حياه

الفصل الثالث عشر

اللهم صل وسلم وبارك على سيدنا محمد وعلى آله وصحبه وسلم........
غادرت حياه المكتب وهي في حاله انهيار 
أما في المكتب
جميله بتأنيب ضمير وحزن على ما فعلته بحياه
انا ظلمت حياه جدا  ياريتني ماسمعت كلامك ياندى
ندي بغيظ من جميله لأنها أفسدت ختطتها
وانا مالي كل الي قولته أنها واقفه مع ايهاب
ردت جميله عليها
لا ياندى مقلتيهاس كده انت قولتي واقفين يهزروا
وكمان شكلها بتديه رقمها
هذه المره رد عليهم ايهاب
عارفه يا جميله انا اتصدمت فيكي المفروض انت عاشرتي حياه كام شهر وشوفتي اخلاقها دي عمرها متكلمت معايا انا أو خالد أو اي زميل لينا تاني في خارج إطار الشغل  على العموم انا بسحب طلبي الي قولت لمدام حياه
بهتت جميله من موقف ايهاب ولكن عزمت على أن تصحح خطأها وتعتزر لحياه غدا
أما ندي تلك الحقوده تفكر كيف تستغل الموقف وتشوه صوره حياه
على الصعيد الآخر داخل مكتب فهد فهو غاضب جدا  بل يشتعل من الغضب يريد الفتك بهم يريد أخذ حقها من كل من اذاها يريد أن يطمأنها ويمسح دموعها التي كوته من الداخل 
بعد تفكير رفع الهاتف وجلب السكرتيره
مها ابعتي المهندسه ندى والمهندس ايهاب بس خلي ايهاب يجي الاول من غير معرف حد في المكتب عنده
بالفعل حضر ايهاب للمكتب ونظر لفهد بجديه
خير يافندم
فهد وهو يصطنع الهدوء والبرود
عايز اعرف الي حصل في المكتب دلوقتي من غير اي تغير
بالفعل حكى ايهاب لفهد كل ماحصل حتي مقالته جميله بعد خروج حياه
رد فهد عليه
ماشي هي هتدخل كمان شويه ممكن تسنى جوه في الحمام ده وتسمع كل الي بتقوله هي
دخلت ندي وهي تتمايل بملابسها الضيقه ومكياجها الصارخ
خير يا فهد بيه حضرتك طلبتني
رد عليها فهد بخبث
ابدا كنت عايز اسال على الموظفه الجديده الي عندكوا
ردت ندي وهي تتصنع الرقه وبكل الحقد الذي بداخلها تجاه حياه أجابت
أصل يعني مقدرش أخوض في سيرت حد
حاول جهدا أن يخفي غضبه ولا يقتلها على ما تقوله في حق حياته نعم اخيرا أدرك أنها حياته وعوضه من الدنيا
لا ابدا اتكلمي انا حابب اعرف مهم مش اي حد هيستغل في الشركه اهم حاجه سمعت الشركه ولا ايه
ردت عليه
طبعا يا فندم سمعت الشركه اهم الي اعرفه وبتقال أنها شمال يعني ولافه على نص رجاله الشركه ومنهم المهندس ايهاب الي معانا وكمان خليته يسيب خطيبته
قالت ما فيها وليس ما في حياه الخلوقه كان هذا تفكير فهد وايهاب الذي يسمع لتلك الشيطانيه
غادرت مكتب فهد وعلى فمها ضحكت انتصار وتشفي تظن أن حياه غادرت الشركه بلا عوده
وعند فهد خرج عليه ايهاب وهو مرعوب أن يصدق فهد تلك الحرباء
والله يافندم كل الكلام الي قالته على البشمهندسه غلط والله مدام حياه قمه في الادب والاخلاق
أشار له فهد وقال في حسم
عمري مصدق على حياه اي حاجه وحشه بس كان لازم اعمل كده واسمع منها علشان لما ادبها مكنش ظلمتها بس اتكدت أنها تستهال الي هيجرى ليها دلوقتي ترجع شغلك ولا تين اي حاجه
غادر مكتب فهد ونفذ مقاله فهد
أما عند بطلتنا الرقيقه ذهبت على صديقتها فلم تجدها عادت. للمنزل وغادرت الي المنزل  ووجدت جوري وزوجت خالها جالسين ألقت عليهم السلام بصوت حزين وعيون دامعه
سالتها مني 
مالك يا حياه مدمعه ليه
وهنا ارتمت حياه في أحضانها واجهشت في البكاء
بكاء مرير حكت حياه ماجرى لها تحت بكاء جوري ومنى
ردت عليها منى بحكمه وهدوء
بصي يايويو انت ياما هتقبلي في حياتك انت ارمله وعارفه الناس تفكيرها عامل ازاي وهتشوفي الحلو والوحش  فلو هتسمعي لكلام الناس مش تعرفي تعيشي وخديها مني نصيحه علشان انت بنتي لازم انصحك طلما انت واثقه في نفسك واخلاقك ميهميكش حد غير ربنا سبحانه وتعالى
ارتاحت حياه كثيرا بعد كلام زوجت خالها وقررت أن تعمل بنصيحتها
ذهبت حياه لغرفتها وأخبرتهم أن يعتنوا بعمر ويتركوها بمفردها اليوم
جاء الرجال من أعمالهم
فهد وهو يبحث عن حياه بعينه ولم يجدها يعلم أنها حزينه جدا الان يريد أن يرها ويخبرها أنه سوف يقتص لها ثم سأل عليها أمه
