في قبضة الايسر

ورقـتي الـ 12

چان أبسَط فعِل منَك
يخليي إحساسي متطَمن
أذكر شاورتني وصُوتك يجنن
ورجعِت لبيتنهَ وكُل
عقلي أضُم الصوت
مخِلي إيدي عَلى أذاني
شلون اليأذن .

خاف مَا اشوفَك تعال الليلة يمِي
خلي نجمعهِن سوة هَمك وهَمي
الليلة اني وياك نكضِيها سوية
اني أبجي عليك وانتَ ابجي عَلية

روحتَك هَسه وكتها
مِن عِفتني صُورتك المَن عِفتها
فارغة الجُنطة بمَشيتك چا أخذتها
انا خايف ع الهَدية خاف ناسِيني وبعتها
والرسالة البيها كاتبلَك أحبك شككتها .

واعوفَك للزمَن تلويك الأيام
بضلَك باچر يبين انكسارَك
تظن الذكريات تعُوفك بخِير
محطة تمُرها يوميه بقطارك
وتذگرني بشكو شلونك بالوجوه
ويُصفى الندَم عِنوان بشِعارَك .

(ومحمد ياريفان اذا ماتكومين تغيرين هذا البس الحصر على جسمج وتمسحين المكياج وداعت ابويه اسوي ليلتج جحيم)

فتحت عيني متفاجاء وين شافني أصلن ماطلعت برا الغرفه حته للهول مارحت رفعت عيني على على شباك جان يطل للهول وشويه البرده مرفوعه صارت عيونه بعيوني خزرني وهوه يشر براسه بمعنى كومي رجعتله الخزره وعفت الشال على راسي وضليت اكلب بتلفوني ابينله انو اني مامهتمه رجع دزلي رساله

(سهله سهله وحق محمد اطلعهن من عيونج اني الج الضاهر انتي متخافين)

سويتله بلوك بس داخلي مامرتاح رحت عدلت البرده كعدت يم بيبي نوريه وهيه رايحه بالسوالف الغير عالم هيه وبيبي خديجه ورا شويه كمنه اني وضي صعدنه الغرفتها

ضي:ريفان اريد اكلج شي

ريفان:أي كولي حياتي

ضي:ريفان أشك مو اكيد أشك اني حامل

انصدمت انرسمت ابتسامه على حلكي وصحت

ريفان:عليج الله

ضي:والنبي بس مامتكده لين صارلي فتره نفسي تلعب والشهريه صارلها شهر ماجتني

ريفان:لعد شلون لازم نتاكد عندج اختبار حمل منزلي

ضي:لا ماعندي وماريد اكل الأي أحد يجيب اريد اسويها متفاجاء

ريفان:لعد انتضريني باجر من ارجع من الجامعة اجيبلج وياي واحد وتتاكد

ضي:أي عفيه اعتمد عليج

ريفان:اخخ هيج واصير عمه يويلي حسيت بشعور حلو من هسه اني اسمي

ضي:هههه احلى عمه ادللي أول واحد يجي انتي سمي شسمي

ريفان:اذا بنت حر واذا ولد احمد واذا متردين عادي

كعدت يمي وحطت ايدها فوك ايدي

ضي:هيج جاي تائذين نفسج وانتي هسه واعيه وجبيره جاي درسين حاولي تنطيني فرصه النفسج هسه لاتكولين شي اخذي مساحه وتسعه وفكري تمام يلا كومي نطلع خل نسوي عشه