حياه

الفصل التاسع

انتقلت حياه للعيش بمنزل أحوالها وحقا كانت سعيده جدا لان لها اسره كبيره تقف معاها وتساعدها
ولكنها في ذات الوقت تشعر بالحزن والخوف
تشعر بالخوف من أن ياخذ سراج ابنها منها وخائفه من غدره
وتشعر بالحزن كلما تذكرت فعلت زوجها لها وفيما اخطأت لكي يتزوج عليها بماذا قصرت فيه
دخل عمر عليها وهي تفكر في حالها وماذا تفعل أ
ماما ماما ردي بقا عليا
ردت حياه وهي تبتسم له
نعم ياعموري عايز ايه ياقلبي
عمر وهو يفكر بشقاوة ومرح
انا عايز اروح الملاهي وأخد معايا حور ونور ونقضي اليوم كله بره
ردت عليه حياه بتردد
بص ياعموري انا مشغوله الفتره دي ممكن نأجل شويه
رد عليها عمر بحزن
ليه ياماما انا من زمان مرحتش وانا وعدت حور ونور أننا نخرج سوا
نظرت له بحزن ولا تدري ماذا تقول له
غير واعين للذين ينظرون لهم وسمعوا حديثهم
رد عليهم فريد بمرح
ايه رايك اخدكم انا ونروح سوا ونلعب طول اليوم مع بعض
رد عمر بفرح
موافق جدا
ردت حياه بخجل
انت كده هطعل نفسك يا بشمهندس
فريد وهو ينظر لها بحنان وحب اخوي
حياه انا فريد وبس وبعدين انا كمان هنبسط جدا معاهم بس انت لازم تيجي معانا
تبسمت له حياه وقالت
الحقيقه انا النهارده فعلا مشغوله رايحه مع خالو اشوف المحامي
فريد وهو يفكر
خلاص هروح انا معاهم واخد جوري معايا وهي مهتصدق
ردت حياه
خلاص مفيش مشكله
دخل عليهم فهد وهو غاضب ولا يعرف لماذا هو غاضب وقال لحياه بشئ من الحده
حياه يالا علشان نروح نقابل المحامي
حياه وهي تشعر بالضيق من حدته عليها وردت عليه في كبرياء
لا انا مطلبتش اني اروح معاك علشان تكلمني كده انا هروح مع خالي
فهد وهو يشعر بالضيق منها لماذا تبتسم لأخيه وله تعامله بحده ورد عليها بحسم
لا هتروحي معايا لأن بابا في الشركه هنروح احنا وهنقابله هناك يالا انا هستناكي في العربيه
قال هذا الكلام وغادر مسرعا قبل أن ترد عليه
حياه وهي تنظر في أثره وتوجه الكلام لفريد
هو اخوك ده مجنون ده قال الكلمتين وجري
فريد وهو يضحك
فهد كده جد اوي بكره هتعرفيه يالا روحي ليه ومتقلقيش على عمر
اماءت حياه وهي تقول
انا مش قلقانه على عمر وهو معاكوا بس عمر شقي اوى هيتعبكوا
فريد
متقلقيش
حياه وهي تغادر ماشي متجيش تشتكي
غير واعين للذي يكاد أن ينفجر من الغيظ من كلامهم معا فهد وهو ينادي على حياه بصوت عالي
حياه يالا هنتاخر
حياه وهي تقف بجانب السياره
انا هو يالا
فتح باب السياره وجلست حياه جانبه السياره قالت
السلام عليكم ورحمه الله
رد عليها السلام
متاسفه لو تاخرت
رد عليها وهو يتجنب النظر لها
ولا يهمك
عدى الوقت ووصل فهد وحياه للشركه ونزلوا من السياره واعطي فهد مفتاح السياره للأمن وغادر فهد ومعه حياه الي الداخل تحت نظارات حياه وهي تري ترحيب الموجودين لفهد
فهد للموظف الاستقبال
الاستاذ عمار موجود
ايوه يا بشمهندس لسه واصل من شويه

