في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت۲

في بيت الجد السريعان
جالسين اماني والعنود وريتاج مع الجده فاطمه الي كانت تسفل فيهم عشانهم ما داموا اليوم للمدرسه
الجده: علمك ياملعونه ما سرحتي لدوامكم
العنود: ياجده بريك بريك لو يوم واحد ما تهاوشين
اماني تكمل الناقص: ياجده من شافك قال بنصير دكتورات حدنا الفستان الابيض ^تقصد ماراح تخلونا نكمل بتزوجنا
الجده: اي ياسلقه انتي وياها تبون الزواج بدري عليكم عادكم صغار مبعد شبعت من خدمتكم
ريتاج: اف اف تخلف انتي وهي انا الغلطانه الي ما دوامت
العنود: وانتي من حدك وتغيبن معنا؟
ريتاج : انطمي بس
الجده انطموا كلكم وانقلعوا سوا الجلسه الي برا لاهلكم وارجعوا عندي اعطيكم الشغله الثانيه
اماني في نفسها: ياصبر الارض :نطقت اي والله ريتاج صادقه اتهزئ من استاذه حنان ولا جدتي فاطمه
ماكملت اماني كلمتها الا وعصا على ظهرها انفجروا ضحك وطلعوا بنات
-الحوش-
كان سالم جالس وهو يدري ان اماني موجوده وبتطلع تسوي الحوش بدال الخدم عقاب لهم
طلعوا وشافوه شقهت اماني ونطقت:يقطعه هذا وش جابه؟
ريتاج بعصبيه: اماني شفيك شادتها عليه بيت جده وطبعاً بيجي
العنود تناظر ريتاج وعارفه قصدها: اجل ريتاج انتي سوي الحوش وانا واماني بنسوي قهوه والقدوعات تبع الجلسه
ريتاج هزت راسها ب تمام وراحت له
نطقت العنود : ريتاج تغطي عدل
نطقت ريتاج بحده: وش شايفتني
سكتوا بنات ودخلوا مطبخ

عند الجده فاطمه بالصاله:
..../يا خاله ولدك جنني بحبه لذي البنت كل ماقلت بصفي النيه صوبه ما خلاني
الجده فاطمه: وش ذا الكلام يافاتن ولدي يشوف بنتك مثل بنته وهو الي مربيها ولا نسيتي
فاتن: بس يا خاله نظرته لها وكلامه لها ما يقول كذا وشيطان ما مات
الجده: انطمي يا قليله الادب تشككين في شرف ولدي انتي وبنتك الملعونه انا صابره ومتحمله بنتكم عشانك وعشان محمد الي ربي ما رزقه بعيال
فاتن:المعذره يا خاله

-الحوش عند سالم وريتاج-
انصدم يوم شاف اماني دخلت
نظق :ريتاج شفيك لحالك تسوين الحوش وين الباقين
نطقت بدلع : راحوا يسون القهوه وقالوا خلي سالم يعاونك شقلت ياولد العم تعاوني؟
سالم في نفسه الله يقلعك وش جابك لي الحين :نطق يلا
وكانت تناظره بحب وهو باله مو معاه

في المطبخ
العنود : اف تقهرني هالبنت وذا سالم
اماني: مجنونه ريتاج مو عارفه هي طامره في منو هذا سالم والله ما يحبها
العنود:ودك يتزوجون وترتاحين انتي من همهم
اماني وتضم العنود:احبك يالعنود احبك
العنود : وانا بعد

في بيت ال سعد:
جالسين كا عائله دافيه بالحب والحنان
نطقت الجده ام حمد: وش قلت يبو حمد نروح الليله للمزرعه ولا نخليها بكره مع الويكند عشان البنات
نطق الجد ابو حمد : الي ودك ياسعاد
الجده ام حمد: هاه وش قلتوا يا عيالي
نطقت ساره: جده بليز خليها بكره ما يمدي اسحب على دوام وغياب صاير كثير عندي
نطق هاني الي هوي يعزز لساره بكل شي حتى لو على غلط : اي وهي صادقه ياجده كلنا ما يمدي
ابتسم طلال وهو فاهم اخوه عدل
الجده: يصير خير