رسَايل مِنك لحد هَسه اداريهن
مِثل نوُم الطِفل بالليَل اهِز بيهن
واكَلبهن واشوُف ايامَك الحِلوات
مو حِلوات بس مَجبور اسميهن .
ليش تخسر مثلي واحد
هامل الدنيا ويجيك
انسان مِن توكع بشدة
يعينك اكثر مِن أديك
انسان جان يبيع روحة
ويشتري الترهم عليك .
مَهظوم أريد أشتِكي
والمِشتكى للرَب
مادري ياهو الدِخل
بَيناتنة وخَرب
مو بَس مَزاجي صِرت
بفراشي اتگلب
وأَبتعد عَن أي بَشر
مِن عِندي يِتقرب
حَتى اليِبيع الوَرد
مِن سولفتلة الحِصل
هَز أيدة وأستغرَب .
نايمه باليل حسيت على لمسات شخص بوجهي فزيت خايفه ومخروعه فتحت عيني لكيت اخويه امجد نايم فوكاي ويتلمس بيه بطريقه قذره وريحته تكتل عطت بكل صوتي ولا عبالك دكيت لطمت ماكو عطت بكل حيلي اجت مروه مخترعه إجتي من شافته فتحت عيونها حيل ولطمت على صدرها اجتي تركض سحبت اخوها مني وكوه شالته ودتت للغرفه
كعدت بزاويه الجربايه حطيت ايدي الترجف على وجهي بجيت بقلة حيله وصبر وخوف ايدي الرجفه احتلتها ضربت وجهي حيل اريد اموت تعبت اجت مروه كبل سحبتني وحضنتني مجان عندي القوه ادفعها جنت محتاجه هذا الحضن بجيت بكل قوتي وصحت
اسينات:ليش ليش بس اني ليش شنو ذنبي لين اجيت بنيه لو لين ماعندي أم تحميني منكم كلولي شنو مسويه الكم وهلكد تكرهوني كليلي ليش ليش شنو ذنبي شنو لين انولدت طفله بدون أهل لين ماعندي أب ينشد بي الضهر ليش هيج وياي ليش مو يحبكم ليش ميحبني اني مو بنته ليش هيج وياي الله تعبت شنو تكولون الـ رب العالمين باجر ها شنو عذركم راح تكولون اله لين انولدت بنيه لو لين ماعدها أم وتحتمي بيها لو لين اهلي يكروها وماعدها أحد اكرهكم الله لايوفقكم اكرهكم
كمت اضرب بنفسي حيل كمشتني مروه مقيده حركتي وجها مطعون احمر وعيونها حمر دم دم اخذتني الحضنها ضلت تقره ايات على راسي ضلت بس شهكتي مسموعه حطيت راسي بحضنها والشهكه شكت كلبي شك غمضت عيني
بضياع..!!
يخوف.!!
بقلة حيله.!!
رفعت راسي وحجيت واني أشهك
اسينات:ن نامي يمي بس اليوم حبابه
هزت رأسها وحطت ايدها على شعري ضلت تلعب بي استسلمت للنوم فتحت عيني الصبح لكيت ماكو أحد يمي حجيت بقهر وصحت
اسينات:حته هيه متحملتني اني المن عايشه اذا محد يريدني
نزلت جوه لكيت الكل كاعدين باوعتلهم باشمئزاز باوعتلي الحيه وصاحت
ايمان:بعد وكت عيني لو باقيه نايمه المن كاعده ست الحسن ضلي نايمه ونكعد احنه نخدمج بنت الفكره
قبضت ايدي اصبر نفسي وصحت
اسينات:ماله داعي هل حجي ترا أول وتالي الشغل يوكع براسي قابل انتن تشتغلن
أنت تقرأ
في قبضة الايسر
Lãng mạnباوعت بالغرفه واني اسمع صوت دقات الساعه رفعت راسي واني اضحك مادري شنو منتضرني من حلات روحي طلعت أغاني وكعدت اركص واني فرحانه بس يافرحه ماتمت من صرت بقبضة الأيسر عشت حطـام.... حزن...... الـم ..... عاينت على غرفه وصرت اشمئز من صوت دقات الساعه شلت كلا...
