في محطات العمر ماكنت من ضمن اختياري القدر جابك وانا /ممنون للاقدار جدا ✨

البارت٢٠

صاحبي ويش أنت من عقبي معيّن
‏من مغيّرة العرب من هقاويها

‏أنت .. في خاطرك علمٍ ما هو هيّن
‏والحَقيقية واضحة لو نخفّيها

‏المعزّة بيّنة .. والجفى بيّن
‏مثل عين الشَمس في وجه راعيها

‏_ سعد بن جدلان رحمه الله

--------------

_____________
في المستشفى
كان ناصر ونايف وفارس عند باب غرفه العمليات ناصر كان في صدمه دموع تنزل منه بدون حس
نايف:بلغت اهله؟
فارس:ايه وجايين الحين
نايف وقف عند راس ناصر:قم معي قبل يجون لا يشوفونك كذا
لا رد من ناصر
اشر فارس براسه لنايف يخليه براحته
ماهي الا دقايق ودخلوا المستشفى
ابو طلال بصوت مفجوع:نااصصر وين طلال
ابو ناصر:طمنونا وينه
فارس يهديهم:ابشركم تجاوز الخطر والحين بيكون في الاقسام
هادي برجفه:وش الي عنده
نايف بهدوء:كسور
ابوحمد بصوت خايف:حفيدي وش الي فيه مكسور
فارس:عنده كسر بظهره ونزيف بالراس لكن الحمدالله تجاوز النزيف
طاح ابو طلال على الارض
ابو ناصر يتقدم له:لا يا صالح طالبك لايشوفونك عيالك كذا
تقدم هاني وهادي عند ابوهم
طلع دكتور ونطق:من فيكم والده
ابو طلال:انا
الدكتور :تعال معي
ابو ناصر:وش فيه يدكتور لا تخوفنا
الدكتور يبتسم:مافيه داعي للخوف بس ابيه شوي وانتو تقدرون تشوفونه بالاقسام
ابوطلال:تمام
الكل نزل تحت عند الاقسام الا ناصر الي اختفاء فجاءه وابو طلال طلع مع دكتور للمكتب

_____________
غرفه اماني
بعد ما تلقت الخبر من ريناد اختفت عندها رؤيه وهذا دليل على فقد الوعي
صحت مفجوعه وكانت العنود جالسه على اخر سرير تهش بالبكاء نطقت اماني بصوت متعب:العـ..ـنود وش صـ..ـار
فزت العنود عندها وضمتها وجلست تبكي
اماني وهي تبكي:يعني ما كان حلم يعني ما كان حلم
شدت العنود عليها تبكي
اماني:وينهم وينهم
العنود وهي تهش بالبكاء:الرجال راحوا كلهم واهلك كلهم رجعوا للبيت واهلي بعد رجعوا بس انا ظليت رفضت
اماني :امي امي وينهااا
العنود:بغرفتها وعندها عمتك رشا
اماني وهي تقوم:بروح اشوفها
رجعتها العنود:اجلسي من وقته اذا شفتوا بعض تنهارون
اماني:بس هي محتاجتني
العنود:بعد ماتهدين بخليها تروحين
رجعت اماني على وراء تناظر للعنود الي رجعت تغرق بالبكي
نطقت اماني بهدوء:تحبينه
التفت العنود ونطقت:من؟
اماني وهي تبتسم:طلال
نزلت العنود راسها تبكي
اماني بضحكه:اخذت اجابتي المهم حتى هو بعد يحبك
رفعت العنود راسها وكملت اماني:اي لعبتي بحسبه اخوي وكان ناوي اليوم يفتح الموضوع معي مع انه قد فتحه
العنود بهدوء:متى؟
اماني تبتسم:لما جاتني همايل في بيتي هذاك اليوم قال لي بس طلب مني ما اقولك شي لين يجي وقته
العنود:ومتى وقته
اماني بقهر:مفروض اليوم اسالك واخذ من فوقك اذا انتي تكنين له نفس مشاعر عشان يجي هو وابوي يخطبونك لكن
كملت تبكي وبكت معها العنود ونطقت:كنت اشوفه مستفز وانه قاسي واحقد عليه عشانه زوجك وكان قاسي معك بس لما شفته في يوم زواجك مدري شصار فيني ورفضت هذي فكره لكن بعد ماجيتي عند اهلك هذاك اليوم دخل بالغرفه علي وانا تأكدت انه تملكني حبه ومعاد قدرت اطلعه عن بالي واليوم كنت بقول لكم انتي وهمايل بالمشاعر هذي لكن وكملوا يبكون.....