في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت۲۱

من لقى منك البشاشه والسّماحه
‏واللسان الذرب والهرج القراحي
‏ㅤ
‏لا تلومه لا انكسر صوبك جناحه 
‏ما يمرّك واحدٍ ويروح صاحي

----------------

_______________
صحت على صوت اتصالات جوالاتهم حست بشي ثقيل على صدرها استوعبت انه ناصر نايم بحضنها حست بالدم يتجمد في ملامحها من العصبيه ناظرته كان نايم بعمق بعدته عنها والتفت اخذت جوالها تشوف الاتصالات شهقت لما شافت رقم عمها "ابو ناصر"
فزت ودخلت توضي لان ساعه ١٢:٢٠ تبي تصلي الظهر ارتاحت انها صحت ولحقت على صلاه لانهم ماناموا الا متأخر بعد ماصلت اتصلت على عمها
اماني بهدوء:سلام عليكم
ابو ناصر بحب:ارحبي عليكم السلام وينكم ماتردون
اماني بخجل:كنا نايمين
ابو ناصر بضحكه:اجل صحي ناصر وتعالوا للغداء وخذو راحتكم بيكون متأخر على ساعه٢:٣٠
اماني بإحراج:الله يكثر خيركم عمي لكن تغدوا بالعافيه
ابو ناصر بإصرار:والله ما نتغداء الا وانتو معنا نبي نتغداء غداء عائلي وبنتأخر لين يوصل عارف من دوام وانتو تجون
اماني بحب:الله يكثر خيرك عمي
ابو ناصر:الله يحفظك
قفلت من عمها وناظرت بساعه شوي وتصير وحده وفكرت كيف تصحي ناصر نومه ثقيل ومستحيل يصحى بدون ما يسوي حركات بس لازام يصحى تقدمت لعنده ونطقت بصوتها الناعم:ناصر ناصر
لكن لا حياه لمن تنادي ناصر ماصحى
انجبرت انها تحركه عشان يصحى حطت يدها على كتفه وحركته بشكل خفيف ونطقت ناصر لكن كالعاده سحبها مع يدها وثبتها ورا ظهرها وجلسها بحضنه وشد عليها
اماني بصراخ:يامجنون فكني لي متى بتظل كذا
فكها بعد ما استوعب انها اماني
فزت وهي تمسك يدها ونطقت بعصبيه:ترا ماني بواحد من الشباب ولا المافيا الي تمسكهم كل يوم وثاني وانت تسوي فيني حركات المصارعين مجنون انت
ضحك بصوت عالي:اف طلعتي تعرفين تعصبين هههههههه
اماني بحده:بسرعه قم صل واجهز اهلك عازمينا على الغداء
ناصر بتعب:لااا مو وقته والله دايخ باقي ما شبعت نوم
اماني بخبث:مو مشكلتي
طلعت وهو صحى طفشان ويتأفف يبي يرجع ينام استانست لما شافته معصب ما يبي ....

____________________
عند همايل
بعد ما ارسلت لها اماني حساب هادي ترددت تحول له لكن امها اجبرتها
ام همايل:عيب يمه فشله حولي له حتى لو رفض هذا حقه يمه
همايل :والله يمه ادري بس اماني قالت بيعصب
ام همايل:لا معليك حتى لو عصب هذا حقه
همايل:طيب يمه كم احول له
ام همايل: بحول لك انا وانتي حولي له
همايل:لا يمه معليك معي
ام همايل بضحكه:هههههه وانتي كم معك
همايل مستغربه:الفين
ام همايل:هههههه لا يمه بنحول له١٥الف
همايل شهقت:يمه وش هذا مبلغ والله بينهار
ام همايل:يمه هذي اسعار محامه وهو الحين الغاء كل القضايا الي عنده عشانك فحرام تخلينه يخسر
همايل :يعني اسعارهم كذا مبالغه
ام همايل:اي واكثر
همايل وهي تتذكر:عشان كذا اماني رفضت تخليني اخذ محامي غير اخوها ما تبيني ادفع
ام همايل:اي اماني قلبها طيب عشان كذا اجبرتك
همايل بحنيه:يعمري يا امون
اخذت جوالها وحولت لهادي بعد ما حولت امها الفلوس وحطت جوالها يشحن وقامت تسوي الغداء
همايل:يمه سلوم قال بيتصل علينا بعد الغداء
ام همايل:صدق فديته اشتقت له
همايل:اي بس يمه انتبهي تقولين له شي عن سعيد
ام همايل:ان شاءالله .....