اللهم صل وسلم وبارك على سيدنا محمد وعلى آله وصحبه وسلم........
اليوم هو يوم الجمعة وعزم فهد على تنفيذ ما خطط له
اجتمع الجميع على مائده الطعام
امير وهو مازال مغمض العينين
ايه يافهد صحتنا ليه هو مش النهارده الجمعه ولا ايه يعني اجازه ياناس سيبنا ننام شويه ياخي
خبطه فهد على رأسه وقال ايه مش عاجبك
امير وهو يتصنع الخوف
تسلم ايدك ياسيد المعلمين لا يعمل عاجبني انت تشاور بس
ضحك الجميع على مرح امير
ايهم وهو يسأل فهد
بجد يافهد عايزنا في ايه
فهد وهو ينظر للجميع وخاصه حياه
ابدا بس انا قررت اننا نروح المزرعه النهارده نغير جو
ونقضي بكره كمان هناك ونرجع اخر اليوم بكره
رد امير بمرح
الله اكبر الفهد هياخد اجازه اخير مش مصدق لا وكمان هيخرج معانا لازام ادبح ارنب بالمناسبه دي
ضحك الجميع عليه
عماد
والله احلى حاجه عملتها يا فهد
عمر وهو ينظر لفهد بطفوله
عمو فهد هو في حصان في المزرعه
فهد بحنان
ايوه ياعمور في حصان وكمان بقر وخرفان وطيور
عمر في فرحه وسعاده احتضن فهد
الله ياعمو يالا بسرعه نروح
احتضنه فهد بحب وحنان واحس وكأنه ابن له
منى وهي تنظر حولها
امال فين جوري اختفت هي وفريد وامير
رد عليها محمود
اول مسمعوا فهد جريوا يجهزوا حاجتهم خافوا يرجع في كلامه
ووجه كلامه لحياه
قومي حضري حاجتك يايويو
حياه وهي تغادر
مش هتاخر وهنزل ياماما منى اساعدك نشوف هناخد ايه معانا
رد فهد وهو ينظر لها
لا كل حاجه جاهزه حضرى نفسك بسرعه ويالا
جهز الجميع وخرجوا الي السيارات
محمود وعماد ومني ركبوا مع فريد
أما امير ركب مع جوري وأيهم وأطفالهم ومعهم المربيه
أما حياه وعمر ركبت مع فهد
فهد وهو ينظر لحياه بإعجاب حيث كانت في منتهي الرقه والجمال بفستانها الوردي المحتشم وحجابها الابيض ورغم أنها لا تضع أي مستحضرات تجميل
الا انها كانت جميله جدا ود لو اخدها في أحضانه وقبل شفتيها الورديه نهر نفسه وقال لها
انت هتخيب يافهد ولا ايه
ثم وجهه كلامه لحياه
حياه عمر اكيد جعان في شنطه ورا هاتيها فيها اكل وعصاير هاتيها وادي عمر
عمر رد وقال لا انا عايز شبيسي بس
ضحك فهد على عمر وقال
لا يابطل لاازم تاكل الاول وبعدين نشوف موضوع الشبيس ده
حياه وهي تعطي عمر شطيرته
يالا كل ياحبيبي الاول
ومدت يدها لفهد بشطيره اخري
اتفضل
فهد وهو ياخذ منها الطعام تمنى أن تقوله له ياحبيبي مثلما قالتها لعمر
شكرا
حياه وهي تنظر له بخجل
لا احنا الي المفروض نشكرك
فهد وهو يوجه حديثه لحياه
انت مبسوطه في الشغل
حياه بسعاده
مبسوطه جدا انت متعرفش انا كان نفسي اشتغل من زمان جدا و الصراحه كل لما اعمل شغل تتطلب مني مظبوط بفرح جدا أني قدرت اعمله بمجهودي
فهد وهو ينظر لها بإعجاب
طيب وشغلك معايا مرتاحه فيه ولا حاسه اني مزودها عليكي
ردت حياه بسرعه
لا طبعا مرتاحه معاك جدا
وصل الجميع المزرعه ووجودها مرتبه ومعده لاستقبالهم
