>> Unicode <<
~~~~~~~~~~~~
" အကိုသက်သာနေပါပြီကွာ၊ အလုပ်ရှုပ်အောင် တကူးတကကြီး.. "
" တကူးတကတော့မဟုတ်ပါဘူး၊ မနိုနိုလည်း ဖျားချင်သလိုဖြစ်နေတယ်တဲ့၊ ခံတွင်းပျက်နေမဲ့အချိန်ဆိုတော့ မြူစွမ်လေးစားရင်အဆင်ပြေမလားလို့လေ "
ပန်ရတီဆိုသည့်ကောင်မလေးကပြောရင်း မြူစွမ်ပန်းကန်မှာဇွန်းတပ်ပြီး အကို့ရှေ့ကိုတိုးပေး၏။ အကိုကတော့ မနက်က သူ့အမေပို့လိုက်တဲ့ဟင်းတွေနှင့်ထမင်းစားပြီးသား။ နဂိုမှအစားနည်းတဲ့အကိုက အားနာပါးနာနှင့်သာ တစ်ဇွန်းစ၊ နှစ်ဇွန်းစ ခပ်ယူနေလေသည်။
ကလေးတွေရဲ့ခံတံလေးတွေကို ဓားနှင့်ချွန်ညှိပေးနေရင်း စော အကို့ကိုလှမ်းလှမ်းကြည့်မိသည်။ တခြားကြောင့်တော့မဟုတ်။ နေမကောင်းတဲ့သူကို စိတ်ကျဉ်းကြပ်စေတဲ့အရိပ်ယောင်များတွေ့ရင် စောကထိုင်ကြည့်မနေနိုင်ပေ။
" စောစော "
" ဟင် ပြော သား.. "
" သား.. သားတို့.. ညကျရင်ကာတွန်းကြည့်ရမှာလား "
စောပြုံးကာ ကလေးငယ်ရဲ့လက်ထဲ ချွန်ပြီးသားခဲတံလေးထည့်ပေးလိုက်ရင်း..
" သားတို့ကကာတွန်းကြည့်ချင်လို့လား "
" ကြည့်ချင်ပါတယ် !! "
တညီတညာတည်းဝိုင်းဖြေသံလေးတွေက စူးခနဲညံသွား၏။ အပေါက်ဝမှာထိုင်နေတဲ့အကိုတောင် စောတို့ကိုလှမ်းကြည့်သည်။
" သားတို့ကြည့်ချင်ရင် ကြည့်ရမှာပေါ့၊ ဦးကျော်သစ်ကို ဦးပြောထားပေးမယ် "
" စောစော.. သမီးဒီညမလာလို့ရလား "
စာရေးနေသည့်ကလေးမကမေးလေသည်။ စော ထိုကလေးမကိုကြည့်ပြီး..
" ဘာဖြစ်လို့လဲ၊ သမီးလုပ်စရာရှိလို့လား "
" သမီးမောင်လေးနေမကောင်းလို့၊ နိုင်းနဲ့ကလေးဝိုင်းထိန်းပေးရမှာ "
ကလေးက ကလေးကိုပြန်ထိန်းမဲ့အဖြစ်ကိုတွေးပြီး ရယ်လည်းရယ်ချင်။ သနားလည်းသနားသည်။ သို့ပေမဲ့ ဒါဟာလည်း စောရဲ့အမြင်သာ။ သူတို့လေးတွေခင်မျာမှာတော့ ကြုံကြိုက်လာတဲ့ဘဝရဲ့သင်ခန်းစာတွေကြားမှာ အရွယ်နှင့်မမျှအောင် ရင့်ကျက်နေကြရှာ၏။
YOU ARE READING
နှလုံးသားရဲ့စကားသံ ( Completed )
Romanceဒါလေးက " မောင့်မူပိုင် " ရဲ့ side story ပါ။ ဆိုပေမဲ့ Love triangle မကြိုက်သူတွေက ဒါပဲဖတ်မယ်ဆိုလည်း အဆင်ပြေပါတယ်ရှင့်။
