لا اريد ان اندفع مرة اخرى
اخر مرة اندفعت ناحية احدهم
مشيت في الشارع لا اعرف كيف اتنفس
من شدة البكاء والندم
راح انساك ابشرك
وانهي قصتي وياك
واشد جروحي بيدي
واتخذ عبره
بعد ما احب ابد لو مدري شيصير
رفضت الحب بعد ما انحني الامره
وبعد هيهات ارد الذيج الايام
الجنت بيها غشيم وفاقد الخبره
طحت مره بعد ما اطيح هيهات
ياوسفه وندامه ويا الف حسره
اني الانجرح من بعد ذاك الطيب
لو ادري من الاول ماصرت شجره
سلمتك كلب وك كلها تتمناه
شكد دكو ابابه ومافتح وزره
عاندت بمحبتك كومه شمات
كالو مو الك كتلهم انتظره
كالو مايحبك خايب شبيك
كلتلهم احبه وابد ما اخسره
رغم كلشي احتويتك بيك منطيت
كلت تسوه التعب والاه والحسره
طلع حبك دغش ياريت ماحبيت
ساعه البيها شفتك ساعه الكشره
بكلب واحد جذب ما اصدك نعيش
على هذا القهر يراد فد عشره
دخلت الغرفه ضلمه اجيت اعيط وصارت ايد على حلكي وهمس بصوت بس اني اسمعه
ايسر:اشششش هذا انا
بعدت أيده من حلكي وضربته راشدي حطيت ايدي على كلبي واني الهث
ريفان:انت باي حق تسوي هيج وشنو الجرئه الي اجتك وسويت هيج يانذل
كمش مقبض ايدي حيل وعيونه صارت حمر تخوف وهوه ملامحه حاده بوكتها استشهدت على نفسي وهمس
ايسر:سهله ريفان سهله هواي اجاوزتي بس وحق ربج اطلعهن من عيونج وحده وحده واخليج حته من خيالج تخافين لج اني اني يجيني هذاك النذل حكيم يطلبج من اخوج لا وبكل عين صلفه واكف ويحجي
فتحت عيني على وسعها وصحت
ريفان:شنو شقصدك حكيم اخو ضي لا وطلبني اني هه صدك تحجي لك لوو اموت الغير احمد مااصير فاهم وثانين هاي عملتك اني اعلمك عليها سهله ايسر صارن عليك هواي
دفعت أيده وطلعت واني مصدومه نزلت للحديقه وحطيت ايدي على كلبي كعدت على مرجوحه واني ارجع اعيد الي صار
ريفان:اخوها يخطبني لا وبس مره شافني وبكل عين صلفه يطلبني من اخواني لا اكيد اخواني مايقبلون اي مايقبلون ينطوني
فزيت على صوت وراي باوعت لكيت البنات جايبات فرشه فرشنها بالحديقه وجابن حلويات
ريام:أحلى كعده عندي والنبي
ريفان:حلو هاي شمسويات
مروه:استراحه مقاتل من بعد ماطاح حضنه من ورا عرس اخوج
باوعتلي ورده وصاحت
ورد:ريفان بيج شي شو وجهج اصفر
ريفان:ها لا مابيه مابيه بس شويه دخت
ورد:حقج حبيبتي صارلج ايام تفترين منا الهناك حته ماكعدي المهم هانت تعالي اكعدي يمنه
سوتلي مكان يمها صرت بالنص بين ريام ورد ومقابيلي ملاك ومروه جايبات كيك وشاميه وجباسه وقواطي كعدنه ناكل ونسولف شويه كدرت انسا ورا شويه فزينه على صوت اخواني
أنت تقرأ
في قبضة الايسر
Romanceباوعت بالغرفه واني اسمع صوت دقات الساعه رفعت راسي واني اضحك مادري شنو منتضرني من حلات روحي طلعت أغاني وكعدت اركص واني فرحانه بس يافرحه ماتمت من صرت بقبضة الأيسر عشت حطـام.... حزن...... الـم ..... عاينت على غرفه وصرت اشمئز من صوت دقات الساعه شلت كلا...
