في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت١٦

ليت قلبي حديد وليت نفسي جريّه
‏في مواجه مقادير الزمن الازدواجي

‏صار حتى القصيد اللي طروقه عذيّه
‏اكبر اسباب ضيقة خاطري وانزعاجي

‏ودي اغيب و ابعد في الفجوج الخليّه
‏وانقطع مع طريق الأنقطاع المفاجي

_________________

________________
صباح يوم جديد
في بيت ناصر واماني تحديداً ساعه٨ صباح
صحى ناصر بعد عده اتصالات ومنبهات لانه تأخر عن دوام كانت صاحيه لكن مثلت انها نايمه قدامه صحت من كثر الاتصالات ومنبهات تسبح وبدل وتقدم لعندها يشوف هي صاحيه وكانت ممثله بالنوم طلع من البيت وهو نازل تحت قابل العامل طلع ٥٠ ريال وعطاها عامل
ناصر: ممنوع تتحرك من عند باب اذا فيه احد يجي سو انا اتصال
العامل:حاضر ياعم ناصر
طلع من العماره وارسل لها كلمته معتاده لاتفتحين الباب لاحد

عند اماني لما حست انه طلع وشافت رسالته صحت تسبحت وبدلت سوت لها فطور معاد قدرت تنام لانها خايفه تنام لحالها واخذت جوالها تكلم همايل والعنود فيديو ......

_____________
بيت ابو طلال
جالسين يفطرون الا هاني الي نايم لانه عاطل رفض يكمل شغل عند جده ما ناسبه وتعب اما هادي فكانت قضايا عليه متراكمه وطلال داومه اليوم قصير بيطلع الظهر
طلال:لا تحسبون علي بالغداء انا وهادي
ام طلال:ليش يمه
طلال:بتغداء عند اماني عندي انا وناصر شغل وهادي بيكون معنا
ابوطلال: ليه يبه وش هذا شغل الي طلع فجاءه
طلال: امس الليل كلمني ناصر وقال لي عن سالفه اخو صديقه اماني الي يضربها وسبب لها نزيف واماني طلبت من هادي يكون محامي صديقتها لانها بترفع قضيه
ابوطلال: الله يقويكم يبه ويعين هالبنت قالت لي اماني عن سالفتها عانت كثير
هادي بحده فهو يكره العنف اتجاه المراه:بأذن الله معاد تعاني وتعيش حياتها مرتاحه
طلال يضرب كتف هادي:والله كفو يبوصالح وانا واثق فيه
هادي: ان شاءالله اليوم يتم القبض عليه
ام طلال:ان شاءالله

____________
عند همايل الي تكلم العنود واماني فيديو
اماني : اليوم تجين تخلصين كل شي مع هادي بترفعون قضيه بعد الظهر قال لي كذا هادي
همايل بخجل: اماني والله خجلانه من اخوك كيف اجلس معه وافهمه
العنود: اخو اماني احسن لك من الغريب علقل هادي قد الثقه
اماني:انا بكون معكم اصلن
همايل: بس مدري زوجك بعد
اماني:معليك منه ما راح تقابلينه حتى هادي بس يفهم منك وانا بتواصل معه ارتاحي
العنود:توكلي هموله وخلينا نرتاح
همايل بحيره:الله يعين ان شاءالله تم امون بجيك على العصر
اماني: تمام يروحي والمهم شوفوا لكم يوم مناسب اعزمكم على العشاء واخذ علومكم زمان عنكم بذات العنود مدري شفيها هههه
العنود ارتبكت:وجع وش فيني
همايل: هههههههه ان شاءالله امون اليوم الي يكون زوجك مداوم بنجيك
اماني: عادي انتو الي يناسبكم بالنسبه لناصر ما راح يكون موجود
العنود بضحكه: مسيطره هههههه
اماني: تعلمي الي بتاخذينه مثل طبعه ترا ههههه
العنود: من قصدك
اماني: ههههههه ولا حد يلا باي اخلص الغداء قبل يجي
همايل:يحفظك الله
العنود: اي اي اطبخي وانطمي
اماني:ههههههههه
قفلت همايل وطلعت عند امها تقولها وتفكر كيف بتقابل اخو اماني فهي خجلانه