كل منهم ذهب ليضع أشياؤه في غرفته معادا حياه
فأشار لها محمود حياه اوضتك جنب اوضه فهد
وأشار لفهد خد حياه معاك وريها اوضتها هي وعمر
مدت حياه يدها لتأخذ حقيبتها إذا بفهد ينظر لها بحده
سيبي الشنطه انا هاخدها معايا
ردت حياه
لا انا هشيلها
فهد نظر لها بغضب ومد يده نجاه حقيبتها واخدها وصعد للدور الثاني لحقته حياه أشار لها
دي اوضتك ودي اوضتي انا لو عوزتي حاجه متتردديش انك تقوليلي اوك
ردت حياه
ماشي
ارتاحوا قليلا من الطريق وذهب الرجال للصلاه الجمعه
ونزلت حياه حتي تساعدهم
حياه لجوري امال فين ماما منى
جوري
في المطبخ
حياه
طيب يالا نقوم نساعدها
جوري بتهرب
لا مع نفسك انا هروح العب مع العيال شويه
حياه
مفيش فايده فيكى بتهربي انت كده
جوري بضحك بالظبط كده
حياه وهي تدخل المطبخ وترمي السلام على الموجودين
ردوا عليها السلام
منى وهي تنظر لحياه بحب
ايه الي جابك المطبخ يايويو
حياه
ابدا ياماما حبيت اساعدكوا
مني لحياه
روحي ارتاحي يابنتي
حياه بتصميم
لا انا بحب المطبخ والطبخ هتعملوا ايه غدا
ردت منى بحيره والله معارفه
حياه وهي تقترح عليها
ايه رايك نعمل نجرسكوا وبوفتيك ومحشي ورق عنب
ردت منى
انت كده هتبقي عملتي اكلت فهد المفضله
حياه لنفسها فهد نفس ذوقي في الاكل وكمان القهوه
ياترى ايه المشترك بينا تاني ايه الي بتفكري فيه ده يا حياه فوقي
اجتمعت العائله على طاولة الطعام
فهد وهو يأكل تسلم ايديك ياماما الاكل تحفه
ردت منى
لا المره دي تسلم ايد يويو هي الي عامله الاكل كله
كل الموجودين أثنوا على الطعام
وتمنى فهد أن يقبل يديها ويثني على طعامها المميز
مثلها بمفردهم
وجهه حديثه لعمر يالا ياعمر نروح نشوف الخيل والحيوانات
رد عمر بفرحه
يالا بسرعه ياعمو بس هناخد معانا عرايسي
ضحكت كل من حياه ومني وجوري
وسط استغراب الجميع
وسأله فهد مين عرايسك دول
عمر
جوري وحور ونور
رد ايهم هذه المره
مين يالا دول انت عايز تاخدهم كلهم مني مراتي وبناتي الاتنين
رد عمر بتكبر طفولي
ايوه انا اتفقت مع جوري وهي وافقت
ايهم
كمان هي وافقت والله عال ياهانم ملكيش جوز تاخدي رأيه ولا ايه
ضحك الجميع
وبالفعل ذهب عمر وفهد للخيل والحيوانات ولعب معهم كثيرا
قلت حياه علي عمر فطلبت من جوري أن تأخذها لهم
ذهبت لهم ووجدت فهد جالس على حصانه وعمر أمامه وهم يمرحون سويا فسعدت كثيرا بسعاده ابنها
الذي منذ زمن لم يمرح هكذا ثم نظرت نحو فهد وسرحت في وسامته وجاذبيته ثم نهرت نفسها واستغفرت وغادرت
جلست معهم يتسامروا جميعا ثم استأذنت وغادرت لغرفتها
بعد قليل من الوقت سمعت باب غرفتها يدق
ذهبت وفتحت الباب إذا بفهد يحمل عمر نائم
فهد وهو يوجه حديثه لحياه
احطه فين
أشارت له على السرير فوضعه عليه وقبل رأسه
وقال لحياه
تعب من كتر اللعب وماكنش عايز يمشي وفين لما وافق نرجع
ابتسمت حياه وقالت