فهد وهو يغادر
خليه يجي على مكتب بابا بعد عشر دقايق
دخل فهد الاسنساير وحياه معه التفتت له حياه وقالت
هو احنا في الشركه بتعاتكوا
رد عليها فهد بسخريه
اكيد احنا في الشركه واضح يعني وبعدين اكيد قريتي اسم الشركه بره
حياه وهي تقلده بسخريه في نفسها
اكيد قريتي اسم الشركه يخربيت برودك ياشيخ
فهد وهو يكتم ضحكته من شكلها المضحك وهي تقلده
خلصتي يالا وصلنا هتفضلي كتير عندك
خرجت حياه من المصعد وذهبت خلفه
فهد لسكرتير مكتب والده
محمود بيه موجود
رد عليه السكرتير
ايوه يافندم هبلغه
اتفضلوا يافندم هو مستنيكوا
ذهبوا للداخل وبمجرد ما رآها محمود قام من على كرسيه وذهب لها وأخذها في أحضانه وقال لها
نورتي الشركه كلها يايويو
فهد وهو ينظر له بغيره جديده عليه
ايه انا خيال ولا ايه
محمود وهو لا يعيره اهتمام
سيبك منه تعالي اقعدي تحبي تشربي ايه
ردت حياه بحب لخالها
اولا الشركه منوره بصاحبها ثانيا ممكن اشرب قهوه ساده
محمود وهو يرفع الهاتف ويكلم السكرتير
اتنين قهوه ساده واحد شاي مظبوط
في هذا الوقت دخل عمار وألقى السلام عليهم
ردوا عليه السلام
قال محمود تعالي ياعمار
محمود وهو ينظر لحياه
دي حياه الجارحي بنت اختي وأشار إلى عمار
وده عمار المحمدي المحامي ومستشار شركتنا
جلس عمار بجانب فهد وهو يقول له ايه ده هو في جمال بالشكل ده ملاك دي ولا ايه
فهد وهو يرد عليه في غيره وغضب منه
محترم نفسك يالا احسنلك دي بنت عمتي
عمار وهو يتستشف غيره الفهد
انت غيران يافهد
رد عليه فهد بلجلجه
وانا هغير ليه دي بنت عمتي فطبعي اضايق يعني
محمود هو يوجه كلامه لفهد وعمار
ايه مش كفايه وشوشه بقا
دخل الساعي ووضع القهوه والشاي وغادر
مد عمار وأخذ الشاي
وأخذت حياه القهوه هي ووفهد
وتكلم محمود
عمار انا حكتيلك كل حاجه تخص القاضيه ممكن تقول لحياه موقفها من القضيه
رد عمار وهو ينظر للحياه وهو يقول بجديه
بصي يا مدام متقلقيش القانون في صفك اصلا
وبأمر الله الحضانه والوصايه ليكي هما ليهم حق الرؤيه بس
ردت حياه بقلق
بس انا خايفه من جد عمر وخصوصاً أنه بيكرهني جدا ممكن يعمل اي حاجه علشان ياذيني انا عمر
وهو هددني وقالي انا هندمك وده راجل مؤذي وده الي عرفته متأخر للاسف
رد فهد بتسرع
يبقى يوريني هيقدر يعمل ايه بس يحاول يقرب منك قصدي منكوا وهو هيشوف الي عمره ماشافه
ا
لاحظ محمود ارتباك فهد وحس ببدا حب فهد لحياه
وفي الحقيقة هذا ما تمناه وسوف يعمل جاهدا لتحقيقه
خرج عمار من المكتب بعد أن طمأن حياه وأكد لها أنه سوف يقوم بكل مايلزم حتي تاخذ وصايه طفلها
وايضا غادر فهد على مضض حتي يباشر أعماله
وأصر محمود على بقاء حياه معه في مكتبه
محمود هو ينظر لحياه بحنان
حياه ايه رايك اعزمك على الغدا بره النهارده
ردت عليه حياه
والله يخالو معنديش مانع بس ممكن اطلب منك حاجه
رد محمود
انت تؤمري يايويو
حياه بابتسامه رقيقه
ممكن نروح الملاهي نجيب الولاد وفريد وجوري
وتتغدا سوا
ضحك محمود
غالي والطلب رخيص اسنتي هكلم فريد يقابلنا هناك
وبالفعل كلم فريد وذهبوا جميعا وقضوا وقت جميل غير كثيرا من نفسيت حياه السيئه

في وقت متأخر من الليل جلست حياه في الحديقه وهي تهاتف صديقتها امل
الو فينك يامل وحشاني جدا بقالك كام يوم تليفونك مقفول مش عارفه اوصلك
ردت عليها امل بصوت حزين
معلشي يا حياه كان عندي شويه مشاكل وكنت قافله الفون
ردت حياه بقلق على رفيقتها
مالك يامل مشاكل ايه احكيلي يمكن اقدر اساعدك
ردت امل عليها بتأكيد
انا اصلا كنت هجيلك بكره بعد الشغل محتاجه اتكلم معاكي جدا يا حياه
حياه
طبعا لازم تعدي عليا بكره بس انا في مكان تاني هبعتلك العنوان تجيلي عليه
ردت امل باستغراب
مكان تاني هو انت نقلتي
حياه بتنهيده طويله
لما تيجي بكره هحكيلك كل حاجه
ردت امل م
ماشي اشوفك بكره أن شاءالله لا اله الا الله
حياه
محمد رسول الله
غلقت حياه الهاتف وذهبت حتي تخبر خالها أو أحد
منهم على زياره صديقتها وعند دخولها رأت فهد جالس في الاريكه مقابل التلفزيون ترددت لبرهه من الزمن ثم حسمت أمرها واتجهت له ثم نادته برقه غير مصطنعه
بشمهندس فهد ممكن اتكلم معاك شويه
نظر لها فهد وهو تائه في رقتها ثم فاق على نفسه وقال
اتفضلي تعالي اقعدي وقولي الي انت عايزاه
تنحنحت حياه وقالت بخجل
ممكن صديقه ليا تيجي تزورني بكره هنا
رد فهد وهو مستمتع بخجلها
حياه انت مش ضيفه هنا انت هنا صاحبه بيت يعني تقدري تستقبلي اي حد انت عايزاه مش محتاجه إذن من اي حد
حياه وهي سعيده من رده عليها
شكرا جدا يا بشمهندس
رد فهد عليا بحنان جديد عليه
حياه انا بقولك باسمك من غير القاب انت ممكن تنادي ليا باسمي من غير القاب ماشي وبعدين مفيش داعي للشكر
ذهب كلا من فهد وحياه وكل واحد محمل بمشاعر مختلفة عن الآخر ولا يعلموا ماذا تخبأ لهم الايام .

يتبع........