في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت٣١

الهوى جاب الغلا والهوى ودا
وأنت وجروح الزمن بالحشا خشره

يا بعد من ما بعد جا ومن عدا
ويا بعد من ساج روض الحشا نشره

يوم صار الحب جزيه ولك تدا
والقصيد اسهل من كتابته نشره

خذ قصيدي ياشذا الورد لاندا
وأنتبه لي واستمع موجز النشره

والله أنك بالغلا فارق جدا
مثل فرق الابتسامه عن الكشره

____________
مساء يوم جديد عزيمه بـ بيت الجد ابو حمد بمناسبه سلامه ناصر
تقريباً صار الكل شبه موجود ....

__________
جناح عارف وريناد
طبعاً عارف ساكن مع ابوه وامه بنفس البيت لكن له جناح ثاني
كانت تتجهز وتتبخر وتنتظر عارف الي تأخر بالمستشفى ما جاء جهزت وجلست تتصل عليه لكن مايرد خافت كثير كانت بتنزل لهم وتسأل عنه لكن ماحبت يسوء الوضع ورجعت تتصل واخيراً رد لكن مو عارف الي رد على جوال
ريناد بخوف:وينك ماترد على جوالك خوفتني كثير
.....  بصوت ناعم: الدكتور عارف عنده عمليه
ريناد بصدمه:وانتي من وليش تردين على جواله
الممرضه:انا مساعده دكتور عارف وتارك جواله واغراضه عندي
ريناد بسخريه:تتهنون وقفلت جوال عصبت انقهرت لو كان فيه مقاس للعصبيه كن انفجر عندها كيف ترد على جواله بنت ليش مايكون مساعد حقه ولد ليش بنت وصوتها ناعم اكيد حلوه
كانت مجهزه ملابسه لكن عفستها وسختها وقطتها بالحمام ونطقت بإنتصار:خل مساعده تنفعك الحين
طلعت بدون تفكير ولبست ونزلت تحت عندهم بدون عارف.....

___________
بيت ناصر واماني
طلع قبل المغرب يصلح سيارته ويفحصها ويرجع ولما وصل انصدم انها باقي ما جهزت فـ اماني تطول على ما تجهز جالسه بصاله تشاهد على التلفاز وتاكل بطاط
ناصر بصدمه:ليش باقي ماجهزتي
اماني ببرود:ماني رايحه
جلس عندها :ليش. طيب؟
اماني بهدوء قاتل:مابي
ناصر يسيطر على الغضب:لا تجنيني قولي السبب
اماني طفت التلفاز والتفت عليه وانفجرت:ماني لعبه عندك انت وطلال روحي تعالي امشي خلاص ناصر من جيت وانتو تحكمون حتى بتصرفاتي اذا توهقتوا فيني رجعوني عند عمي جراح او امي لان خلاص شخصيتي عدمتها انت واخوك طلال من كثر ما تمشوني على كيفكم حتى نفسي نسيتها كيف كانت
كانت تتكلم وغافله عن عيون ناصر الي مثل النار خلصت ورفعت راسها له لكن ماخافت ونطقت بقهر:تبي تضرب اضرب بفضلك صرت معاد اخاف
فز وطلع من عندها وركب سياره والشر بعيونه منصدم من كلامها ليش تقول كذا وما كانت كذا بدايه اليوم وش الي صار لكن فعلاً هي صادقه هو نسى نفسه ونسى انها تكون انسانه رقيقه صار يتحكم فيها على كيفه لا يا ناصر الحب وتملك مو كذا انت بدال تحبها هدمتها هو عارف ليش هي انفجرت لما خبوء عليها سالفه مهمه وصارت غافله عن موضوع فكر لو يكون مكانها بيجن جنانه ركب سيارته وانطلق ولاهو عارف وين يروح غفل عن العشاء الي سواه الجد عشانه.......