الجمعه الظهر ساعه١٢:٣٠
اتصلت العنود على اماني تبلغها انهم بيطلعون شاليه_
العنود: اماني اجهزي ابوي قال مطلعنا شاليه العصر الساعه خمسه الكل جاهز
اماني: وش تقولين انتي من جدك
العنود: والله حتنى ماعرف
اماني :اف طيب من بيروح بس احنا ولا عائله كامله
العنود :كامله بس ارتاحي معليك قسم لنا وقسم لرجال
اماني تأفف: تمام بجهز طيب امي قالت لها عمتي مو فاضيه للهوشه معها
العنود : اي معليك قالت لها
<تحت عند ابو اماني وامها>
فاتن: وش ذي طلعه مع جراح
محمد ابو اماني:قال مسوي مفأجاه للبنات ومنها تغير جو
فاتن: بروح اشوف اماني اذا جهزت او عندها خبر
محمد ابو اماني:فاتن لا تضايقين البنت الله يخليك
هزت راسها بتمام
دقت الباب على غرفه اماني ودخلت وكانت اماني بين ملابس محتاره
نطقت :تفضلي يمه
فاتن:قالت لك العنود
هزت راسها بـ ايه
كملت فاتن تمام اجهزي عشان نطلع بدري نتغداء برا قبل نوصلهم
ارتاحت اماني ماقالت لها شي او عققدت الطلعه وكملت تطلع لها لبس
طلعت جنز رصاصي واسع على تشيرت برتقالي من براند Bj وفكت شعرها الناعم وحطت مكياج خفيف يميل الى البرتقالي البارد
جهزوا وطلعوا للمطعم تغدواء وتمشوا وصلوا الشاليه
نزلت اماني وامها عند قسم النساء الي كان سالم واقف عند باب
ونطقت ام اماني:سلام ياسالم
رد بحب :ارحبي ياعمه شخبارك
ردت :الحمدالله تمام
نطق :شخبارك يبنت عمي
ردت: اماني تمام وكأن تمام هذي من اماني لسالم دفعه معنويه كبيره
دخلوا ولقتهم العنود تضم اماني وتقولها انها مفاجاه من ابوها وانصدمت اماني ودخلوا كملوا باقي يومهم
<في البيت البعيد عنهم >
راجعين من المزرعه بعد ما جلسوا فيها يوم ونص وكان كلن في بيته الي ينام يعوض والي يتسبح
تحت بصاله الجده ام حمد وام ناصر وام طلال وناصر وهاني
نطقت الجده:ناصر يايمه شفيك نحيف وجهك شاحب
نطق بمحبه:والله ياجده في قضيه مشغله بالي كثير
نطقت ام ناصر:يمه اترك عنك القضايا وريح نفسك خل البيت لك راحه من دوام
ابتسم لامه الي وده يعطيها من عمره
نطق هاني:جده. وين البنات مالهم حس
التفت ناصر وهو فاهمه ونطق:وش تبي بهم لايكون تعجبك جلسات البنات وضحك
هاني افتشل :لا ياحمار فاقد صارخ رشا وميلاف احس راحه بدونهم
ضحكوا كلهم. بعد ما توهق هاني
في الاستراحه عند نساء
كانوا بنات يلعبون بالمسبح ويرقصون حوله
والامهات داخل مع السوالف والقهوه خذت وقتهم
نطقت العنود: ضياء الحمدالله انك جيتي
ضياء : والله جيت عشانكم وانا من زمان استحق اطلع اغير جو من الي انا فيه
نطقت ريتاج: حرام عليش يا ضياء لو عندي اخو مثل سالم كن الدنيا بخير
اماني بطفش: ضياء بالله زوجي ريتاج سالم ونرتاح كلنا
ريتاج بخجل : وجع امنوهه
ضياء ضحكت: كنك ماتدرين يا اماني ان سالم يعشقك ولا بتنفس غير هواك وهو وافق اطلع معكم عشانها لك طلعه
ريتاج بعصبيه وبدون وعي: عاد مدري وش الحلا في اماني يوم سالم طايح على وجهه
العنود: اماني بسم الله عليها كامله والكامل الله
اماني بضحكه تقهر ريتاج: كثير الي يحبونك كثير توك ماشفتي شي يا ريتاج ههههه
كملوا سباحه وضحك بينما ريتاج في عالم غير عالمهم
<غرفه رشا>
دخلت ساره طفشانه وتأفف
نطقت رشا :خير شفيك انتي بعد
نطقت ساره: ليش من فيه غيري طفشان
رشا:ريناد مدري شفيها الدنيا قابعه في وجها
ساره: بكره السبت بعد الاحد اول يوم اختبارات لنا وميلاف الكلبه تقول مراح تحلون وصعب وكلام سلبي
رشا بضحكه :يروحي انتو معليكم بتحلون والدنيا حلوه بتكون سهله بدال القعده روحي ذاكري
ساره توقف:اي والله صدقتي فديتك احسن من اختك
ابتسمت رشا وطلعت ساره
عند الرجال فالشاليه
نطق ابو العنود الله يحيكم العشاء جهز
محمد: الله يكثير خيرك احرجتنا بحفله البنات لو قلت لي اعاونك
ضحك جراح ابو العنود : افا هذولاا بناتي
دخلوا على العشاء الي كان يخلو من سالم
محمد: مهند وين ولدك
مهند: مدري قال امه طالبه اغراض
فهم محمد وين مكان سالم ونطق: استاذنكم شوي
طلع محمد من قسم الرجال متوجهه لقسم النساء طلع في وجهه سالم عند باب
نطق:وين كنت
ارتبك سالم ونطق:كنت عند امي
محمد بحده:سالم الي براسك طلعه لا اكسر لك راسك
سالم باستغراب مصتطنع :وش الي براسي
محمد :انت خابر وبنتي خط احمر والله من يمسها انه اخر يوم له
سالم تأفف ونطق: حب مراهقه والحين الله يوفقها اشوفها مثل ضياء
محمد : يصير خير
ورجعوا للعشاء
ونطق ابو العنود: شفيكم ياثنين تعالوا اكلو
قلطوا
وانتهى اليوم الجميل
أنت تقرأ
في محطات العمر ماكنت من ضمن اختياري القدر جابك وانا /ممنون للاقدار جدا ✨
Romantizmالقدر جابك وانا ممنون جدا
