في قبضة الايسر

ورقتي الثامنه

ما لي أراك حزيناً؟
أحُرمتَ من الجنّة أم بُشّرت بالنار؟
هوِّن عليك فما هي إلا دنيا.

اعرف مَا إلَك جَيه
وانه وِداعتَك هَم گلت هَاهِيه
بَس حَتى مِن أصِد و التهِي بغِير اشياء
بالصدفَه الصِور يتحارشَن بِيّه

اعذروني ترا وضعيتي تعبت
حياتي مخربطه مافهم اي شي
مبين الكم قوي بس انه منهار
بعد ماريد امثل رايد امشي
ترا الكتما يوصل حده مرات
بس المشكله شتريد تحجي
المايكدر يسوالف يبجي يرتاح
انه حته بجي ماكدر ابجي
انه مخذول مو من واحد هواي
واصل مرحله خذلتني نفسي
انه حاولت انسه اتخطه صعبه
وجع ما ينحمل باضلوعي نابت
لا تكدر تسوالف حته ترتاح
وولا ترتاح اذ ضليت ساكت
ياخي اكبر كارثه من تعزل انساان
واول ماتطيح تشوفه شامت

_

ماانكر هلحضه خفت بيها من شفت وجها انكلب أحمرار وشراين عيونه نطت

ضي:شلونج ريفان

نزلت راسي متفشله صعدت كبل ماسلمت عليهم

ريفان:الحمدلله انتي شلونج شلونك خويه

ضي:على الله

حكيم:الحمدلله

مشينه وطول الطريق مارتاحيت النضرات اخوها كل مارفع عيني بالجامه الكا يباوعلي وصلنه للصالون جاي ننزل وصاح

حكيم:من تخلصن خابرن عليه اني اجي

باوعلي وراح حجيت بكلبي عوذه شكول شكول

دخلت المركز جان يخبل باوعتلي ضي وصاحت

ضي:لج بس شوفي البرودة والراحة اخخخ اجاني شعور يخبل

ريفان:أي والله المكان يجنن

إجتي بنيه شابه صاحت بأسم ضي واني قررت اسوي عنايه عاديه بس هيه لا عنايه كامله من سبح وتنضيف وميكب

ضي:ريفان اني راح اطب بهاي وانتي بهاي من نطلع نتلاكه تمام

ريفان:خخـوش حبيبي

راحت هيه واني رحت طبيت نزعت الشال وإجت بنيه سوتلي تنضيف بشره وحفت وجهي باوعتلي وصاحت

:ملامحج حلوه تحبين اسويلج مكياج على ذوقج لو اني اسويلج

:صراحه ماكو شي براسي انتي سوي بس فدوه لاتكثرين

:صار انت اخت العروسه

:لا اني اخت العريس

:فدوه ربي يحفظكم

:حياتي تسلمين

بدت تاخذ وتنطي وياي بالحجي انتي من وين وشكد عمرج ومتزوجه آخر شي سكتت بعد ماحجيت خلصت المكياج رفعت راسي وانصدمت عود كلتلها مكياج خفيف هذا خفيف هذا!!!

ريفان:عمري لو مخففته

:بالعكس هذا اخف شي بس صراحه كلش كعد عليج يخبل