وستظل مُعتقدًا أنك بخير
حتى تجد نفسك مستيقطاً
في الحادية فجراً تفكٌر
في كل شيء وفي اللأشيء
في الوقت نفسه
مرت 3 ايام على وفاة خطيبي واني باقيه بيتهم اليوم الثالث والاخير اجت الملايه اليوم الختمه كمشتني لميس وامي طلعت من غرفة احمد واني منتهيه كعدت بالصاله يم عمتي وفريده 3 ايام بدون اكل وشرب عشت على مغذيات كعدت يم عمتي اجت الملايه والنسوان بدت الملايه تقرا سورة ياسين وادعيه مال ختمه الاحمد خلصت الدعاء وصلت الأخير وصاحت الفاتحه على روح الشهيد احمد كريم هيه كالت هيج لو انهاريت نزلت راسي واني ابجي واتذكرت مره نزلت راسي وكال
احمد:لاتنزلين راسج واني موجود يبنت كلبي
صحت بصوت عالي
ريفان:نزل راسي احمد مو تكلي ارفعي راسج أنا موجود لاتنزل جا وينك هسه نزل راسي ولك احمد
بدت الملايه تنعى. اني احس بروح تنهش نهش وصلت المقطع دمرني واني اسمعه
اشتـاكلك...اشتـاكلك ...اشتاكلك
مات الـورد فاركـني عطـره غايب وانتضره
يلجمني هجـره
ريفان:أي والله عطره فاركني راح ماكو بعد جيه احمد كلشي انتهه كطعت انياط كلبي يابن كلبي
العـيد باجـر لايجـي بويه صحـت ماريده
العيد مية لاهله بمصباحه ياكلب خليك سكته ولاتعايد
نعت دكيت بجيت لطمت كل هذا ومارجع احمـدي حسيت نفسي دخت اتمدد على رجل امي واني ابجي
ام ريفان:كافي يمه كافي والله شلعتي كلبي ريفانتي ذبلت
لميس:رفونه حبيبتي كلنه على هذا الطريق اذا مو اليوم باجر لاتعترضين على حكم رب العالمين
ريفان:راحت روحي ويا يمه اني من دفنته دفنت روحي ويا ولج يمه
ام لميس:كافي ياخاله ارحمي نفسج
اريد امنع نفسي من البجي بس ماكدر جسمي كله يرجف ودموعي بللت عباية امي كمت وكفت على حيلي وصحت
ريفان:حقك مايروح حبيبي اخذه من عيون الكتلك وأكثر نام وانته مرتاح واطمئن انته تركت ذيئبه وراك متخلي دمك يروح هدر يابن كلبي
صعدت للغرفه المفروض اطبلها واني افرح طبيتلها واني مكسوره كعدت بالكاع طلعت صورته ضليت اباوعلها وانعى
ريفان:والله حلو مو مال مكابر حبيبي بعدك حلو لو خرب التراب وجهك عيونك حلكك خشمك بعدهن حلوات لو خربت معانينهن يابن كلبي اخخ اخخ روح احمد مودع بالله والله آخذلك حقك لو أعرف اكتل نفسي واخذه نام يابن كلبي امئنتك يم مولاي علي
رجعوني للبيت غصب واني الدنيا طالعه من عيني لكيت اخواني كلهم يمي رفعت راسي لكيت امي جاي تقره قران رحت يمها عفت راسي بحضنها وصحت
أنت تقرأ
في قبضة الايسر
Storie d'amoreباوعت بالغرفه واني اسمع صوت دقات الساعه رفعت راسي واني اضحك مادري شنو منتضرني من حلات روحي طلعت أغاني وكعدت اركص واني فرحانه بس يافرحه ماتمت من صرت بقبضة الأيسر عشت حطـام.... حزن...... الـم ..... عاينت على غرفه وصرت اشمئز من صوت دقات الساعه شلت كلا...
