في قبضة الايسر

ورقتي الرابعه

أنة كُل ليّلة بجفاكُم
تشَبع خِدودي مُطر
أيّد تركُض ع
الجِكارة ، وأيّد تركُض
ع الصِور .

يا گَلبي سد بابك بَعد
وتعود على جروحك
يا گَلبي شيفيد الهوىٰ
من تختنگ من رُوحك .

كاعده واني اشوف اخواني فرحانين واني فرحانه على فرحتهم باجر خطوبة حبيبي واخويه حسام

ام ريفان: رفونه يمه كومي عدلي المطبخ يمه جاي ارتب بغرفة اخيج

ريفان:خوش كايمه

كمت واجو اخواني جابو الكيك والبباسي شلت الكيك والبباسي عفتهم بالثلاجه وكعدت اعزل بالمطبخ خلصت وباوعت الساعه حتصير بالتسعه

ريفان:مامه شسوي عشه

حسام:لتعبين نفسج حبيبتي راح أمير يجيب من بره

ريفان:خـوش صاعده اذب على نفسي مي

صعدت اتوجهت للكنتور فتحته وطلعن ثيابي السود نزلت دمعتي اني الجنت البس الالون وماحط الاسود على جسمي هسه علمودك البسه سحبت اتراك اسود طبيت سبحت مشطت شعري ونزلت

أمير:يلا حبيبيتي انتضرناج

هزيت راسي رحت المطبخ حضرت الصنيه ولكيته جايب دجاج وكص حضرتهن بالصنيه ورحت بالهول أكلنه خلصنه غسلت الامواعين وامي سوت الجاي

ام ريفان:اكلج رفونه

ريفان:كولي يوم

ام ريفان:يمه والله بعدج صغيره كافي ذبي الاسود مكافي لبستي على روح احمد سنتين ادري راح تكولين شلون يمه وماعرف شنو والله بعدج صغيره يمه والحياة كدامج ترا من يشوفج هيج يزعل وانتي لابسه الاسود ترا مراح يرجعه هاج اني لبسته على ابوج سنوات وبجيت ولطمت رجع مايرجع يمه الحزن بالكلب مو بالأسود وباجر خطوبة اخوج الخاطره ذبي

مسحت دمعتي النزلت باوعتلها

ريفان:يمه هم رجعنه الهذا الموضوع كافي سدي ماانزعه وخلاص

هزت رأسها امي عفتها وطلعت بالحديقه حطيت كعدت بالمرجوحة رجعت راسي اليوره غمضت عيني بالم واني أتذكر هلسنتين كوه عشتهم من دونه واهلي دائما وياي ويحاولون ولو شويه يفرحوني حسيت على احد كعد يمي رفعت راسي لكيته حسام فتحلي ايده اتقدمت يمه وحطيت راسي على صدره

حسام:شبيها رفونة كلبي كاعده وحدها

ريفان:ماكو شي حبيبي شويه ضجت من الكعده جوه وطلعت اشتم هوه بره

حسام:باجر خطوبة اخوج اريدج تلعبيلي لعب

ريفان ابتسمت بحزن:جنت اتمنى بس جاي احجي وقاطعني

حسام:ها رفونه احنه شتفقنه لابس ولا شي

هزيت راسي ضلينه شويه كاعدين وطبينه جوه صعدت فوك كبل ذبيت روحي ونمت فزيت على صوت هوسات جوه هزيت راسي بقهر واتجمعت الدموع بعيني