في قبضة الايسر

ورقـتي السادسه

شِغيرك هيّچ عَلية ؟
وَحدي عايفَني شِجاك
وأنة ذَاك العايَف أهّلة
وضَال بّس يُركض وَراك

حَتى لو باطراف
اصابيعك تكُضني
و انجفي الينجفي
يكلوله فدوهَ
الفدوه مَنك
يبَعد حلوك
اهلنه هواي
تسوى .

            (ريفان)

نزلت اركض داشوف شنو هذا العياط نزلت ولكيت اخوي مدمه بالكاع لطمت حيل على وجهي ورحت اركض

ريفان:ع علي شبي احجووو علي شبي

ايسر:الاخ مسوي مصيبه اكبر من راسه وكاضينه العالم مشبعينه كتل

سهاد:يمه ابني احجو ولكم شبي

علي:ماكو شي

حسام:ماكو شي مو لا اكو شي

سهاد:لكم احجوو ابني شي

حسام:والله يمه ابنج مسوي علاقه ويه بنيه وأهل الابنيه كامشين الابنيه ومشبعيها كتل ومنطتهم العنوان مال بيتنه وأهل الابنيه حالفين وين مايشوفون ابنج يكتلو

سهاد:يمه صخام

ريفان:عزا بعينك ولك شلون تسوي هيج ماخفت عليه مافكرت بعدين يصير بيه نفس ماصار بيك

ايسر:لاتقارنين نفسج بيهم

ريفان:لا اقارن مو يعرف بعدين كله ينكلب عليه شحجي وياك علي ها شحجي يلا كلي

عفتهم ورحت كعدت بالهول حطيت ايدي على كلبي من الهبطه امي رزلته وضلت تلوم بي وهوه اخذنه بصياحه صعد الغرفته وهوه متعصب

ريفان:فوكها هوه أبو الراهي مسوي المصيبه ومعاجبه

سهاد:يمه الابنيه شصار بيها

حسام:يمه الابنيه موتيها كتل

دكت امي على صدرها وصاحت

سهاد:سوده بوجهك ياصخيم الابنيه من وراك راح تموت

ريفان:يمه شراح نسوي

سهاد:باجر العصر يمه حسام اخذني البيت الابنيه اروح اخطبها اله شنو ذنبها هل مسكينه تنكتل من وره أخوك

حسام: متاكده يمه اخاف اهل البنيه يسوون مصيبه وبعدين احنا للروح بيها من ورا ابنج الشفيه

سهاد: يمه شلون شنو نخلي البنيه تموت بين ايديهم

ايسر: واني هم اشوف هذا احسن حل انه تاخذون البنيه العلي وهيج تنحل الامور

ريفان: زين هي البنيه شكد عمرها شنو اسمها من وين

حسام: اللي عرفته من اخوج انه البنيه عمرها 19 سنه وعايشه بالفرع الثاني اللي ورانا البيت اللي ورانا

ريفان: اها حلو بها الخير لعد

استرخصت من عندهم وصعدت لغرفتي بعد ما اكلت هبطه من ورا علي صعدت ذبيت روحي على الجربايه وظلت سالفه توديني وسالفه تجيبني عيني ما اخذت النوم من هنا لحد ما صارت تقريبا الساعه 12:00 نمت فزيت الساعه 4:30 على صوت الاذان اجتني قشعريره واني اسمع صوت الاذان كمت تتوضيت وصليت وقريت قران قريت سورة ياسين هديتها الابويه والأحمد ضليت للخمسه جاي انام سمعت صوت طكطه باوعت من الشباك ماكو أحد لعد منين هذا الصوت طلعت من غرفتي واباوع منين هذا الصوت نزلت الدرج شفت باب المطبخ مفتوح باوعت لكيت علي يريد يطلع جاي يطلع باوعتله وصحت