في قبضة الايسر

ورقتي الـ 17

     هـذا أنا انضر الي نفسي بعين لا تكتفي من انا وليش مصيري هيج انكتب اعيش احيانا اباوع على عالم واحجي بداخلي هاي العالم هم تحزنن زين شنو الموقف الي كسر هاي العالم باوعت النفسي وصحت يمكن اني مصيبتي اهون من مصيبة الناس اكو ناس مصايبهم تكسر الكلب وهذا كله اختبار من رب رحيم ارحم من الناس كلها يمكن كلشي يصير بحياتنه بي عبره ورساله ماخفي عليكم اني مريت بهواي اشياء مثلا

تحرش :فعلا اني اليوم اتعرضت للتحرش بعمر صغير وجان من اقرب الناس النه جنت طفله ياعالم جان عمري 11 وبعد هذا الموقف كبرت ألف سنه على عمري والحد هذا اليوم من اذكر الموقف انهار وينعاد عليه من جديد ..

تعرضت فقدان شخص عزيز وقريب عليه:جنت من اشوف شخص يفقد شخص ويكعد يضرب بنفسه ويعيط ويعاتب جنت اشوفها مجرد تمثيل لااكثر بس من مريت بهذا الشي عرفت انو كلشي يبدر من عدنه خارج قوتنه من فقدت انسانه كاام الي حسيت بمعنى الفقدان والهجر حسيت شنو يعني انسان يفقد أنسان ..

حجي العالم واخخخ من اقرب الناس الك تحجي عليك وتتهمك  بااشياء أنت ماتعرف أصلن شنو هل اشياء:جان حجي العالم كلش يأثر عليه وجنت دائما اسمع حجي من ناس اني احبهم جنت انكسر وابجي وانقهر وجان دائما يطلع عليه حجي بس ماكعد ابرر مرت سنوات والحد الان ينحجي عليه وكان اني سيرة سالفتهم من اول ماتبدي الحد ماتنتهي .....

گمت اتخيلك ترجع واحاچيك
واسولفلك الصاير من عفتني
على يا هي اعذرك صارن هواي
بس حچاية اگلك " ضيعتني "

انا متعلم عليك هوايَّ
يا سوّلة سكتّي
ويا طواريك من الظلمَه تجيني
جانّن ثيابي علي غربه
كبل جيتك
ومساتحش من عيوني
وعلى المامش حنيني
شلون اوصفك؟
"وانت دَفتر واني چلمه ..

هيَ الكاتلتنه عَيونها كبار
وسَواد الليل ضَايع
وَي شَعرها
خُصر نَخلة وبَياضج
چَنه جُمار ومَلامح هادئة
تبَين سَحرها
ويَمها الناس مَا مَحسوبة
عَالناس
سَفينه وتَيهتنا بَنص بَحرها
تتنَفس مَحنه وعَاطفة وشوك
ومَيلوك الذهَب بس بنَحرها
وَشلون اوَصفها بيها الوَصف
مَحتار أذا حَتى الوَرد
يَلحك عَطرها