ماما امال فين حياه
منى بخبث فهيا لاحظت اهتمام ابنها بحياه
بتسال ليه عليها
توترفهد
هه أصلها مشيت بدري من الشركه
منى في نفسها بتكدب عليا يافهد اقطع دراعي أن مكنت عارف هي مشيت ليه وكمان عينك الي قلقانه عليهاةفضاحك 
على العموم هي في اوضتها وطلبت أنها تفضل لوحدها النهارده
ذهب فهد لغرفته ولكنه تركها وذهب نحو غرفه حياه أراد أن يطرق الباب لكنه تراجع ظل على هذا المنوال مده لا بأس بها وفي الاخير غادر إلى غرفته
بعد منتصف أحست حياه بالجوع والعطش فقررت أن تذهب للمطبخ
تفاجات حياه بوجود فهد في المطبخ فقررت أن تسأله ماذا يفعل
فهد انت بتعمل ايه هنا
توتر فهد
هكون بعمل ايه يعني زي مانت شايفه بجهز اكل ليكي قصدي ليا شكلك جعان متعشتيش معانا تعالي كلي معايا
حياه بخجل
فعلا انا جعانه ماشي هاكل معاك
جلست معه على طاوله المطبخ وهي تتناول الطعام وعلى استحياء
أما فهدنا فهو سعيد للغايه فهم يتناولوا الاكل سويا وحدهم لاول مره وقد قرر أنها لن تكون الاخيره
سرح في وجهها وعيناها رغم حزنها الا أنها لم تفقد بريقها بالنسبه له
بعد أنهوا الطعام
فهد لحياه
ممكن تعملي قهوه الصراحه قهوتك وحشتني وأكمل في سره انت كلك وحشاني حتى وانت معايا
رد عليه حياه
من عنينا احلى قهوه
رد عليها
تسلم عينيك يايويو
التفتت له حياه
ايه بتبصيلي كده ليه مش كلهم بيقولك كده
خجلت حياه منه واكملت القهوه واعطتها له
فأخذها منها وقال لها
ايه رايك نشربها في الجنينه
اماءت له وذهبوا للخارج
فهد لحياه
مشيتي بدري ليه يا حياه النهارده
حياه
ابدا كنت تعبانه شويه
فهد بحنان
يويو متخبيش عليا احكيلي ومتخفيش
تنهدت حياه
وحكت لفهد ماحصل دون ذكر أي اسماء
تبسم لها وقال
اوعدك هجبيلك حقك منها ومن اي حد نزل دمعه واحده منك
نظرت له  ثم تاهت في حنانه الذي يغمرها بيه
وقالت
لا يافعد متازيش حد كفايه أنا سبتيها لربنا
فهد بحسم
لا يا حياه المره دي لا حقك هجيبه
حياهوفي نفسها ياالله اول مره منذ وفاه أبيها أن تحس بأن احد يحمل همها ويكون لها السند
حياه
فهد انا هقوم علشان انام شويه علشان اقوم فائقه للشغل
فهد بحب وحنان
ارتاحي بكره
ردت حياه
لا بكره لازام اروح لو مرحتش هيفتكروا اني خايفه
م
فهد وهو مؤيد قررها
فعلا معاكى حق اشوفك بكره تصبحي على خير
حياه
وانت من اهل الخير
ذهبت حياه للعمل ودخلت المكتب ولم تلقي السلام كعادتها وجلست تعمل في صمت
دخلت ندى وهي تنظر لحياه بتشفي
ايه ده انت جيتي واحده غيرك مكنتش جت بعد فضيحتك امبارح
لم ترد عليها حياه
واكملت علي العموم فهد بيه شكله عرف فضايحك وقرر أنه ينضف الشركه
قاطعها دخول فهد وهو يقول
فعلا الشركه لازم تنضف بس مش من حياه لا تنضف من امثالك ده اخر يوم ليك هنا تلمي حاجتك وتغوري من هنا ملمحش وشك هنا تاني انا هكتفي بطردك بس والله لو عرفت انك السبب في اذيت حياه او حد تاني لكون معلمك الادب ومهتلاقي شركه واحده تعينك
بهتت ندى لم تتوقع ابدا أن تطرد هيا
فنظرت لحياه بغل وتوعد وقالت
ايه وقعتيه هو كمان ياشمال بس والله لفضحك
وانتقم منك 
فهد بغضب وحده  لم يتحمل على حياه اي كلمه
اخرسي انت مسمعتيش انا قولت ايه طيب ابقي
قبلني لو لقيت حد يشغلك  بره يازباله
وده باعلي صوت
فين الأمن يجول يرموا الزباله دي بره
جاء عمار صديقه وحاول تهدئته
اهدي يافهد مش كده انت كده بتأكد على كلام الزباله دي
فهد بحرقه
انت مش عارف حاجه ياعمار
رد عمار لا عارف يافهد عارف كل حاجه الشركه ملهاش سيره الا هي
فهد بعصبيه ولاد الكلب بيجيبوا سريتها انا هربيهم
ضحك عمار علي صديقه فهو وقع
طيب تعالى على مكتبك نتكلم احسن
رد فهد
مش قبل لما الزباله دي تغور
وبالفعل غادرت ندى وهي تتوعد لحياه فهل سوف تنجح وتؤذيها ام أن تخاف اذيه الفهد .........

يتبع.......

اتمني أن تنال إعجابكم ❤️❤️❤️

شجعوني لو عجبتكم وقولوا رأيكم بالتعليقات
❤️❤️❤️