هو كده الحاجه الي بيحبها صعب يسببها وهو بيحب الحيوانات اصلا ياما اتحايل على باباه يجبله قطه وسلحفه وانا برفض
رد فهد عليها
ليه بترفضي
حياه بطفوله
بص هو سر متلقش لعمر عليه انا اصلا بخاف من الحيوانات والطيور وعمر لو عرف هيخوفني بيهم وممكن يجري ورايا بيهم زي معمل قبل كده وجري ورايا بصرصار وطلع لعبه في الاخر
انطلقت ضحكات فهد عليها
حياه وهي تنظر له بغضب
انت بتحضك عليا انا غلطانه اني واقفه بتكلم معاك
دخلت وغلقت الباب ولم تتوقف ضحكات الفهد على هذه الطفله المجنونه
انقضت الاجازه بسرعه وعادوا إلى المدينه
ذهبوا إلى العمل
دخلت حياه الي المكتب والقت السلام عليهم
ردوا السلام معادا ندى
ندى وهي تنظر لحياه بخبث
صحيح يا حياه انت متجوزه
ردت عليها حياه
رغم أن دي حياتي الشخصيه بس انا هرضي فضولك واقولك لا انا ارمله وام
ذهول من الجميع فحياه لا يبدو عليها انها متزوجه وام
رد هذه المره ايهاب عليها
معلشي ممكن اعرف سنك لانك شكلك صغير جدا يعني يدي 20سنه
ابتسمت حياه بخجل وقالت
انا عندي 30سنه
خالد وهو ينظر لحياه بنظره غريبه عليها
وانت عائشه لوحدك على كده
ردت حياه بقوه وفهمت ماذا يقصد هل يظن لأنها ارمله فاخلاقها منعدمه بالله علي نظره الناس الي الارمله والمطلقه
والله يا بشمهندس ولو أنه ميخصكش بس هجواب ودي اخر مره هسمح لحد أن يتكلم في حياتي الشخصيه انا عايشه مع اهلي انا وابني
وانشغلت في عملها رغم الغضب المسيطر عليها
مر شهر اخر ولم تسلم حياه من لسان ندي ورميها بالكلام ونظرات بعض الرجال الطامعه فيها وكان الارمله امراه سهله المنال
دخلت حياه المكتب ألقت السلام كالعاده ولكن هذه المره جميله لم ترد عليها فسألتها حياه
مالك يا جميله أن ضايقتك في حاجه
نظرت لها جميله وقالت بغيره
ايوه انت في ايه بينك وبين ايهاب
صدمت حياه
انا مالي ومال البشمهندس ايهاب
جميله بغيره اكبر
ندي قالت إنها شافتكوا بتتكلموا مع بعض الصبح
حياه وهي تمسك دموعها حتي لا تنهار أمامهم
تقدري تسأل البشمهندس احنا اتكلمنا في ايه
هذه المره ردت ندى
عامله فيها محترمه وهي يالا
ردت عليها حياه بقوه
مسمحلكيش انا محترمه غصب عنك مش هتيجي واحده زيك تشكك في أخلاقي ووجهت كلامها لجميله
البشمهندس كان عايزني اقولك أنه في مشاعر من ناحيته ليكي وكان عايز يعرف ردك علشان ياخد معاد مع والدك
لم تنتظر حياه رد جميله وأخذت اغراضها وغادرت
ولم تري الذي يشتعل من الداخل لرؤيه دموعها وأقسم على رد حقها ومحاسبه كل من تسبب في وجعها ........
يتبع......
اتمني تنال إعجابكم ❤️ ❤️ ❤️
في انتظار تعليقاتكم ❤️❤️
أنت تقرأ
حياه
Любовные романыعنوان الفصل : يومي اعرفكم بنفسي انا اسمي حياه عمري 30 متزوجه زواج تقليدي ورغم ذلك تعلقت بزوجي جدا واحببته وانجبت منه طفل عمره الان 5سنوات نسيت أن أخبركم اني متزوجه منذ 7سنوات زوجي هو ابن أحد معارف ابي عمره35 يعمل مهندس ب...
