في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت٢٣

تدري إني أبيك ، و أدري إنك تبيني
‏كلنا بحاجة بعضنا لكن طبعنا غرور

‏تدري ودي أجيك و أدري ودك تجيني
‏ياما قصدنا بعضنا من بين السطور

___________
صباح يوم جديد تحديداً بيت ابو العنود
جالسين على طاوله فطور الكل من غير العنود.
ابو العنود:وين اختكم
رغد:فوق نايمه
ام العنود:يعمري يالعنود
ريتاج:ليش يمه
ام العنود:خربت فرحتها
كتمت ضحكتها ريتاج وهمست رغد:هذولاا من جدهم
رغد :اهجدي لا تفضحينا ههههه
ريتاج:استغفرالله ما شافوا انواع احتفالات الي صارت
رغد: اخ بس ههههههه
ابو العنود :قومي يا ريتاج ناديها
ريتاج:سم يبه
ام العنود:وش تبي فيها
ابو العنود:مقدر افطر وحده من بناتي مو موجوده
رغد قامت تضم ابوها:فدييييته
ام العنود:الا متى تسوقين تاخذين اغراض مدرسه
تأففت رغد:اف يمه باقي اسبوع
ابوالعنود:ههههههههه اليوم ان شاءالله

________
غرفه العنود توها صحت دخلت ريتاج
ريتاج بصوت عالي:قومي هيا ابوي يبيك
العنود فزت:بسم الله وش يبي
ريتاج تخوفها:سيف طلع براءه واليوم ملكتكم
شهقت العنود:وش تقوليين لا مستحيل طلال قال... سكت
ضحكت ريتاج:اييي طلال هذا ابي افهم سالفته تقولين لي الحين كل شي
العنود ادركت انها جابت العيد:وش طلال بلغلط بعدين انتي صادقه
ريتاج بدلع: لا مو صادقه وانتي احكي لي سالفه طلال ترا ملاحظه عليييك من زمان بس انتظرك تجين تقولين
العنود ببراءه:وش اقول
غمزت ريتاج:الي هبل بمخك وقلبك
العنود تمثل العصبيه :ريتاج اطلعي برا مافيه شي
ريتاج بضحكه:اجل قومي ابوي رافض يفطر الا وانتي موجوده
العنود:يلا ثواني واجي
طلعت ريتاج ونزلت العنود بعدها..

_______________
بيت الجد ابو حمد
الكل على فطور الجد عزمهم
ابو حمد:وين اماني وناصر ما جاو
ام ناصر:كلمت ناصر وقال جايين
الجده:الله يهديه هـ ناصر معاد شفناهم هو من قبل ما نشوفه وتزوج ولاعاد شفنا زوجته
ام ناصر:هذا طبعه ياخالتي لا نشوفه ولا يجي قلت مع زواج بيتغير لكن حتى اماني صارت مثله
رشا:لا وين ترا ناصر من تزوج وهو ما شاءالله يضحك ويسولف معنا
ميلاف:اي والله ما اذكر متى سولفت معه ماعرفت طبعه الا بعد زواجه بـ اماني
الجد:الله يهديه ان شاءالله
طلال:ترا انتو مبالغين ناصر مو كذا
هادي:اي والله مدري ليه كلكم اذا شفتوه تخافون هههه
ابو ناصر:هههه والله طبعه حاد ياولدي
الجده:لا تغلطون على ناصر ما ارضى
ابوطلال:وامي صادقه
ابوسعود:من الحين يا صالح واقف مع ناصر هههه
ابوطلال:زوج بنتي طبعا مثل ما انت توسط لزوج بنتك عندك بالمستشفى
خجلت ريناد تمنت عمها ما تكلم ضحكوا لاحظوا خجلهم
كانت ساره هادئه وتسرق النظر لهاني بنظرات حزينه وهاني نفس شي لحد ما طاحت عيونهم بعض صرف هاني ابتسامه خفيفه تطمنت ساره هاني باقي يحبني ما نساني وبادلته الابتسامه التفت على جوالها رساله من هنادي_لازام اكلمك
ردت ساره:تمام شوي واكلمك
ثواني ودخل ناصر واماني
ناصر بصوت عالي:سلام عليكم
فز الجد والجده:ارحبوا ياهلا
طلال بضحكه:اذا تزوجت بتسون لي كذا
الجده تضربه بالعصا:انت بالاول تزوج
تقدم ناصر واماني سلموا عليهم
ناصر بخبث:لو تزوج اربع ماراح تصير ناصر بعيونهم
ضربه طلال بكتفه:اقول انطم
ناصر:شكلها هوايه عندكم ضرب الاكتاف هههه
طلال فهم عليه وضحك:ههههه والله كفو
انحرجت اماني وهي تتوعد فيه ليش يحرجها كذا
جلست جنب ريناد وهمست:صباح الخير ياعروس؟
ريناد:انطمي
ضحكت اماني:شفيك
ريناد:زعلانه منك تروحين وتخليني امس
اماني تمثل البراءه:كنت تعبانه والله
ريناد بخبث:اي نسيت فيه حفيد قادم
شهقت اماني وضربت ريناد على كتفها
ريناد بضحكه:والله طلع ناصر صادق طلعت هوايه عندهم ضرب بالاكتاف
ابو طلال بضحكه:عاد هذي دروس عائليه
اماني تبتسم له :فديتك والله
سوا لها ابوها قلب من بعيد صار ناصر يناظر فيهم
الجد:الا متى زواجك يا عارف
عارف بفرح:والله شور شورك يبه انت الي تحدد
ابو حمد:دامك متزوج من عائليه ليش تأخر خلها الجمعه الجايه
ابو ناصر:الي تشوفه يبه
شهقت ريناد ونطقت ميلاف:بدري يبه
الجد:وين بدري باقي ٨ايام معكم
ام ناصر:اي والله متحمسين على ما نشوفهم متزوجين
ام سعود:اي والله
ابو سعود:الي تشوفه يبه
قاموا العيال يباركون لعارف ويضربونه
عارف بضحكه:عقبالكم
الجد:تشوف يطلال الي اصغر منك تزوجوا وانت عادك
طلال:يبه باقي صغير هههه
ابو ناصر:عاتب صالح يبه يزوج عياله عاد انا الحمدالله
ابوطلال:ههههه عيالي باقي صغار
اماني من بعيد:والله جد وانا ما قلت باقي صغيره
ابو طلال توهق:بكره ازوجهم ثلاثه كلهم هههههه
هادي:النصيب باقي ما جاء
اماني:زوجاتكم عندي كلهم انتو بس قولوا تم
رشا:خطيره والله
غمزت لها اماني:وانتي زوجك عندي بعد
ضحك ناصر وغمز لاماني
رشا شهقت:مجنونه بنتك يا صالح هذي
ابوطلال:وهي صادقه تزوجكم كلكم
سعود:عاد بالله اماني دوري لي
اماني بثقه:انت بس قل تم وازهل
سعود:كفو ههههه
الجد:اليوم المزرعه صح
البنات:لا معاد بنروح
الجده:ليش
ميلاف:يمه زواج قرب وين نروح بنجلس نخطط
عارف:صادقه بنطلع نحجز وكل شي
هاني:صح انا وعارف وسعود بنتكفل بحفل الرجال
الجد:على راحتكم
كملوا فطور والكل راح لدوامه ناصر وطلال طلعوا مع بعض وهادي رايح بعد يومين قضيه همايل الاخيره
وهاني وعارف وسعود طلعوا
وبنات يتجهزون بيطلعون مع ريناد كلهم