت فهداك لي مزال حاط وجههو حداها ... جمعات التنخيمة ديالها و دفلاتها عليه لايحها ليه وسط عينو ...
الرئيس ( زفر بغضب و بدا كيسمع وجهو ) بنت القحــ ـبة ملعونة فحال خوها ...
ملاك ( بتمرد ) : مك لي ملعونة الز امل ...
كان كيشوف فيها بغضبية مرضاش تقول ليه هادشي قدام صحابو لي كيعتابروه هو رئيسهم ، قرب ليها بخطاويه وحيد ليها ديك لافيست الرجالية لي كانت دايرة عليها ولاحها اونفاص معاها ...
شاف فصحابو فهموه اش بغا يدير و مشاو جابو ليه اش غايحتاج و رجعو ليه فالبلاصة ، حل ليها رباط يديها ورجليها من داك الكرسي وهي عايفة من لمساتو عليها ...
ملاك ( كاتنثر من تحت قبضتو ) : طلق مني الشماتة طلاااق ...
ماتسوقش ليها بقات كاتضـ رب ليه فظهرو حتى قادو رجالو عصا بعيدة شوية تحت من السقف بسنتيمترات قليلة ، حط يدها على العصا مدورهم عليها وربطها مدور عليها حبل مخليها معلقة تما همو ياخد بثأر الكلمات لي تقالت ليه وقاستو فرجولتو ناسي تعليمات البوص ...
يدها بدات كتضرها وقوتها باش كانت متحملة بدات كتخور تدريجيا وهما حاضينها ، حتى مشا الرئيس باش يزيد درجة البرودة فالمستودع هبطها حتى ولات -10 وخرجو من تما مخلينها كاتقفقف بالبرد وكتشوف فلافيست لي كانت لابساها مسخناها محطوطة فوق واحد الآلة ...
أنت تقرأ
🔱🍂عــــاقِــبَـــةٌ تُــــذْ♡مِــــي الـــمُـــقَــــلْ🍂🔱
Mystery / Thrillerقـــالت♡إنِــي عٓاشـــقة لــلمــحرمـات وأنــٓت أَوَلُهْن ، قَلْــــبٌ تــائه يــبحث عن مـــالكه ، ووســط الجــحود لا أرى إلا ســـواك ..." •••"ستــؤمن بــي وَتلْحَد بهِن ، أنــا تــوبتـك وهُــــن الـــذُنُــوب...." قــــال♡•••"بــــيـ...
