في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت١٨

تغانم الوصل .. لان البعد لا بده
‏يأتيك في يوم ثم ياخذك بـ أدراجه

‏غالي وتبخل علي وتطول الصده
‏الله يسامح غلاك و يلعن الحاجه .

____________

______________
بعد مرور يومين
مازالت اماني وعمها بالمستشفى
طلب ابو العنود من بناته يرجعون البيت ويجون وقت الزياره فقط كانت ام العنود مرافقه عنده وكان طلال يتفقدهم بين كل حين واخر
ودكتور اماني رفض يكون فيه اكثر من مرافقين فكانت ام طلال ويوم الاول هادي واليوم ثاني طلال واليوم هذا هاني
ابو طلال كان اكثر وقته عند ابو العنود يحس بذنب

________
حال ناصر خلال اليومين
ما فارق المستشفى ابدا كان ينام في مكتب عمه يتفقد اماني مع الباب مايبي يضغط عليها اذا نامت يدخل عندها لكن ما يطول يطلع خايف تصحى وتشوفه

__________
حال اماني خلال اليومين
كانت تتألم واكثر وقتها نايمه وقت زياره يجونها بنات عمها جراح وهمايل ما يطلون علشان اهلها ياخذون راحتها
اليوم الاول جاو ميلاف وريناد مع اهلهم واليوم الثاني رشا وبنات ظلو فالبيت
كانت تسال عن عمها جراح كثير وليش ما جاء والعنود وريتاج يمثلون عككس رغد الي تبكي ....

_____________
صباح يوم جديد
في غرفه اماني
هاني:اذا تحاليل يبعطونك خروج على الظهر
اماني:صدق
ام طلال: ليش بدري بخلي ابوك يطلبهم يومين زياده
اماني بطفش:لا يمه تكفين مليت
ام طلال:يمه المستشفى احس لك تاخذون المسكن
اماني:يمه انتو مسكن والله بس طلعوني
هاني:بس بشرط
اماني:وش
هاني:انا مشرف على اكلك تاكلين اكل كويس اذا شفت فيه تخبطات علطول ارجعك
اماني:ههههههههه تم لكن الله يعين دامه انت مشرف
ام طلال بطفش:الله يعين دام هاني واماني ضدي اعلن انسحابي
هاني واماني ضحكوا
ام طلال: يلا وقت زياره بعد شوي بيجون اهلك انا بتصل على رشا تقول لهم ان احنا بنطلع لايجون على فاضي
اماني: اي يمه عوينهم
طلعت ام طلال تتصل على رشا تقولها
جلس هاني جنب اماني ونطق بحزن:ليش ما جات تزورك؟
اماني متسغربه:من؟
هاني:ساره
اماني:تحبها؟
هاني:كثير بس الفتره الاخيره متغيره معادهي ساره الي احبها حتى صرت اني معاد احبها بس اقنع نفسي
اماني مو عارفه وش تقول :ترا هي تحبك بس فتره هذي يمكن تمر يضغط او شي
هاني:اماني لا تغيرين الموضوع ترا فاهم وشايف تعاملها معك ابا افهم هي ليش تكرهك
اماني حست بالذنب :يمكن ما تكرهني خلنا نشوفها بصوره ثانيه يمكن متقبله وجودي ومفكره اني باخذك منها او بغير رايك ترا فيه ناس كذا يغارون على زوجهم من اخته اذا دلعها
هاني: من جدها تقارن نفسها ب اختي؟
اماني:فتره طيش شوي وتهدا وعلى الي فهمته انها تحبك اكثر من نفسها
ضربت على كتف وغمزت ونطقت:ارتاح مابينا شي ولعيونك بصلح علاقتي معها
هاني قرب يضم اماني:والله انك احسن بشر يا اماني انتي ملاك وفعلاً كنت اقول محتاج اخت تساعدني والله رزقني
قاطعتهم ام طلال: فديت عيالي والله
هاني:تعالي يمه تعالي
قربت تضمه ونطقت:ابوكم واخوانكم جايين حتى ناصر صغير جاي معهم
اماني لما جاء طاري ناصر الصغير استغربت الكبير وينه نطقت بداخلها الحمدالله طفش ومل من هالعبه وبيطلع من حياتي نطقت:فديته والله مشتاقه له
ام طلال: حتى هو والله
اماني:وين كان ذي يومين
ام طلال:عند خالتك
اماني:صدق يمه ابي اعترف على اهلك وخواتك
ام طلال تبتسم :اذا طلعتي بيجون كلهم حتى هم يبون يتعرفون عليييك وحبوك كثير
اماني: ان شاءالله
هاني:اماني تراك بتضلين في بيتنا
اماني بثقه: اكيييد